ရန်ကုန်မြို့၏ အသစ်တိုးချဲ့လိုက်သည့် မြို့နယ်များထဲတွင် တစ်ခုအပါအဝင်ဖြစ်သည့် လှိုင်သာယာမြို့နယ်သည် တိုးချဲ့မြို့နယ်များထဲတွင် အတိုးတက်ဆုံးမြို့နယ် တစ်ခုဖြစ်သည် ။ မြို့နယ်၏ မြောက်ဘက် နှင့် အနောက်ဘက်တို့တွင် ထန်းတပင်မြို့နယ် ၊ အရှေ့ဘက်ရှိ ရန်ကုန်မြစ်တစ်လျှောက်တွင် အင်းစိန်မြို့နယ် ၊ မရမ်းကုန်းမြို့နယ်နှင့်လှိုင်မြို့နယ် ၊ တောင်ဘက်တွင် တွံ့တေးမြို့နယ်တို့ဖြင့် ဝန်းရံတည်ရှိလျက်ရှိသည် ။ အကျယ် ၆၇.၄ ကီလိုမီတာရှိသော လှိုင်သာယာမြို့နယ် သည် ရပ်ကွက်ပေါင်း ၂၀ နှင့် ကျေးရွာပေါင်း ၉ ခုတို့ဖြင့် ဖွဲ့စည်း ထားပြီး မူလတန်းကျောင်း ၄၆ ကျောင်း ၊ အလယ်တန်းကျောင်း ၈ ကျောင်း နှင့် အထက်တန်းကျောင်း ၄ ကျောင်း တို့တည်ရှိသည် ။ မြို့သစ်များထဲတွင် ဖွံ့ဖြိုးတိုးတက်မှု အမြန်ဆုံးဖြစ်လာသည့် လှိုင်သာယာမြို့နယ်သည် လမ်းပန်းဆက်သွယ်ရေးကလည်း အဓိကဖွံ့ဖြိုးစေသည့် အခန်းကဏ္ဍတွင်ပါဝင်သည် ။ တွံ့တေးမြို့နယ်သို့ ချိတ်ဆက်ပေးသည့် ပန်းလှိုင်တံတား ၊ အခြားမြို့နယ်များသုိ့ သွားလာရလွယ်ကူစေရန် အောင်ဇေယျတံတားနှင့် ဘုရင့်နောင်တံတားတို့သည် အဓိက လမ်းမကြီးများဖြစ်ကြသည် ။ မြန်မာနိုင်ငံ၏ အကြီးဆုံး စက်မှုဇုန်များဖြစ်သည့် လှိုင်သာယာစက်မှုဇုံနှင့် လူနေအိမ်ရာဝန်းများဖြစ်သည့် ပေဒသာပင်မြို့တော်အိမ်ရာ နှင့် ပန်းလှိုင်အိမ်ရာ တို့သည် လှိုင်သာယာမြို့နယ်တွင်တည်ရှိသည် ။ လှိုင်သာယာမြို့နယ်သည် ကျယ်ဝန်းသောမြို့နယ်တစ်ခု ဖြစ်သည့်အပြင် လူနေလုံးချင်းအိမ်များ ၊ မြေကွက်လပ် အလွတ်များစွာကျန်ရှိနေသေးပြီး ရန်ကုန်မြို့တွင်း အလျင်အမြန်ဖွံ့ဖြိုးတိုးတက်လာသည့် မြို့နယ်ကောင်းတစ်ခု ဖြစ်ပေသည် ။