ကမာရွတ်မြို့နယ်

ကမာရွတ်မြို့နယ်သည် ရန်ကုန်မြို့လယ်၏ မြောက်အလယ်ပိုင်းတွင်ရှိသောမြို့နယ်ဖြစ်ပြီး ၆.၂ ကီလိုမီတာကျယ်ဝန်းသည်။ မြို့နယ်၏မြောက်ဘက်ပိုင်းတွင် လှိုင်မြို့နယ် ၊ အနောက်ဘက်တွင် ကြည့်မြင်တိုင်မြို့နယ် ၊ အရှေ့ဘက်တွင် အင်းယားကန် ၊ ဗဟန်းမြို့နယ်နှင့် မရမ်းကုန်းမြို့နယ် ၊ တောင်ဘက်တွင် စမ်းချောင်းမြို့နယ်တို့ ဝန်းရံတည်ရှိသည် ။ ကမာရွတ်မြို့နယ်သည် ရပ်ကွက်ပေါင်း ၁၀ ခုဖြင့်ဖွဲ့စည်းထားပြီး မူလတန်းကျောင်း (၁၂) ကျောင်း၊ အလယ်တန်းကျောင်း (၂) ကျောင်းနှင့်အထက်တန်းကျောင်း (၅) ကျောင်းတို့တည်ရှိသည်။ ရန်ကုန်မြို့၏ အဓိကလမ်းမကြီးတစ်ခုဖြစ်သည့် ပြည်လမ်းမကြီးဖြတ်သန်းသွားသော မြို့နယ်လည်းဖြစ်သည်။ ကမာရွတ်မြို့နယ်တွင်း ရန်ကုန်မြို့၏ အထင်က တစ်ခုဖြစ်သည့် ရန်ကုန်တက္ကသိုလ်ကြီး တည်ရှိသည့် မြို့နယ်လည်းဖြစ်သည်။ ရန်ကုန် တက္ကသိုလ်ကြီးသည် ယခင်က ကာလပေါင်းများစွာ ပိတ်ထားသော်လည်း ယခုအခါတွင်မူ ဘွဲ့နှင်းသဘင်ဆောင် အပါအဝင် ပြန်လည်သက်ဝင် လှုပ်ရှားလာပြီဖြစ်သည်။ ထို့ပြင် ရန်ကုန် ဆေးတက္ကသိုလ်(၁)၊ ရန်ကုန် စီးပွားရေးတက္ကသိုလ်၊ ရန်ကုန်အဝေးသင် တက္ကသိုလ်၊ တီတီစီ လေ့ကျင့်ရေးကျောင်း၊ သတင်းပြန်ကြားရေးနှင့်ပတ်သက်သော အဖွဲ့အစည်းများ၊ ဆင်မလိုက်ဈေး၊ ဂျန်းရှင်းစကွဲစင်တာ နှင့် ဗလေဇုန်စတိုး၊ လှည်းတန်းစင်တာ အစရှိသည့် မှတ်သားရလွယ်ကူ သော အဆောက်အဦးများစွာ ရှိသောမြို့နယ်လည်းဖြစ်သည်။ ကမာရွတ်ရှိ လှည်းတန်း လမ်းဆုံသည်လည်း ၂၄ နာရီနီးပါး အလွန်စည်းကားသော နေရာဖြစ်ပြီး အများပြည်သူ အပန်းဖြေရန်အတွက် အင်းယားကန်ဘောင်နှင့်လည်း အနီးကပ်ဆုံးတည်ရှိသည်။ အိမ်ခြံမြေဈေးကွက်အရ တိုက်ခန်းငှားရမ်းမှုများရှိပြီး တစ်ကိုယ်တစ်ကာယသမားများအတွက် တိုက်ခန်းတွင် အဆောင်ဖွင့်ကာ အခန်းလိုက်ငှားရမ်းမှုများလည်းရှိသည်။ တိုက်ခန်းငှားရမ်းခနှုန်းထား အနိမ့်ဆုံး ၂ သိန်းဝန်ကျင်အထိရှိတတ်ပြီး အင်းစိန်လမ်းမပေါ်တွင် ငှားရမ်းမှုနှုန်းထား အလွန်မြင့်သောနေရာဖြစ်သည်။ အချုပ်အားဖြင့်ဆိုသော် ကမာရွတ်မြို့နယ်သည် လူနေထူထပ်ပြီး အထင်ကအရ အဆောက်အဦးများ၊ ကွန်ဒိုများ၊ တိုက်ခန်းများ ပေါများသော မြို့နယ်ဖြစ်ပြီး ရန်ကုန်မြို့၏ စည်ကားသော မြို့နယ်များထဲတွင် တစ်ခုအပါဝင်ဖြစ်သည်။

ကမာရွတ်ရှိငှားရန်အိမ်ခြံမြေများ

အိမ်ခြံမြေ သတင်းများကို
Email ဖြင့် ဖတ်ရန်

အိမ်တွင်း အိမ်ပြင် အလှဆင်ခြင်း ၀န်ဆောင်မှု (Interior Design and Decoration)
US Dollar to Myanmar Kyat Exchange Rate (ဒေါ်လာ - မြန်မာကျပ်ငွေ ငွေလဲနှုန်း)
iMyanmarHouse.com - Mobile App
မလျှော့အားမာန် မချန်သတ္တိ - နေမင်းသူ (MD, iMyanmarHouse.com)