ကျောက်တန်းမြို့နယ်သည် မြန်မာနိုင်ငံအောက်ပိုင်း ၊ ရန်ကုန်တိုင်းဒေသကြီး တောင်ပိုင်းခရိုင်တွင်တည်ရှိသော မြို့နယ်ဖြစ်သည်။ မှော်ဝန်းမြစ်ထဲတွင် တန်း၍နေသောကျောက်တန်းကြီးကိုအစွဲပြု ပြီးကျောက်တန်းဟုခေါ်တွင် စေခြင်းဖြစ်သည်။ ကျောက်တန်းမြို့နယ်သည် တောင်နှင့်မြောက် မိုင် ၂၀၊ အရှေ့နှင့်အနောက် ၃၇ မိုင်ကျယ်ဝန်းပြီး ကျေးရွာပေါင်း ၆၄ ရွာဖြင့်ဖွဲ့စည်းထားသည်။ ကျောက်တန်းမြို့ပေါ်တွင် မြို့ပိုင်ရုံး၊ တရားသူကြီးရုံး၊ ရဲဌာန၊ စာပို့တိုက်၊ ဆေးရုံနှင့်ဈေးများ၊ မူလတန်းကျောင်း ၃ ကျောင်း၊ အထက်တန်းကျောင်း ၁ ကျောင်း၊ ဘုန်းကြီးကျောင်း ၂၁ ကျောင်းတည်ရှိသည်။ ကျောက်တန်းမြို့နယ်တွင် နေထိုင်သော လူအများစုသည် စိုက်ပျိုးရေးနှင့်လယ်ယာလုပ်ငန်းများကိုလုပ်ကိုင်ကြသည်။ ရန်ကုန်မြို့တွင်းနှင့်ယှဉ်လျင် လေကောင်းလေသန့်များရနိုင်ပြီးကျယ်ဝန်းသောလယ်မြေ ၊ မြေကွက် အများအပြားကျန်ရှိနေသေးသော မြို့နယ်တစ်ခုဖြစ်သည်။
