ရန်ကုန်မြို့တွင် တိုက်ခန်းများထက် မီနီကွန်ဒိုများ အရောင်းသွက်နေ

လတ်တလော ရန်ကုန် အိမ်ခြံမြေဈေးကွက်တွင် တိုက်ခန်းများထက် မီနီကွန်ဒိုများက ပိုမိုအရောင်းဖြစ်နေသည်ဟု အိမ်ခြံမြေလုပ်ငန်းရှင်များက ပြောသည်။

လူနေထိုင်မှုအဆင့်အတန်း မြင့်မားလာသည်နှင့်အညီ အိမ်ရာဝယ်ယူသူများကလည်း ဓာတ်လှေကားဝန်ဆောင်မှု၊ အထွေထွေဝန်ဆောင်မှုများ ပါဝင်ပြီး ထိန်းသိမ်း မှုရှိသည့် မီနီကွန်ဒိုများကို ပိုမို စိတ်ဝင်စားလာသည်။

ရန်ကုန်မြို့ရှိ တိုက်ခန်းအများစုသည် မီနီကွန်ဒိုများနှင့် ဈေးနှုန်းအများအပြားကွာခြားမှုမရှိ သော်လည်း သက်တမ်းကြာလာသဖြင့် ပိုမိုဟောင်းနွမ်းလာပြီး ဝန်ဆောင်မှုများ မပါဝင်ခြင်းကြောင့် အဝယ်နည်းလာသည်ဟု စိုးစံလင်း အိမ်ခြံမြေဝန်ဆောင်မှု ကုမ္ပဏီလီမိတက်မှ ဒေါ်မေသူက ဆိုသည်။

လက်ရှိတွင် ဝယ်ယူသူများ က အထပ်နိမ့်တိုက်ခန်းအဟောင်း များ ဝယ်ယူမည့်အစား ဈေးနှုန်းတူညီသည့် ဝန်ဆောင်မှုပါဝင်သော အထပ်မြင့် မီနီကွန်ဒိုအခန်းများကို ဝယ်ယူရန် ပိုမိုရွေးချယ်သည်ဟု အိမ်ခြံမြေလုပ်ငန်းရှင်များက ပြောသည်။

‘‘အလွှာချင်းတူမယ်ဆိုရင် ဈေးက ပျမ်းမျှ ၂၀၀၊ ၃၀၀ လောက်ကွာမယ်။ ရိုးရိုးတိုက်ခန်းကို ပထမထပ်ဆိုရင် (၂၅ ပေ × ပေ ၅၀) ကို သိန်း ၁,၀၀၀၊ ၁,၅၀၀ ကြား သူတို့ (ပိုင်ရှင်)တွေက ရောင်းချင်တယ်။ မီနီကွန်ဒို ပထမထပ်ဆိုရင်လည်း ဈေးက သိပ်မကွာတော့ဘူး။ အဲဒီလောက်ဝန်းကျင်ပဲ ရှိတယ်။ အလွှာမြင့်ဆိုရင်တော့ နည်းနည်းကွာမယ်’’ဟု ရွှေဥဒေါင်းမင်း အိမ်ခြံမြေဝန်ဆောင်မှု မန်နေဂျာ ဒေါ်သင်းသင်းကဆိုသည်။

တိုက်ခန်းတွင် နေထိုင်ရသည်မှာ အဆင်မပြေပုံကို တောင်ဥက္ကလာပမြို့နယ်နေ ဒေါ်ယုယုအေးက ‘‘တိုက်ခန်းတွေက အထပ်နိမ့်တော့လည်း ပိုက်ဆံ မတတ်နိုင်ဘူး။ မြင့်တော့လည်း လူကြီးတွေအတွက် တက်ရတာ အဆင်မပြေဘူးလေ။ အဲဒါကြောင့် မီနီကွန်ဒိုတွေကို ပိုကြိုက်ပါတယ်’’ဟု ဆိုသည်။

စမ်းချောင်း၊ ကြည့်မြင်တိုင်၊ အလုံကဲ့သို့ Downtown မြို့နယ် များမှ မီနီကွန်ဒိုများကို ကျပ်သိန်း ၁,၀၀၀ မှ ၁,၅၀၀ အတွင်း ရောင်း ချနေပြီး တောင်ဥက္ကလာပမြို့နယ် တွင်မူ ကျပ်သိန်း ၈၀၀ ခန့်ရှိသည်။

Credit: 7Daydaily