[ဥုံ- အမိတာဘ ဟရီး] မြောက်ကိုရီးယားတွင် နှစ်ပေါင်း ၁၀၀၀ သက်တမ်းရှိ ဗုဒ္ဓရုပ်ပွားတော်ကြီး တူးဖော်တွေ့ရှိ

မြောက်ကိုရီးယားတွင် ကိုရီးယားလူမှုရေးသိပ္ပံ၏ ရှေးဟောင်းသုတေသနဌာနနှင့် အမျိုးသားယဉ်ကျေးမှု အမွေအနှစ်များ ထိန်းသိမ်းကာကွယ်ရေး အာဏာပိုင်အဖွဲ့တို့က မြောက်ကိုရီးယားနိုင်ငံ၊ တောင်ပိုင်း ပြောင်ဂန်ခရိုင်၊ ရပ်ချွန်းညီအရပ်ရှိ ရှေးဟောင်းသုတေသန နယ်မြေတွင် ဉာဏ်တော် ၁ ဒသမ ၇ မီတာရှိ ရှေးဟောင်းဗုဒ္ဓရုပ်ပွားတော်တစ်ဆူ တူးဖော်တွေ့ရှိခဲ့သည်။

အေဒီ ၉၁၈ မှ ၁၃၉၂ ခုနှစ်အထိ ကာလသည် Goryeo (အသံထွက်-ကောယို) မင်းဆက်ခေတ်ဖြစ်ပြီး ထိုခေတ်က သွန်းလုပ်ခဲ့သော ဗုဒ္ဓရုပ်ပွားတော် ဖြစ်သည်။

ကိုရီးယား၏ ဗုဒ္ဓဘာသာရွှေခေတ်ဟုလည်း ခေါ်ကြသည်။

ကော်ယိုမင်းဆက်ခေတ်တွင် ဘူဆာဟုခေါ်သော ဘာသာရေးဆိုင်ရာ အနုပညာနှင့် ဗိသုကာတို့ တစ်ခေတ်ထွန်းခဲ့သည်။

ကော်ယိုခေတ်တွင် မိုးမုန်တိုင်းများ ပြင်းထန်သည့်နှစ်ကာလများ၊ မိုးခေါင်ရေရှားကာလများ အမျိုးမျိုး ဖြစ်ပေါ်ခဲ့သည်။

ရာသီဥတုဆိုးရွားပြင်းထန်မှုကြောင့် မိုးနတ်မင်းအား ပူဇော်ခြင်းမှသည် မင်းဧကရာဇ်တို့ ဘာသာရေးဘက် လိုက်စားလာကြရာမှတဆင့် ပြည်သူများထံ ကူးစက်သွားခဲ့ခြင်းဖြစ်ကြောင်း ရှေးဟောင်းသုတေသန ပညာရှင်များနှင့် သမိုင်းပညာရှင်များစွာက ယူဆကြသည်။

ဘုရင်နှင့် တိုင်းသူပြည်သားတို့သည် ရာသီဥတု ကောင်းမွန်စေရန် မိုးနတ်မင်းကို ပူဇော်ပသခြင်းများ ပြုလုပ်ခဲ့ကြသည်။

ဘုရားကျောင်းဆောင်များ၊ ဆင်းတုတော်များ၊ ပန်းချီများ၊ ကြွေထည်မြေထည်လက်ရာများ အစရှိသော အနုပညာနှင့် ဗိသုကာဆိုင်ရာ ကိစ္စရပ်များကို အုပ်ချုပ်သူလူတန်းစားတို့က ငွေကြေးထောက်ပံ့ခြင်း၊ ပံ့ပိုးကူညီခြင်းများ ပြုလုပ်ခဲ့ကြသည်။

ဘုရားများကို ကြုံရာကျရာနေရာတွင် ဆောက်လုပ်ခြင်းမဟုတ်။ မြေကြောကို ထိခိုက်မည်စိုးရိမ်သောကြောင့်ဟု ဆိုသည်။

တော်ဝင်မျိုးနွှယ်များနှင့် အထက်တန်းလွှာတို့သည် ယခုဘဝ၊ နောင်ဘဝ ကျန်းမာချမ်းသာရေးကို အလွန်အလေးထားကြသည်။

ယခုတူးဖော်တွေ့ရှိခဲ့သော ဗုဒ္ဓရုပ်ပွားတော်မှာ မဟာယာန ဗုဒ္ဓဘာသာဝင်တို့ ကိုးကွယ်သော အာမိတာဘ ဗုဒ္ဓဆင်းတုတော် ဖြစ်သည်။

အာမိတာဘ (သို့မဟုတ်) အာမိတာယုသဟု ဘွဲ့တော်ရှိသောဘုရားကို မဟာယာနနှင့် ဝဇီရာယာန ဗုဒ္ဓဘာသာဂိုဏ်းတို့က ကိုးကွယ်ကြသည်။

အာမိတာဘဟူသော ဘွဲ့တော်မှာ အနန္တရောင်ခြည်တော်ဟု အဓိပ္ပာယ်ရသည်။ အာမိတာယုသဟူသည်မှာ အနန္တအသက်ရှည်ခြင်းဟု အဓိပ္ပာယ်ရသည်။ အာမိတာဘဘုရားကို မဟာယာနဂိုဏ်းခွဲတစ်ခုဖြစ်သော ဗုဒ္ဓခေတ္တရာဂိုဏ်း (Pureland Buddhism) က ကိုးကွယ်သည်။

အာမိတာဘ ဘုရားကို ပူဇော်သော ဂါထာမန္တန်မှာ ….

► သင်္သကရိုက်ဘာသာအားဖြင့် “ဥုံ- အမိတာဘ ဟရီး” ဟု ဖြစ်သည်။ ► တိဗက်တွင်မူ “ဥုံ- အမိဒေဝ ဟရီး” ဟု အသံထွက်သည်။ ► ဂျပန်တွင် “ဥုံ- အမိဒက တေဇေးကရန်း” ဟု ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Archaeologists Found a 1,000-Year-Old Buddha Statue With Stunning Details (popularmechanics)