ရွှေဗဟိုဈေးကွက် အကောင်အထည်ဖော်မည့်ပုံစံ ညှိနှိုင်းမရသေးကြောင်း ရန်ကုန်ရွှေအသင်းပြော

ရွှေဗဟိုဈေးကွက် အကောင်အထည်ဖော်ရန် မြန်မာနိုင်ငံ ရွှေလုပ်ငန်းရှင်အသင်းနှင့် ရန်ကုန်ရွှေလုပ်ငန်းရှင်များကြား အကောင်အထည်ဖော်မည့်ပုံစံကို ညှိနှိုင်း၍ မရသေးဟု ရန်ကုန်တိုင်း ရွှေလုပ်ငန်းရှင်များအသင်းဥက္ကဋ္ဌ ဦးမျိုးမြင့်က ပြောကြားသည်။

ရန်ကုန်တိုင်း ရွှေလုပ်ငန်း ရှင်အသင်းနှင့် မြန်မာနိုင်ငံရွှေလုပ်ငန်းရှင်အသင်းတို့က ရွှေဗဟိုဈေး ကွက် အကောင်အထည်ဖော် ရန် အစီအစဉ်ကို တစ်ခုစီရေးဆွဲ နေရာ ထိုနှစ်ခုသည် မတူနိုင်သေး ကြောင်း ဦးမျိုးမြင့်က ပြောသည်။

ရွှေဗဟိုဈေးကွက်သည် ရောင်းသူနှင့် ဝယ်သူတစ်နေရာ တည်းတွင် အဆင်ပြေစွာရောင်း ဝယ်နိုင်ရန် သတ်မှတ်ထားသည့် ဈေးကွက်ဖြစ်သည်။ ရန်ကုန်တိုင်း အသင်းက အကောင်အထည် ဖော်သည့် ရွှေဈေးကွက်သည် ရွှေ စင်ရွှေတုံးရောင်းချရန်သာဖြစ်ပြီး မြန်မာနိုင်ငံ ရွှေလုပ်ငန်းရှင်အ သင်းက အကောင်အထည်ဖော် ရာတွင် ရွှေစင်ရွှေတုံးသာမက သတ္တုနှင့် ကျောက်မျက်ရတနာ များပါ ရောင်းချရန်ဖြစ်သည်။

ထိုဈေးကွက်ပေါ်ပေါက်လာ ပါက ရွှေဝယ်သူများနှင့် ရောင်း သူများ တိုက်ရိုက်ရောင်းဝယ်ယူ နိုင်ခြင်းကြောင့် ရွှေပွဲစားနှင့် စာရင်းကိုင်များ အလုပ်အကိုင်မရှိမည်ကို ရန်ကုန်ရွှေအသင်းက စိုးရိမ်နေခြင်းဖြစ်သည်။

‘‘ကျွန်တော်တို့အသင်းက ငွေကြေးဓနတောင့်တင်းသူတချို့ တစ်ဝက်ပါတယ်။ အခြေခံလက် လုပ်လက်စား ရွှေပွဲစားများနဲ့ စာ ရင်းကိုင်ကလေးတွေကို အခြေပြုထားတာ။ အများစုကို အခြေခံ ထားတာ။ အခြေခံလူတန်းစား အကျိုးကို ထည့်သွင်းရေးဆွဲဖို့ အကြံပြုချင်တယ်’’ဟု ရန်ကုန်တိုင်း ရွှေလုပ်ငန်းရှင်များအသင်း အ တွင်းရေးမှူး ဦးဝင်းမြင့်က ပြောကြားသည်။

ရွှေဘုံသာလမ်းရှိ ရွှေဈေး ကွက်သည် နှစ် ၁၀၀ ကျော်ပြီ ဖြစ်ကာ ထိုဈေးကွက်သည်ဖျောက်ဖျက်၍မရနိုင်ကြောင်း ၎င်းက ဆက်လက်ပြောသည်။

မြန်မာနိုင်ငံ ရွှေလုပ်ငန်းရှင် များအသင်း ဒုတိယဥက္ကဋ္ဌ ဒေါ်ကလျာပြည့်ဝေလျှံက ရွှေဈေး ကွက်ကို အကောင်အထည်ဖော် ရန် အချိန်နှင့် ဖော်ဆောင်မည့်ပုံစံ ကို ဧပြီတွင် မူဘောင်ထုတ်ပြန်နိုင် ရန် စီစဉ်ထားသည်ဟုဆိုသည်။ ရန်ကုန်တိုင်း ရွှေဈေးကွက်သည် လည်း ၎င်းတို့၏လက်အောက် တွင် ဈေးကွက်တစ်ခုအနေဖြင့် ပါဝင်လာမည်ဟုဆိုထားသည်။ သို့သော် ရွှေဗဟိုဈေးကွက်မည်သည့် နေရာတွင် ဖော်ဆောင်မည်ကို ၎င်းက ပြောကြားခြင်းမရှိသေးပေ။

လက်ရှိနိုင်ငံတွင်း ရွှေဗဟို ဈေးကွက် ပေါ်ပေါက်လာရန် မြန်မာနိုင်ငံ ရွှေလုပ်ငန်းရှင်အသင်း နှင့် သယံဇာတနှင့် သဘာဝပတ် ဝန်းကျင် ထိန်းသိမ်းရေးဝန်ကြီး ဌာနတို့ ပူးပေါင်းဆောင်ရွက်နေ ကြောင်း ၎င်းကဆက်လက်ပြော ကြားသည်။

မြန်မာ့ရွှေဗဟိုဈေးကွက် အ ကောင်အထည်ဖော်ရန် သမ္မတ ဟောင်း ဦးသိန်းစိန်က ၂၀၁၅ ဒီဇင်ဘာ ၇ ရက်တွင် ခွင့်ပြုခဲ့သည်။ လက်ရှိတွင် မြန်မာနိုင်ငံ၌ ရွှေ ဗဟိုဈေးကွက်မရှိဘဲ အနီးဝန်း ကျင်နိုင်ငံများ၏ ရွှေပေါက်ဈေးဈေးကွက်ကိုသာ မှီခိုရောင်းချနေရသည်။

Credit: 7Daydaily