အိန္ဒိယတွင် ပလတ်စတစ်မိုး ကျူးကျော်တဲလေးတစ်လုံး၌ နေထိုင်သော မိန်းကလေးတစ်ဦးကို ဟောလိဝုဒ် ရုပ်ရှင်သရုပ်ဆောင်တစ်ဦးက တွေ့ရှိသွားပြီးနောက် ကြော်ငြာများ ရိုက်ကူးလာရ၊ ဖခင်ကြီးအတွက် အိမ်တစ်လုံး ဝယ်ပေးနိုင်ရန် စိတ်ကူးအိပ်မက်လျက်ရှိ ……

အိန္ဒိယနိုင်ငံ၊ မွမ်ဘိုင်းမြို့ ဆင်းရဲသားရပ်ကွက်ကလေးတစ်ခုရှိ ကျူးကျော်တဲလေးတစ်လုံးတွင် နေထိုင်သော အသက် ၁၆ နှစ်အရွယ် မိန်းကလေးတစ်ဦးသည် မိဘညီအစ်ကိုမောင်နှမများအတွက် အိမ်တစ်လုံး ဝယ်နိုင်မည့်ငွေ ရှာဖွေရေး အိပ်မက်မက်လျက် ရှိသည်။

ဆင်းဆင်းရဲရဲ ဘဝမျိုးတွင် နေထိုင်ရသော်လည်း ပျော်ရွှင်ကြောင်း ၎င်းက ပြောသည်။

ဘီဘီစီ သတင်းဌာန၏ Streets of Gold: Mumbai documentary အစီအစဉ်တွင် ဖော်ပြခံခဲ့ရသော မလီးရှား ခါရ်ဗာ (….) က ပြောသည်မှာ စူပါမော်ဒယ်တစ်ဦးဖြစ်လာရန် မျှော်မှန်းထားကြောင်း၊ မော်ဒယ်တစ်ဦး ဖြစ်လာပါက မွန်ဘိုင်းမြို့၊ဘန်ဒရအရပ်တွင် တရားမဝင် နေထိုင်ရသည့်ဘဝမှ ရုန်းထွက်နိုင်ရန် မျှော်လင့်ကြောင်း ပြောသည်။

ခါရ်ဗာသည် ကျူးကျော်တဲလေးတွင် ဖခင်၊ အစ်ကို ၊ ညီမငယ်တို့နှင့်အတူ နေထိုင်လျက် ရှိသည်။

ဆင်းရဲသားရပ်ကွက်မှ မင်းသမီးလေးဟု လူသိများသူ ခါရ်ဗာကို ၂၀၂၀ ပြည့်နှစ်တွင် ဟောလိဝုဒ် ရုပ်ရှင်မင်းသား ရောဘတ် ဟော့ဖ်မန်း (Robert Hoffman) က အမှတ်မထင် တွေ့ရှိခဲ့ခြင်းဖြစ်သည်။

ဟော့ဖ်မန်းသည် မွမ်ဘိုင်းတွင် ရုပ်ရှင်ရိုက်ရန် ရောက်ရှိနေချိန် ခါရ်ဗာကို တွေ့ရှိခဲ့ခြင်း ဖြစ်သည်။

ဟော့ဖ်မန်းသည် YouTube တွင် Punch Robert အမည်ရှိ ချန်နယ်တစ်ခု တည်ထောင်ထားပြီး စုစုပေါင်း view သန်း ၁၀၀ ကျော် ရှိသည်။

ရုပ်ရှင်မင်းသား ရောဘတ်ဟော့ဖ်မန်းသည် ခါရ်ဗာအတွက် အင်စတာဂရမ် အကောင့်တစ်ခုအပြင် GoFundMe စာမျက်နှာတစ်ခု ဖွင့်လှစ်ပေးထားသည်။

GoFundMe မှတဆင့် ခါရ်ဗာ၏ ပညာရေး၊ စားဝတ်နေရေးတို့ ဒေါ်လာ ၂၀၀၀၀ ကျော် ရရှိထားပြီး ဖြစ်သည်။

ခါရ်ဗာ၏ အင်စတာဂရမ်အကောင့်မှာ ယခုအခါ Follower ၄၀၀၀၀၀ ကျော်အထိ ရှိနေသည်။

ခါရ်ဗာသည် ယခုအခါ အိန္ဒိယမှ နာမည်ကြီး တိုင်းရင်းဆေးအမှတ်တံဆိပ်ဖြစ်သော Forrest Essentials ၏ မော်ဒယ်ဖြစ်လာသည့်အပြင် နာမည်ကြီး မဂ္ဂဇင်းများဖြစ်သော Cosmopolitan India နှင့် The Peacock တို့ကဲ့သို့ ဖက်ရှင်မဂ္ဂဇင်းများ၏ မျက်နှာဖုံးရှင်လည်း ဖြစ်လာသည်။

Mini Series Documentary အစီအစဉ်တွင် ခါရ်ဗာက ပြောသည်မှာ “ကျွန်မ စူပါမော်ဒယ်တစ်ယောက် ဖြစ်ချင်ပါတယ်” ဟု ဆိုသည်။

ခါရ်ဗာနေထိုင်သောနေရာမှာ တစ်ဘက်ရပ် ပလတ်စတစ်မိုး တဲကလေးတစ်လုံးဖြစ်ပြီး လျှပ်စစ်မီး မရှိချေ။

ထိုဒေသတွင် ကျူးကျော်တဲဖြင့် နေထိုင်ကြသည်မှာ နှစ်ပေါင်း ၂၀ ကျော်ရှိခဲ့ပြီဖြစ်ပြီး ၎င်းတို့၏ ကျူးကျော်တဲများမှာ မကြာခဏ ရှင်းလင်းဖျက်သိမ်းခံကြရသည်။

ခါရ်ဗာက ပြောသည်မှာ “သူတို့တွေ အမြဲရောက်ရောက်လာတယ်။ ဘူဒိုဇာကြီးတွေ…လက်နက်တွေ ပါလာတယ်။ ပြီးတော့ အိမ်တွေကို ဖြိုချတယ်။ အများအားဖြင့် မိုးရာသီမှာ ဖြိုချကြတာများတယ်။ မိုးတွင်းမှာ အိမ်ပြန်ဆောက်ရတာ မလွယ်ဘူးလေ” ဟု ဆိုသည်။

ဟောလိဝုဒ် ရုပ်ရှင်မင်းသားနှင့် ဆုံစည်းခဲ့ပြီးနောက်ပိုင်း အိန္ဒိယ၏ အကြီးမားဆုံး Skin Care အမှတ်တံဆိပ်ဖြစ်သော Forrest Essential အတွက် ဓာတ်ပုံရိုက်ကူးကာ မော်ဒယ်လုပ်ပေးခဲ့ရကြောင်း ခါရ်ဗာက ပြောသည်။

“မော်ဒယ်လုပ်လို့ရတဲငွေကနေ အဖေနဲ့ မောင်လေးတို့အတွက် အိမ်ကြီးတစ်လုံး ဝယ်ပေးချင်ပါတယ်။ အဖေက ကျွန်မတို့အားလုံးကို ကျွေးမွေးပြုစုခဲ့တာပါ။”

(မွမ်ဘိုင်းမြို့ ဘန်ဒရအရပ်တွင် ကျူးကျော်တဲလေး၌ နေထိုင်ရလျက်ရှိသော မလီးရှား ခါရ်ဗာမှာ မိသားစုအတွက် အိမ်တစ်လုံးဝယ်နိုင်ရန် စိတ်ကူးအိပ်မက်နေသည်။)

(ခါရ်ဗာသည် ၎င်း၏ idol ဖြစ်သော ဖက်ရှင်ဓာတ်ပုံဆရာ Sasha Jairan ကို အင်စတာဂရမ်တွင် ဆက်သွယ်ခဲ့သည်။ Sasha က ခါရ်ဗာအတွက် portfolio တစ်ခု အခမဲ့ဖန်တီးပေးခဲ့သည်။)

(ခါရ်ဗာ၏ မော်ဒယ်အိပ်မက် အကောင်အထည်ပေါ်လာရန် Sasha က portfolio တစ်ခု အခမဲ့ဖန်တီးပေး ခဲ့သည်။)

သူ၏ profile တွင် ဖော်ပြထားသည်မှာ “လူတွေက ကျွန်မကို ဆင်းရဲသားရပ်ကွက်မှာ နေတယ်လို့ ပြောကြတယ်။ ဒါပေမယ့် ကျွန်မ ကိုယ့်ဘဝကိုယ် ချစ်ပါတယ်။ ကျွန်မ စူပါမော်ဒယ်တစ်ယောက် ဖြစ်ချင်ပါတယ်။ မိသားစု ဝဝလင်လင် စားနိုင်ရေးအတွက်ပါ” ဟု ဆိုသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Model living In Mumbai's slums dreams of buying her family a house Photo Credit-dailymail