စင်္ကာပူမြို့ လယ်တွင် ၅၁ ထပ်မြင့်မားသည့် ဘက်စုံသုံးတာဝါကြီးကို CapitaLand က စတင်ဆောက်လုပ်ပြီ

CapitaLand ကုမ္ပဏီသည် စင်္ကာပူမြို့ လယ်တွင် ၅၁ ထပ်အမြင့်ရှိသည့် ဘက်စုံသုံးမိုးမျှော်တိုက်ကြီး ဆောက်လုပ်ရေးလုပ်ငန်းကို စတင်လိုက်ပြီဖြစ်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

အဆိုပါတာဝါတွင် ရုံးခန်းများ၊ အသင့်နေလူနေခန်းများ၊ စားသောက်ဆိုင်တန်းများ၊ မုတ်သုန်ဥယျာဉ်အစရှိသည်တို့ ပါဝင်မည်ဖြစ်ပြီး လာမည့် ၂၀၂၁ ခုနှစ်တွင်အပြီးသတ်ဆောက်လုပ်နိုင်ရန် ရည်မှန်းထားသည်။

စီမံကိန်းတွင် grade A အဆင့်ရှိ ရုံးခန်းနေရာ စတုရန်းပေ ၆၃၅၀၀၀ ၊ အသင့်နေလူနေခန်း ၂၉၉ ခန်း ပါဝင်မည်ဖြစ်ပြီး စင်္ကာပူ၏ ဘဏ္ဍာရေးလုပ်ငန်းများအခြေချရာ အရပ်တွင် တည်ရှိမည် ဖြစ်သည်။

စင်္ကာပူအခြေစိုက် developer ဖြစ်သော CapitaLand ကုမ္ပဏီသည် ယခုစီမံကိန်းကို REIT နှင့် ဂျပန်မှ Mitsubishi Estate တို့နှင့် ပူးပေါင်းအကောင်အထည်ဖော်ခြင်းလည်း ဖြစ်သည်။

တည်နေရာမှာ Market လမ်း၊ အမှတ် ၈၈ တွင်ဖြစ်ပြီး စီမံကိန်းအတွက် စင်္ကာပူဒေါ်လာ ၁ ဒသမ ၈၂ ဘီလီယံ ( ကန်ဒေါ်လာ ၁ ဒသမ ၃၂ ဘီလီယံ) ကုန်ကျမည်ဟု ခန့်မှန်းထားသည်။

ယင်းအဆောက်အအုံကို ဒီဇိုင်းရေးဆွဲပေးခဲ့သည်မှာ ဒိန်းမတ်နာမည်ကျော်ဗိသုကာပညာရှင် Bjarke Ingels နှင့် အီတလီမှ Carlo Ratti Associati တို့ ဖြစ်ကြသည်။

အပြီးသတ်ဆောက်လုပ်ပြီးစီးပါက စင်္ကာပူ၏ အမြင့်မားဆုံးအဆောက်အအုံ ၅ ခုတွင် အပါအဝင်ဖြစ်လာမည်ဖြစ်ပြီး facial recognition စနစ်၊ အလင်းပေးစနစ်များကို မိုဘိုင်းဖုန်းဖြင့် ထိန်းချုပ်နိုင်ခြင်းတို့ကဲ့သို့ အဆင့်မြင့်နည်းပညာများ ထည့်သွင်းဆောက်လုပ်မည်ဟု ဆိုသည်။

အသင့်နေလူနေခန်းများကို CapitaLand ၏ ကုမ္ပဏီခွဲတစ်ခုဖြစ်သော The Ascott Limited မှ စီမံခန့်ခွဲသွားမည် ဖြစ်သည်။

မြေညီထပ်တွင် ၁၉ မီတာမြင့်မားသည့် (atrium) တစ်ခု ပါဝင်မည်ဖြစ်ကာ စတုရန်းမီတာ ၁၁၆၁ ရှိသည့် ပန်းဥယျာဉ်လည်း ပါဝင်မည်ဖြစ်သည်။

ဒုတိယနှင့် တတိယထပ်တို့တွင် Market Street အစားအသောက်ဆိုင်တန်း ပါဝင်မည်ဖြစ်ပြီး သဘာဝပတ်ဝန်းကျင်နှင့် ရေအရင်းအမြစ်ဝန်ကြီးဌာနက ပိုင်ဆိုင်မည်ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)