ဟောင်ကောင်က ဆင်းရဲသားမိသားစုလေး ထီပေါက်ခဲ့ပြီးနောက် အလွန်ချမ်းသာသွားသော်လည်း လောင်းကစားသမား အဒေါ်မသိစေရန် နှစ်ပေါင်းများစွာ လျှို့ဝှက်ထားရသည့်အဖြစ်သနစ်

9 Jun 2025 12:20 pm တွင် တင်ခဲ့သည်

820 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ဇာနည်ကျော်

လူမှုကွန်ရက်တွင် မိန်းကလေးငယ်တစ်ဦးက ၎င်းတို့မိသားစု၏ ဘဝကို ပြောင်းလဲစေခဲ့သော Mark Six ထီ (ဟောင်ကောင်တွင် နာမည်ကြီးသော ထီ) ကံထူးခဲ့ခြင်းနှင့် ဘဝအထွေထွေအကြောင်းကို စာလုံးရေ ၄၀၀၀ ခန့်ဖြင့် ရေးသားဖွင့်ဟခဲ့မှုမှာ ဂယက်ရိုက် ပျံ့နှံ့ကျော်ကြားနေသည်။

ချို့ချို့တဲ့တဲ့ ဘဝမှ ရုတ်တရက် ချမ်းသာသွားသော်လည်း အောက်ခြေလွတ်မသွားသည့် နှိမ့်ချတတ်သော ဟောင်ကောင်မိသားစုလေးအကြောင်း တစွန်းတစ စေ့ငုခွင့်ရခဲ့ခြင်းလည်း ဖြစ်သည်။

Threads လူမှုကွန်ရက်တွင် ဇွန်လ ၁ ရက်နေ့က anonymous အနေဖြင့် ရေးသားဖော်ပြခဲ့သော အဆိုပါပို့စ်တွင် မိမိ၏ မိဘများမှာ ပြည်သူ့အိမ်ရာ တိုက်ခန်းငယ်လေးတစ်ခုတွင် ကျဉ်းကျဉ်းကျပ်ကျပ် နေထိုင်ရင်း စားရေးသောက်ရေးအတွက်ပင် အနိုင်နိုင် ရုန်းကန်နေရသူများဖြစ်ကြောင်း၊ ထီကံထူးကာ ရုတ်တရက် စိုင်ကော်၍ ခြုံပေါ်ရောက်သွားသည့်အကြောင်းကို ဆွေမျိုးရင်းများအား မပြောဘဲ လျှို့ဝှက်ထားခဲ့ကြောင်း ဖော်ပြထားသည်။

((ဘဝအလှည့်အပြောင်း))

ထီကံမထူးမီက ၎င်းတို့၏ ဘဝမှာ အလွန်ခက်ခဲကြမ်းတမ်းခဲ့သည်။

အစိုးရက ပြည်သူများ အိမ်ပိုင်ဆိုင်ရေးအစီအစဉ် (HOS) မှတဆင့် ကာလပေါက်ဈေးအောက် များစွာသက်သာသော ဈေးနှုန်းဖြင့် ရောင်းချပေးထားသော အိမ်ကို လောင်းကစားသမား အဒေါ်ဖြစ်သူ၏ အကြွေးများ ဆပ်ပေးရန်အတွက် ရောင်းချလိုက်ရချိန်တွင် ၎င်းတို့၏ ဘဝအခြေအနေမှာ ပိုမိုဆိုးရွားလာခဲ့သည်။

ဖခင်ဖြစ်သူမှာလည်း အလုပ်တွင် နိုင့်ထက်စီးနင်း အလုပ်ခံရမှုကြောင့် အလုပ်ထွက်ခဲ့သည်။

စတုရန်းပေ ၂၀၀ သာ ကျယ်ဝန်းသော ငှားရမ်းနေထိုင်သည့်အခန်းကျဉ်းလေးတွင် လူ ၆ ဦး နေထိုင်ရပြီး ဝင်ငွေဟူ၍ မိခင်၏ အဝတ်လျှော်သည့်အလုပ်မှ လစာ ဟောင်ကောင်ဒေါ်လာ ၁၀၀၀၀ နှင့် အဘိုးဖြစ်သူ၏ ပင်စင်လစာတို့သာ ရှိသည်။

ဖခင်ကြီးမှာ နိုင့်ထက်စီးနင်းအလုပ်ခံနေရသော အလုပ်မှ ထွက်ခဲ့ပြီးနောက် အလုပ်သစ်တစ်ခု ရလာချိန်တွင် ဆင်းရဲသောကြောင့် ညစာထွက်မစားနိုင်သော မိသားစုလေးအတွက် ဆူရှီ (ဟောင်ကောင်တွင် နာမည်ကြီးသော တန်ဖိုးနည်း Genki Sushi) ရှားရှားပါးပါး ထွက်စားခွင့်ရခဲ့သည်။

ထိုသို့ ဆူရှီထွက်စားရင်း ဟောင်ကောင်မှ နာမည်ကြီးထီဖြစ်သော Mark Six ထီလက်မှတ်များ ဝယ်ယူကံစမ်း ကြည့်ရန် ဖခင်ကြီးက တိုက်တွန်းခဲ့၏။

၎င်းတို့မိသားစု ၆ ဦးသည် စိတ်ကြိုက်ထီနံပါတ်များ ရွေးချယ်ထီထိုးခဲ့ကြ၏။

ကျောက်တံတားမြို့နယ် အနော်ရထာလမ်းမပေါ်ရှိ ဟောင်ကောင်တိုက်ခန်းအရောင်း

3,500 သိန်း (ကျပ်)

ကျောက်တံတား | ရန်ကုန်တိုင်းဒေသကြီး

💥𝐒𝐤𝐲 𝐒𝐮𝐢𝐭𝐞𝐬 𝐂𝐨𝐧𝐝𝐨𝐦𝐢𝐧𝐢𝐮𝐦 𝐅𝐨𝐫 𝐒𝐚𝐥𝐞💥

16,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

ဇေကမ္ဘာစက်မှု့ဇုန် နေရာကောင်းမြေကွက်၊ဂိုဒေါင်ရောင်းမည်

130,000 သိန်း (ကျပ်)

မင်္ဂလာဒုံ | ရန်ကုန်တိုင်းဒေသကြီး

သမီးဖြစ်သူက ထိုအခိုက်အတန့်လေးမှာ မိမိတို့ဘဝတွင် ကြုံတောင့်ကြုံခဲ ဖြစ်ရပ်ဖြစ်ပြီး အလွန်စိတ်လှုပ်ရှားခဲ့ရကြောင်း ပြောသည်။

((ဘဝပြောင်းစေမည့် အခိုက်အတန့်))

ထီဖွင့်သောနေ့တွင် မိသားစုအားလုံး စုဝေးကာ ထီပေါက်စဉ် နံပါတ်များကို စောင့်ကြည့်ခဲ့ကြသည်။

ထီပေါက်စဉ်ဂဏန်းတစ်ခုမှာ ဂဏန်းတစ်လုံးပြီး တစ်လုံးတူလာနေချိန်တွင် ဖခင်ဖြစ်သူမှာ မယုံနိုင်အောင်အံ့အားသင့်ခဲ့ပြီး မီးဖိုဆောင်ထဲသို့ ရုတ်တရက် ထွက်သွားခဲ့သည်။ ကနဦးတွင် မိမိတို့ ကံထူးသည်မှာ ဟောင်ကောင်ဒေါ်လာ ၁၀၀၀ သာဖြစ်သည်ဟု သတင်းလွှင့်ထားခဲ့သည်။

သို့သော် ပို့စ်တင်သူ မိန်းကလေး၏ ညီမဖြစ်သူကို ကိုယ်ပိုင်ကျောင်းသို့ ပို့ကာ ကျောင်းတက်စေခြင်း၊ ဘဏ်ကတ်များစွာ ကိုင်သုံးလာခြင်း၊ အိမ် ၃ လုံးဝယ်ယူလိုက်ခြင်းတို့ကို ကြည့်လျှင် ၎င်းတို့ကံထူးသည်မှာ ဒေါ်လာ ၁၀၀၀ မျှမဟုတ်ကြောင်း သိသာလာသည်။

((ပြည့်စုံကြွယ်ဝလာသော်လည်း နှိမ့်ချစွာပင် နေထိုင်ကြ))

ယခုဖြစ်ရပ်တွင် ထူးခြားသည့်အချက်မှာ မိဘများ မည်သို့ဆက်လက်နေထိုင်ခဲ့ပုံ ဖြစ်သည်။

ရုတ်တရက် ချမ်းသာသွားသော်လည်း ၎င်းတို့သည် ကာယအလုပ်များ (မိခင်၏ မီးပူတိုက်သော အလုပ်မျိုး) ဆက်လက်လုပ်ကိုင်ခြင်း၊ တိရ စ္ဆာန်စောင့်ရှောက်ရေးအဖွဲ့များသို့ အမြဲလှူဒါန်းခြင်း၊ ဆေးရုံများသို့ လှူဒါန်းခြင်းများ ပြုလုပ်ခဲ့သည်။

နေထိုင်သည်မှာလည်း သာမန် လူနေအိမ်ရာတိုက်ခန်းတစ်ခုတွင်သာ ဖြစ်သည်။

“အဖေတို့က အသက် ၆၅ လောက်ရောက်မှ အလုပ်တွေကနေ အနားယူဖို့ စီစဉ်ထားကြပါတယ်။” ဟု သမီးဖြစ်သူက ရေးသားဖော်ပြသည်။

ငွေကြောင့် ဘဝင်မြင့်မသွားမှုကို လေးစားမိကြောင်းလည်း သမီးဖြစ်သူက ပြောသည်။ သို့သော် ရုတ်တရက်ချမ်းသာလာမှုကြောင့် ရင်ဆိုင်ရသည့် စိန်ခေါ်မှုများလည်း ရှိသည်။

မိဘများမှာ ရုတ်တရက်ရရှိလာသည့် ဓနဥစ္စာတို့ကို မည်သို့မည်ပုံ စီမံခန့်ခွဲရမည့် အရေးနှင့် စပ်လျဉ်းပြီး စိတ်ဖိစီးနေသောကြောင့် အိပ်မပျော်သည့်ဝေဒနာ ခံစားနေရသည်။ ထီကံထူးခဲ့ပြီးနောက်ပိုင်း ၎င်းတို့၏ အကျင့်စရိုက်များလည်း ကြီးမားစွာ ပြောင်းလဲသွားသည်။

တချိန်က စည်းကမ်းတင်းကျပ်ခဲ့သော ဖခင်မှာ ယဉ်ကျေးသိမ်မွေ့ကာ စကားပြောချိုသာလာသည်။

တချိန်က လူအများနှင့် ပေါင်းသင်းဆက်ဆံရေးကောင်းခဲ့သော မိခင်မှာ တစ်ယောက်တည်းနေတတ်လာသည်။

((ထီပေါက်ခြင်းကို လျှို့ဝှက်ထားခြင်း))

၎င်းတို့ မိသားစုသည် ထီပေါက်ခြင်းကို နှစ်ပေါင်းများစွာ လျှို့ဝှက်ထားခဲ့သည်။

အထူးသဖြင့် အဘွားဖြစ်သူ မသိစေရန် လျှို့ဝှက်ထားခြင်းဖြစ်သည်။ အဘွားက ပို့စ်တင်သူမိန်းကလေး၏ လောင်းကစားစွဲလမ်းနေသောအဒေါ်ဖြစ်သူကို ပိုက်ဆံပေးရန် အတင်းအကြပ်ပြောဆိုလာနိုင်သောကြောင့် ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: From rags to riches: HK family keeps humble after win (thestandard)

Share on Facebook

Share on Twitter