လယ်ယာမြေမှတ်ပုံတင် ပုံစံ(၇) ရယူထားသော လယ်သမားများအတွက် သုံးနှစ် နှစ်လတ် ချေးငွေကို မြန်မာ့ရှေ့ဆောင်ဘဏ်မှာ ပထမဆုံးဘဏ် အဖြစ်ထုတ်ချေး

ပြည်တွင်းရှိ ဘဏ်များအနက် မြန်မာ့ရှေ့ဆောင်ဘဏ်က လယ်ယာမြေလုပ်ကိုင်ခွင့် မှတ်ပုံတင် ပုံစံ-၇ ရယူထားသူ လယ်သမား ၂၇၅ ဦး၏ လယ်ဧက ၂၀၀၀ ကျော်ကို အာမခံထား၍ သုံးနှစ်အထိ နှစ်လတ်ချေးငွေများ စတင်ထုတ်ချေးပေးခဲ့ကြောင်း မြန်မာ့ရှေ့ဆောင်ဘဏ်၏ ဥက္ကဋ္ဌဖြစ်သူ ဦးချစ်ခိုင်က ပြောကြားသည်။

တောင်သူလယ်သမားများ အနေဖြင့် လက်ရှိအချိန်တွင် လယ်ယာလုပ်သားရှားပါးခြင်း၊ ခိုင်းနွားရှားပါးခြင်း စသည့်အခက်အခဲများ ကြုံတွေ့နေရပြီး အဆိုပါ အခက်အခဲများကို ဖြေရှင်းနိုင်ရန် လက်မှုလယ်ယာမှ စက်မှုလယ်ယာစနစ်သို့ ကူးပြောင်းရမည်ဖြစ်သည်။

ထိုသို့ ကူးပြောင်းရာတွင် လိုအပ်သည့် လယ်ယာသုံး စက်ကိရိယာများ ၀ယ်ယူရန် အရင်းအနှီးအတွက် လယ်ယာမြေပုံစံ၇ကိုအပေါင်ထား၍
ချေးငွေထုတ်ချေးပေးခြင်းသည်အနီးစပ်ဆုံး ဖြေရှင်းနည်း
ဖြစ်ကြောင်း ဦးချစ်ခိုင်က ဆိုသည်။

ထိုသို့ လယ်သမားများကို ပုံစံ ၇ အပေါင်ခံထား၍ ချေးငွေထုတ်ချေးပေးရာတွင် နှစ်ချင်းဆပ်
သည့် ချေးငွေထက် နှစ်လတ်ချေးငွေထုတ် ချေးပေးမှသာ အဆင်ပြေနိုင်မည် ဖြစ်သည့်အတွက် သုံးနှစ်အတွင်း ပြန်လည်ပေးဆပ်ရမည့် နှစ်လတ်ချေးငွေကို ထုတ်ချေးပေးခဲ့ကြောင်း ဦးချစ်ခိုင်က ဆိုသည်။

ထိုသို့ နှစ်လတ်ချေးငွေ ထုတ်ချေးပေးခဲ့သည့်အပြင် ပြန်လည်ပေးဆပ်ရာတွင် အဆင်ပြေစေရန် စပါးပေါ်ချိန် ဒီဇင်ဘာ ၃၁ ရက်နှင့် မတ်ပဲပေါ်ချိန် မေ ၃၁ ရက်တို့တွင် တစ်နှစ်အတွက် နှစ်ရစ်ဖြင့် ငါးရစ်ပေးဆပ်ရန် ဘဏ်နှင့် လယ်သမားများအကြား ညှိနှိုင်းထားခဲ့ပြီးဖြစ်ကြောင်း သိရသည်။

ဘဏ်ချေးငွေထုတ်ချေးပေးရာတွင် ဓနုဖြူတိုက်နယ်အတွင်းရှိ သပြုတိုက်နယ်မှ တောင်သူ ၃၉ ဦး၏ လယ် ၂၉၉ ဧကကျော်၊ အလမျိုး တိုက်နယ်မှ တောင်သူ ၆၆ ဦး၏ လယ် ၄၂၃ ဧကကျော်၊ ကျောင်းစု-၂ တိုက်နယ်မှ တောင်သူ ၁၅ ဦး၏ လယ် ၉၆ ဧကကျော်၊ အကျော် ၁ တိုက်နယ်မှ တောင်သူ ၉၀ ဦး၏ လယ် ၆၁၇ ဧကကျော်၊ အကျော် ၂ တိုက်နယ်မှ တောင်သူ ၂၅ ဦး၏ လယ် ၂၂၅ ဧကကျော်၊ ကျုံတနီးတိုက်နယ်မှ တောင်သူ ၁၄ ဦး၏ လယ် ၁၈၀ ဧကကျော်၊ စံကင်းတိုက်နယ်မှ တောင်သူ ၁၃ ဦး၏ လယ် ၈၂ ဧကကျော်နှင့် ဆကာကြီးတိုက်နယ်မှ တောင်သူ ၁၃ ဦး၏ လယ်ဧက ၁၁၃ ဧကကျော်၊ စုစုပေါင်း လယ် ၂၀၃၈ ဧက ကျော်အတွက် ငွေကျပ်သိန်းပေါင်း ၆၀၀၀ ခန့် စတင်ထုတ်ချေးပေးခဲ့ကြောင်း သိရသည်။

၂၀၁၂ လယ်ယာမြေဥပဒေအရ လယ်ယာမြေလုပ်ပိုင်ခွင့် မှတ်ပုံတင်ပုံစံ၇ ဖြင့်ဘဏ်များတွင်လယ်အပေါင်ထား၍
ချေးငွေများ ရယူနိုင်သည် ဆိုသော်လည်း မြန်မာနိုင်ငံရှိ အစိုးရပိုင်နှင့်ပုဂ္ဂလိကပိုင်ဘဏ်များမှာလယ်ယာမြေအပေါင်ခံ၍ ချေးငွေများ ထုတ်ချေးနိုင်ခြင်း မရှိသေးကြောင်း သိရသည်။

နိုင်ငံပိုင် စိုက်ပျိုးရေးဘဏ်တွင်လည်း လယ်ယာမြေ အပေါင်ခံမှု မပြုနိုင်သေးဘဲ မိုးစပါး၊ နွေစပါးချေးငွေများနှင့် သီးနှံချေးငွေများကိုသာ ထုတ်ချေးပေးနိုင်ကြောင်း သိရသည်။

လယ်ယာမြေ ပုံစံ ၇ ထုတ်ပေးရခြင်း၏ ရည်ရွယ်ချက်မှာ လယ်ယာမြေကို အပေါင်ထား၍ ချေးငွေရယူနိုင်ရန်ဖြစ်ပြီး ဘဏ်မှ ထုတ်ချေးလိုက်သည့် ငွေသည် မိမိတို့ပိုင်လယ်ကို အာမခံထား၍ ထုတ်ချေးပေးခြင်းဖြစ်သဖြင့် ရရှိသည့်ငွေကို အကျိုးရှိရှိ အသုံးချရန်နှင့် လွယ်လွယ်ရသည့်ငွေကို လွယ်လွယ်သုံးလိုက်ပါကဘဏ်ကို ချေးငွေပြန်မဆပ်နိုင်ဖြစ်ကာ အာမခံထားသည့် လယ်ယာ ဆုံးရှုံးသွားနိုင်ခြင်းကို သတိပြုရန်လိုအပ်ကြောင်းဧရာဝတီတိုင်းဒေသကြီးဝန်ကြီးချုပ် ဦးသိန်းအောင်က ပုံစံ ၇ ဖြင့် ချေးငွေရယူသူ လယ်သမားများကို သတိပေးပြောကြားသည်။

Credit: Eleven Media Group