မတ်လ (၃၁) ရက်နေ့ နောက်ပိုင်းတွင် အိမ်ခြံမြေ နှုန်းထား အသစ် စံနှုန်းဖြင့် အခွန်ဆောင် ရမည် ဖြစ်ကြောင်း မန္တလေး တိုင်းဒေသကြီး၊ ပြည်တွင်း အခွန်များ ဦးစီးဌာနမှ သိရသည်။ ယင်းကဲ့သို့ နှုန်းထားသစ်နှင့် ဆောင်ရပါက အခွန်နှုန်း ပိုတိုးလာ နိုင်ကြောင်း ပြည်တွင်း အခွန် ဦးစီးဌာနမှ သုံးသပ်ပြီး လုပ်ငန်းရှင်များ အနေဖြင့် အခွန်လျော့ကျ နိုင်ကြောင်း သုံးသပ် ပြောဆိုခဲ့သည်။ အိမ်ခြံမြေ စံနှုန်း တန်ဖိုးဖြတ် ထားသည့် ၀င်ငွေခွန်နှင့် တံဆိပ် ခေါင်းခွန် များကို တစ်နှစ် အတွင်း ဆောင်ရမည် ဆိုသည့် အဆိုပါ ထုတ်ပြန်ချက်ကို ယခုလ (၁) ရက်နေ့တွင် ထုတ်ပြန်၍ စတင် သတ်မှတ် လိုက်ခြင်း ဖြစ်သည်။ ရှေ့မှာ အဟောင်းတွေ ရှိတော့ အဟောင်း တွေကို လုံလောက်တဲ့ အချိန်ပေးထား ရမယ်။ ရှေ့မှာ ရှိတဲ့ အဟောင်းတွေက တစ်နှစ်ထက် ပိုကြာ တာလည်း ရှိနိုင်တယ်။ အဟောင်းတွေက မတ်လ(၃၁)ရက် နောက်ဆုံး ထားပြီး ဆောင်ရမယ်။ မဆောင်ရင် လက်ရှိ နှုန်းထားနဲ့ တန်ဖိုး ဖြတ်မယ်။ အရင်တုန်းက ဒီလို ကာလ သတ်မှတ်ချက် မရှိခဲ့လို့၊ မလိုက်နာမှုတွေ လိုက်နာအောင်လို့ ဒီလို စည်းကမ်းတွေ ထုတ်တာပါ။
နိုင်ငံတော် အတွက် ရသင့်ရထိုက်တဲ့ အခွန်တွေကို အချိန်နဲ့ တစ်ပြေးညီ ရရှိနိုင်ဖို့ အတွက် ဒီလို သတ်မှတ်တာပါ ဟု မန္တလေး တိုင်းဒေသကြီး ပြည်တွင်း အခွန်များ ဦးစီးဌာန ဦးစီးမှူး ဦးသန်းဇော်ဝင်းက ပြော သည်။ အချိန်ကာလ သတ်မှတ် လိုက်သည့် အတွက် သတ်မှတ်ချိန် အတွင်း မဆောင် ပါက နှုန်းထား အသစ်ဖြင့် တန်ဖိုးဖြတ်ပြီးမှ အခွန်ဆောင် ရမည် ဖြစ်သည့်အတွက် ယခင် ကျသင့်သည့် အခွန်ထက် ပိုမို ထမ်းဆောင် ရဖွယ် ရှိကြောင်း သိရသည်။
မြေဈေးနှုန်းတွေက မလျော့ သွားဘူး။ လွန်ခဲ့တဲ့ နှစ်တွေက နည်းတယ်။ အခုပို များ လာတယ်။ အသစ်ပြန် ဖြတ်ရမယ် ဆိုရင် အဲဒီ ကာလမှ ပေါ်ပေါက်တဲ့ နှုန်းထား အတိုင်း ပြန်ဖြတ် ရမယ်။အဲဒီတော့ အခွန်ပိုဆောင်လာ ရဖို့ရှိ လာမယ်ဟု ဦးသန်းဇော်ဝင်းက ပြောသည် ၂၀၁၅-၂၀၁၆ ဘဏ္ဍာနှစ် အတွက် မန္တလေးတိုင်းဒေသကြီး အတွင်းရှိ အိမ်ခြံမြေ ကာလ တန်ဖိုး စံနှုန်း သတ်မှတ်ချက်များ ကိုလည်း လက်ရှိတွင် ရေးဆွဲ ပြုစုနေပြီး၊ မကြာခင် ထုတ်ပြန် သွားဖို့ ရှိကြောင်း ဦးသန်းဇော်ဝင်း က ပြောသည်။
နှုန်းထားအသစ်ကို စပြီး ပြုစုနေပြီ။ ပကတိ တန်ဖိုးနဲ့ အနီးစပ်ဆုံး ဖြစ်မယ်။ အိမ်ခြံမြေ ဖွံ့ဖြိုး တိုးတက်ရေး အသင်းတို့၊ ရှေ့နေ တွေ၊ မြို့နယ် ဦးစီးမှူး တွေနဲ့ တန်ဖိုးဖြတ် အဖွဲ့ ထဲမှာ ပါတဲ့သူတွေ ဆီက ကာလ ပေါက်ဈေးတွေ တောင်းထားတယ်။ ပြုစု ပြီးရင် တိုင်းဒေသကြီး အစိုးရ အဖွဲ့ကို တင်ပြမယ်။ ခွင့်ပြု ချက်ရ တာနဲ့ ထုတ်ပြန် သွားမယ် ဟု ပြည်တွင်း အခွန်များ ဦးစီးဌာန၊ တိုင်းဒေသကြီး ဦးစီးမှူး ဦးသန်းဇော်ဝင်းက ပြောသည်။ ယခုကဲ့သို့ အခွန် ဆောင်ဖို့ အချိန်ကန့်သတ် လိုက်သည့် အတွက် အိမ်ခြံမြေ အရောင်းအ၀ယ် ဈေးကွက် ပိုအေးသွား နိုင်ပြီး၊ အိမ်ခြံမြေ ဈေးနှုန်း တန်ဖိုး များလည်း ကျသွား နိုင်ကြောင်း အိမ်ခြံမြေ အကျိုးဆောင် အချို့က သုံးသပ် ကြသည်။
အစိုးရကအခွန်တွေ အတင်းဆောင် ခိုင်းနေတယ်ဆိုတဲ့ သဘောပေါ့။ အချိန်မပေး တော့ဘူး။ အိမ်တန်ဖိုးတွေ ကျလိမ့်မယ်လို့ မျှော်လင့်တယ်။ လက်ရှိ မြို့သစ် အပိုင်းတွေမှာ နည်းနည်းကျ နေပြီ။ မြို့ထဲကတော့ မကျသေးဘူး။ တချို့နေရာ တွေက လျော့ရောင်းတာ တွေရှိ လာတယ်။ ဒီလို လုပ်လိုက်တော့ နဂိုထဲကမှ ဈေးကွက်က အေးနေတာ။ ဒီလို အခွန် တင်းကျပ် လိုက်တော့ ပိုအေး သွားမယ်။ တန်ဖိုးက ပိုပြီးကျ နိုင်တယ် ဟု ရွှေ မန္တလေး အိမ်ခြံမြေ ရောင်းဝယ်ငှား အကျိုးဆောင် လုပ်ငန်းမှ ဦးနေလင်းအောင်က ပြောသည်။ လက်ရှိ မန္တလေး အိမ်ခြံမြေ အရောင်း အ၀ယ်မှာ ၂၀၁၄ ခုနှစ် ကုန်ခါနီးမှ စတင်၍ တဖြည်းဖြည်း အရောင်းအ၀ယ် အေးစက် လာပြီး ယခု၂၀၁၅ နှစ်ဆန်းပိုင်းတွင် အရောင်းအ၀ယ် မဖြစ်သလောက်အထိ ဖြစ်လာကြောင်း အိမ်ခြံမြေ အကျိုးဆောင်များ ထံမှ သိရသည်။
credit: messenger
![[ပရလောက ဖြစ်ရပ်ထူး] ဂါနာနိုင်ငံတွင် ကက်သလစ် သီလရှင်တစ်ပါးက ဆေးရုံတစ်ခု၏ ရင်ခွဲရုံရှိ သေဆုံးသွားသူများအား ဈာပနကိစ္စအတွက်](https://imh-images-prod.s3.ap-southeast-1.amazonaws.com/pictures/news/dr5b5kh/1147841-0877415001748325664-02.png)
