အိန္ဒိယတွင် အမျိုးသားတစ်ဦး၏ ဘဏ်စာရင်းထဲသို့ ရူပီးငွေ ၁၀၀,၁၃၅,၆၀၀,၀၀၀,၁၃၉, ၅၄၂,၁၀၀,၂၃၅, ၆၀၀,၀၀၀,၁၃၉, ၅၄၂ ရုတ်တရက် ငွေဝင်လာခဲ့ပြီး Elon Musk ထက်ပင် နေ့ချင်းညချင်း ရုတ်တရက် ချမ်းသာသွားသည့် ဖြစ်ပုံ

ကမ္ဘာ့စီးပွားရေးသည် ဒစ်ဂျစ်တယ်အနာဂတ်ဆီသို့ အရှိန်အဟုန်ဖြင့် ကူးပြောင်းနေချိန်တွင် ဘဏ်စနစ်များမှာလည်း အလိုအလျောက်စနစ်၊Algorithm များ၊ Real Time Transaction Tracking များအပေါ်တွင် မှီခိုမှု ကြီးမားလာခဲ့သည်။

ထိုသို့ နည်းပညာ အဆင့်မြင့်လာမှုများကြောင့် အဆင်ပြေချောမွေ့မှုများ ရှိလာပြီး ဘဏ္ဍာရေး ဝန်ဆောင်မှုများပိုမိုမြန်ဆန်လာစေသော်လည်း ချို့ယွင်းချက်၊ အားနည်းချက်များ ရှိနေသည်။

အိန္ဒိယနိုင်ငံ ဥတာပရာဒက်ရှ်ပြည်နယ်တွင် မကြာသေးမီက ထူးခြားသော ဖြစ်ရပ်တစ်ခု ဖြစ်ပွားခဲ့သည်။

အမျိုးသားတစ်ဦး၏ ဘဏ်စာရင်းထဲသို့ ဂဏန်း ၃၆ လုံး ပမာဏရှိ အံ့မခန်းငွေပမာဏ ရုတ်တရက် ဝင်ရောက်လာခဲ့ခြင်း ဖြစ်သည်။

ငွေပမာဏမှာ အလွန်ကြီးမားလှရာ ကမ္ဘာ့အချမ်းသာဆုံး သူဌေးကြီးများအားလုံး၏ စုစုပေါင်းကြွယ်ဝမှု ထက်ပင် များပြားနေသည်။

ထိုဖြစ်ရပ်မှာ အဆိုပါ အမျိုးသားအပြင် အိန္ဒိယအာဏာပိုင်တို့ကိုပါ အံ့သြတုန်လှုပ်စေခဲ့သည်။

ထို့အပြင် ဒစ်ဂျစ်တယ် Banking System များ၏ မှီခိုအားထား ယုံကြည်စိတ်ချရမှုနှင့် ယခုကဲ့သို့ အမှားမျိုး၏ အကျိုးသက်ရောက်မှု အလားအလာများအပေါ် မေးခွန်းများ ထွက်ပေါ်လာစေသည်။

ယခုဖြစ်ရပ်နှင့် စပ်လျဉ်းပြီး တင်းတင်းကြပ်ကြပ်စစ်ဆေးမှုများ ပြုလုပ်နေသည့်အပြင် Cyber Security ကျွမ်းကျင်ပညာရှင်များ၊ ပြည်တွင်း ရဲတပ်ဖွဲ့နှင့် ပြည်သူလူထုများ အာရုံစိုက်လာကြသည်။

((Elon Musk ထက်ပင် နေ့ချင်းညချင်း ချမ်းသာသွားမှု ))

၂၀၂၅ ခုနှစ် ဧပြီလ ၂၅ ရက်တွင် အိန္ဒိယနိုင်ငံ၊ ဥတာပရာဒက်ရှ်ပြည်နယ်တွင် နေထိုင်သူ အဂျစ်အမည်ရှိ အမျိုးသားက သူ၏ ဘဏ်စာရင်းကို ပုံမှန်အတိုင်း စစ်ဆေးကြည့်ရှုခဲ့သည်။

NDTV သတင်းဌာန၏ ဖော်ပြချက်အရ အဂျစ်က သူ၏အကောင့်ထဲတွင် ရူပီးငွေ ၁၀၀,၁၃၅,၆၀၀,၀၀၀,၁၃၉, ၅၄၂,၁၀၀,၂၃၅, ၆၀၀,၀၀၀,၁၃၉, ၅၄၂ ဝင်ရောက်လာကြောင်း တွေ့လိုက်ရသည်ဟု ဆိုသည်။

ထိုပမာဏမှာ မျက်မှောက်ခေတ် ဒစ်ဂျစ်တယ် ဂဏန်းပေါင်းစက်များတွင်ပင် ထည့်သွင်း တွက်ချက်နိုင်ဖွယ် မရှိသော ပမာဏ ဖြစ်သည်။

သူ၏ ဘဏ်စာရင်းမှ ရူပီး ၁၈၀၀ နှင့် ရူပီး ၁၄၀၀ တို့ကို ပုံမှန်အတိုင်း ထုတ်ယူသုံးစွဲလိုက်ပြီးချိန်တွင် ဘဏ်စာရင်းရှိ ငွေပမာဏ ရုတ်တရက် မြင့်တက်သွားခဲ့ခြင်း ဖြစ်သည်။ ကနဦးတွင် အဂျစ်၏ ဇနီးဖြစ်သူမှာ မခန့်မှန်းနိုင်လောက်သည့် ငွေပမာဏ ဝင်လာခြင်းအပေါ် များစွာ ဝမ်းမြောက် ပျော်ရွှင်ခဲ့သော်လည်း စိုးရိမ်ကြောင့်ကျစိတ်များလည်း ချက်ချင်းပေါ်ပေါက်လာခဲ့သည်။

((ဂဏန်း ၃၆ လုံးရှိ ငွေပမာဏ ရုတ်တရက် ဝင်ရောက်လာမှုအပေါ် ဆိုက်ဘာ ရာဇဝတ်မှုများ ဖြစ်ပေါ်လာမည့်အရေး ရတက်မအေးဖြစ်လာကြ))

မမျှော်လင့်ထားသည့် ငွေပမာဏကြောင့် အဂျစ်နှင့် မိသားစုက ခေတ္တမျှ ဝမ်းသာပျော်ရွှင်ခဲ့သော်လည်း နောက်ပိုင်းတွင် စိုးရိမ်စိတ်များ ကြီးစိုးလာခဲ့သည်။

((ဘဏ်၏ တုံ့ပြန်မှု))

အဆိုပါ ဖြစ်ရပ်အပေါ် ဘဏ်ကသိရှိကြောင်း ပြောကြားခဲ့သည်။

သို့သော် ထိုအမှားကို ချက်ချင်းပြင်ဆင်ရန်နှင့် အဘယ်ကြောင့် ထိုသို့ ဖြစ်ရသည်ကို ခိုင်ခိုင်လုံလုံ ရှင်းပြရန် မလုပ်ဆောင်နိုင်ခဲ့ချေ။

ယင်းနောက်ပိုင်း အဂျစ်၏ ဘဏ်စာရင်းကို ထိန်းချုပ် ထားလိုက်ပြီး စုံစမ်းစစ်ဆေးမှုများ ပြုလုပ်နေသည်။

စုံစမ်းစစ်ဆေးမှုများ ပြုလုပ်နေချိန်အတွင်း ဘဏ်စာရင်းကို ခွင့်ပြုချက်မရှိဘဲ ငွေလွှဲပြောင်းမှုများ မပြုလုပ်နိုင်ရန် ခေတ္တထိန်းချုပ်ထားခြင်း ဖြစ်သည်။

စုံစမ်းစစ်ဆေးသူတို့က ထိုသို့ဖြစ်ပေါ်ရခြင်း၏ အကြောင်းရင်းကို စစ်ဆေးလျက်ရှိပြီး ဆော့ဖ်ဝဲ ချို့ယွင်းခြင်း ကြောင့်လော (သို့မဟုတ်) Data Entry မျက်စိလျှမ်းသွားသောကြောင့်လော (သို့မဟုတ်) Cyber တိုက်ခိုက်မှု ဖြစ်ပွားခြင်းကြောင့်လောဟူသည်ကို စုံစမ်းစစ်ဆေးလျက် ရှိသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Elon Musk no longer the richest man in the world? Indian man wakes up to 36-digit fortune in his account (timesofindia)