နိုင်ငံသားတစ်ဦး ၀င်ငွေသုံးဆခန့်မြှင့်တင်ပေးနိုင်မည့် ရင်းနှီးမြှုပ်နှံမှုမြှင့်တင်ရေးစီမံကိန်း မန္တလေးတွင် မိတ်ဆက်

နိုင်ငံသားတစ်ဦးချင်းစီ၏ ၀င်ငွေကို လက်ရှိထက် သုံးဆကျော်ပိုမို ရရှိနိုင်ရေး မြန်မာနိုင်ငံရင်းနှီးမြှုပ်နှံမှု မြှင့်တင်ရေး နှစ် ၂၀ စီမံကိန်းတွင် ထည့်သွင်းရေးဆွဲထားကြောင်း ရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောသည်။

ရင်းနှီးမြှုပ်နှံမှုကော်မရှင်သည် မြန်မာနိုင်ငံရင်းနှီးမြှုပ်နှံမှု မြှင့်တင်ရေး နှစ် ၂၀ စီမံကိန်းရှင်း လင်းပွဲကို မန္တလေးရှိ စီးပွားရေးလုပ်ငန်းရှင်များ ပိုမိုသိရှိစေရန် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) ၊ ဂျာမနီနိုင်ငံ အပြည်ပြည်ဆိုင်ရာဖွံ့ဖြိုးရေးအဖွဲ့ (GIZ)တို့နှင့် ပူးပေါင်းကာ အောက်တိုဘာ ၁၀ ရက်က မန္တလေးကွန်ဗင်းရှင်းစင်တာ၌ ပြုလုပ်ခဲ့သည်။

‘‘၂၀၃၀ မှာ တစ်ဦးချင်းဝင် ငွေအလယ်အလတ်ရှိတဲ့ တိုင်း ပြည်တစ်ခုဖြစ်အောင် လုပ်မယ် လို့ မျှော်မှန်းထားပါတယ်။ နိုင်ငံသားတစ်ယောက်ချင်းစီရဲ့ ၀င်ငွေ မြင့်တက်လာအောင် ရင်းနှီးမြှုပ်နှံ မှုကနေ ဘယ်လိုကွက်လပ်ဖြည့် မလဲဆိုတာကို ရည်ရွယ်ပြီးတော့ လုပ်သွားမှာ ဖြစ်ပါတယ်’’ဟု မန္တလေးတွင် စီမံကိန်းစာအုပ် မိတ်ဆက်စဉ် ဦးအောင်နိုင်ဦးက ပြောသည်။

၂၀၁၈ တွင် မြန်မာနိုင်ငံ၏ စီးပွားရေးလုပ်ကိုင်မှု လွယ်ကူမှု ညွှန်းကိန်းသည် အဆင့် (၁၇၁) ရှိပြီး နိုင်ငံတကာအဖွဲ့အစည်းများ၏ ခန့်မှန်းချက်များအရ တစ်ဦးချင်းဝင်ငွေသည် ၁,၃၃၈ ဒေါ်လာရှိသည်။

ယင်းစီမံကိန်းမျှော်မှန်းချက် တွင် မြန်မာနိုင်ငံ၌ စီးပွားရေးလုပ်ကိုင်ရန် ရင်းနှီးမြှုပ်နှံသူများ အ တွက် နိုင်ငံရေးအခြေအနေကို စိုးရိမ်ပူပန်ရခြင်း၊ စီးပွားရေးဆိုင်ရာလုပ်ထုံးလုပ်နည်းများကောင်း စွာ မဖွံ့ဖြိုးခြင်း၊ လူသားအရင်းအမြစ်အားနည်းခြင်း၊ ငွေကြေး လုပ်ငန်းကဏ္ဍ အားနည်းခြင်း၊ အခြေခံအဆောက်အအုံအား နည်းချက်များရှိနေခြင်းတို့သည် အားနည်းချက်များဖြစ်သည်ဟု ဆိုထားသည်။

‘‘ထိရောက်တဲ့ ရင်းနှီးမြှုပ်နှံ မှုတွေမှာ ပုဂ္ဂလိကကဏ္ဍရင်းနှီး မြှုပ်နှံမှုက အဓိကကျနေပါတယ်။ ရင်းနှီးမြှုပ်နှံမှုမြှင့်တင်ရေးအတွက် အကောင်အထည်ဖော်တဲ့အခါ မှာ ပုဂ္ဂလိကကဏ္ဍများနဲ့ ပူးပေါင်း ဆောင်ရွက်ခြင်းအားဖြင့် ပြည်တွင်း၊ ပြည်ပရင်းနှီးမြှုပ်နှံမှုတိုးတက်ဝင်ရောက်လာပြီး နိုင်ငံတော်တိုးတက်ရေးအတွက် အထောက်အကူပြုစေမှာ ဖြစ်ပါတယ်’’ဟု မန္တလေးတိုင်းသယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ်က အဆိုပါစီမံကိန်းမိတ်ဆက်ပွဲတွင် ပြောသည်။

Credit: 7Daydaily