အိမ်ရာမူဝါဒ ၂၀၁၅ ရွေးကောက်ပွဲပြီး မှသာ ထွက်မည်
လက်ရှိတွင် အိမ်ရာ မူဝါဒအား ရေးဆွဲပြီးပြီ ဖြစ်သော်လည်း ၂၀၁၅ ရွေးကောက်ပွဲ ပြီးမှသာ ထွက်ရှိနိုင်မည် ဖြစ်ကြောင်း မူဝါဒ ရေးဆွဲရာတွင် ပါဝင်သည့် မြို့ရွာနှင့် အိုးအိမ် ဦးစီးဌာနမှ ညွှန်ကြားရေးမှူး (ငြိမ်း) ဦးမြင့်မိုရ်ဆွေက ပြောသည်။
လက်ရှိမှာ မူဝါဒထွက်ရှိ ဖို့က အရမ်း အရေးကြီး နေတယ်။ အခု ဆောက်လုပ်နေတဲ့ ကွန်ဒိုတွေ ဆိုရင် မူဝါဒမရှိတဲ့ အတွက် နိုင်ငံ အမည်ခံပြီး သွားရည် ကျအောင် ကြော်ငြာနေတယ်။ ပြီးရင် ကြော်ငြာတဲ့ အတိုင်း ပါဝင်မှု မရှိဘူး။ မူဝါဒ ထွက်လာပြီ ဆိုရင်တော့ လက်ရှိ ဖြစ်နေတဲ့ ပြဿနာတွေ သုံးပုံ တစ်ပုံလောက် လျော့နည်းသွား လိမ့်မယ် ဟု ၎င်းက ပြောသည်။
လက်ရှိတွင် အိမ်ရာများ ဆောက်လုပ်ရာ၌ ၁၉၈၅ ခုနှစ် ဥပဒေ ကိုသာ အသုံးပြု နေခြင်း ဖြစ်သည်။ မူဝါဒ ထွက်ရှိ လာပါက ပြင်ဆင် ရေးဆွဲနေသည့် ကွန်ဒို ဥပဒေနှင့် ချိတ်ဆက် လုပ်ဆောင် သွားမည် ဖြစ်ကြောင်း ၎င်းကဆက် ပြောသည်။
အဆိုပါ အိမ်ရာမူဝါဒတွင် အရစ်ကျ ၀ယ်ယူနိုင်မည့် ငွေကြေးစနစ်၊ ပုဂ္ဂလိက ကဏ္ဍ ပါဝင်နိုင်မှု၊ အိမ်ရာများ တည်ဆောက်ရာတွင် ဆောက်လုပ်သည့် လုပ်ငန်းရှင်၏ ပိုင်ဆိုင်မှု အာမခံ၊ ၀ယ်ယူသူ၏ ငွေကြေး သုံးစွဲမှု၊ မြေယာ အတည်တကျ ပိုင်ဆိုင်မှု၊ ဘဏ်စနစ် အသုံးပြုမှု အစရှိသည်တို့ ပါဝင်ကြောင်း သိရသည်။
လက်ရှိတွင် ရန်ကုန်မြို့၌ အိမ်ရာ လိုအပ်ချက်ကြောင့် အိမ်ရာများကို နေရာအနှံ့ တည်ဆောက်နေရာတွင် မူဝါဒ မရှိခြင်းကြောင့် ဖြစ်ပေါ် လာသည့် နောက်ဆက်တွဲ ပြဿနာများကို ထိရောက်စွာ ဖြေရှင်းမပေးနိုင် သေးကြောင်း ဦးမြင့်မိုရ်ဆွေက ပြောသည်။
မြန်မာနိုင်ငံတွင် အိမ်ရာများ ဆောက်လုပ်ရာ၌ တိကျသည့် မူဝါဒမရှိခြင်းကြောင့် မြင့်မားနေသည့် မြေယာဈေးနှုန်းများကို ထိန်းချုပ်နိုင်မှု မရှိခြင်း၊ အိမ်ရာဈေးနှုန်းများသည် သာမန် ပြည်သူများ လက်လှမ်းမမီသည့် အခြေအနေ ဖြစ်နေခြင်း၊ အိမ်ရာများ၏ ကြံ့ခိုင်မှုကို အာမခံမှု မပေးနိုင်ခြင်း၊ အိမ်ရာ လိုအပ်ချက် များကြောင့် တရားမ၀င် ဆောက်လုပ်မှု များလာခြင်း အစရှိသည် တို့ကို ကြုံ တွေ့နေရကြောင်း သိရသည်။
Credit:messenger
