[ပရလောက ဖြစ်ရပ်ထူး] ဂါနာနိုင်ငံတွင် ကက်သလစ် သီလရှင်တစ်ပါးက ဆေးရုံတစ်ခု၏ ရင်ခွဲရုံရှိ သေဆုံးသွားသူများအား ဈာပနကိစ္စအတွက် ပြင်ဆင်ပေးရန် ရောက်ရှိချိန်တွင် အလောင်းများအားလုံးထံမှ ရယ်သံကြီး ထွက်လာသည့်ဖြစ်ရပ် လူမှုကွန်ရက်တွင် နာမည်ကြီးနေ

YouTube တွင် subscriber ၆၈၆၀၀၀ ရှိသော Razak Ghana အမည်ရှိ ချန်နယ်၌ ကက်သလစ် သီလရှင်တစ်ပါးဖြစ်သူ မဒမ် ဖီလစ်ပီနာ (Madam Phillipina) ကို တွေ့ဆုံမေးမြန်းခဲ့သည့် ဗွီဒီယိုဖိုင်တစ်ခုမှာ အလွန်ကျော်ကြားခဲ့သည်။

ဖီလစ်ပီနာသည် ဈာပနာအတွက် အလောင်းများကို စီစဉ်ပြင်ဆင်ပေးခြင်းများ လုပ်ဆောင်ပေးလေ့ရှိပြီး သေဆုံးသူများ ပြန်လည်အသက်ဝင်လာလေ့ရှိသည်ဆိုခြင်းမှာ ယုံတမ်းစကားမဟုတ်ကြောင်း ၎င်းက ပြောသည်။

(မှတ်ချက်။ သီလရှင်တစ်ပါးက အဘယ်ကြောင့် အလောင်းများ စီစဉ်ပြင်ဆင်သည့်အလုပ် လုပ်ဆောင်ပေးသနည်း။ အခြားလုပ်ဆောင်မည့်သူ မရှိသလောဟု မေးစရာရှိသည်။

ကက်သလစ်တို့၏ ဘာသာရေးယုံကြည်ချက်ကြောင့် သီလရှင်တို့မှာ သေဆုံးသူများကို ကူညီပေးကြခြင်း ဖြစ်သည်။ အထူးသဖြင့် ယေရှုခရစ်၏ ဟောကြားချက်များအနက် ဆရာယုဒသန် မြန်မာပြန်သော သမ္မာကျမ်းစာ ရှင်မဿဲ ၂၅း၄၀ တွင် “မင်းကြီးက ငါအမှန်ဆိုသည်ကား သင်တို့သည် ဤသူတည်းဟူသော ငါ့ညီတို့တွင် အငယ်ဆုံးသော သူတစ်ယောက်အား ပြုကြသမျှတို့ကို ငါ့အား ပြုကြပြီဟု ပြန်၍ မိန့်တော်မူလတံ့။” ဟု ဖော်ပြထားသည်။ ဆရာယုဒသန်က သမ္မာကျမ်းစာတွင်ပါသော the least of these ကို ငါ့ညီ အငယ်ဆုံးဟု မြန်မာဘာသာသို့ ပြန်ဆိုထားမှုမှာ ဆိုလိုရင်းအဓိပ္ပာယ်သို့ ရှင်းလင်းစွာ ညွှန်ပြခြင်း မရှိချေ။ ဆိုလိုရင်းမှာ ဆင်းရဲချို့တဲ့နွမ်းပါးသူတို့အပေါ် ကြင်နာမှုပြသခြင်းမှာ ခရစ်တော်အပေါ်တွင် ကြင်နာမှုပြသခြင်းနှင့် ထပ်တူဖြစ်သည်ဟု ဆိုလိုခြင်းဖြစ်သည်။ the least of these ဟူသော အသုံးအနှုန်းက အမှန်တကယ်ရည်ညွှန်းသည်မှာ ဆာလောင်ငတ်မွတ်သူများ၊ သူစိမ်းများ၊ အိမ်ရာမဲ့များ၊ ဆင်းရဲသားများ၊ နာမကျန်းသူများကို ဆိုလိုခြင်း ဖြစ်သည်။ ဂါနာတွင်လည်း ရင်ခွဲရုံများကို ကြောက်ရွံ့ကြသဖြင့် ထိုအလုပ်များကို အခြားလုပ်ဆောင်မည့်သူ မရှိခြင်းကြောင့်ဖြစ်နိုင်ပါသည်။)

မဒမ် ဖီလစ်ပီနာအား တွေ့ဆုံမေးမြန်းခဲ့သည့် YouTube ဗွီဒီယိုဖိုင်မှာ မိနစ် ၅၀ ကျော် ကြာမြင့်ပြီး ဂါနာရှိ ရင်ခွဲရုံထဲတွင် တွေ့ကြုံခဲ့ရပုံကို ဖွင့်ဟပြောပြထားခြင်း ဖြစ်သည်။ ထိုနေ့က ဖီလစ်ပီနာသည် ဈာပန အခမ်းအနားလုပ်မည့် အလောင်းတစ်ခုကို ပြင်ဆင်ပေးရန်အတွက် ဆေးရုံရှိ ရင်ခွဲတိုက်သို့ အလုပ်သင်တစ်ဦးနှင့်အတူ သွားရောက်ခဲ့သည်။ ရင်ခွဲရုံ အဆောက်အအုံသို့ ရောက်ရှိချိန်တွင် လက်ထောက်အကူတစ်ဦးက မိမိတို့ချည်း ထားခဲ့ပြီး ထွက်သွားကြောင်း ဖီလစ်ပီနာက ပြောသည်။

အလောင်းကို ပြင်ဆင်ခြင်းများ မပြုလုပ်မီတွင် ဖီလစ်ပီနာက ရွတ်ဖတ်သရဇ္စျာယ်မှုများ ပြုလုပ်ခဲ့သည်။

ယင်းနောက် သေဆုံးသူကို ရေချိုးပေးရန်အတွက် ရေသွားခပ်ရန် လက်ထောက်ဖြစ်သူကို ပြောဆိုခဲ့သည်။

ထိုနောက်တွင် ဖြစ်ပေါ်လာသည့်ဖြစ်ရပ်များမှာ ဖီလစ်ပီနာကို ကြက်သီးဖြန်းဖြန်းထက ကျောစိမ့်သွားစေခဲ့သည်။

“ကျွန်မတို့နှစ်ယောက် အတူလုပ်ကိုင်နေချိန်မှာ ရယ်သံကြီးကြားလိုက်ပါတယ်။ တစ်ယောက်ထဲရဲ့ ရယ်သံမဟုတ်ပါဘူး။ သေဆုံးပြီးသား အလောင်းတွေ အများကြီးကနေလာတဲ့ ရယ်သံတွေပါ” ဟု ဖီလစ်ပီနာက ပြောသည်။

ဖီလစ်ပီနာ၏ လက်ထောက်အကူမှာ ခေါင်းနပန်းကြီးကာ ကြောက်ရွံ့ထိတ်လန့် တုန်လှုပ်စွာဖြင့် အခန်းထဲမှ ထွက်ပြေးသွားပြီး ဖီလစ်ပီနာကို တစ်ယောက်တည်း ထားခဲ့သည်။

သို့သော် ဖီလစ်ပီနာမှာ မိမိကိုယ်ကို အားတင်းရင်း အခန်းထဲမှ ထွက်မပြေး။

ယခုကဲ့သို့ဖြစ်ရပ်မျိုး ယခင်ကလည်း ကြုံခဲ့ဖူးသည်။ ထိုစဉ်ကလည်း ကြံ့ကြံ့ခံ ကျော်လွှားနိုင်ခဲ့သည်။

“ဒီကောင်လေးက ထွက်ပြေးသွားပြီး ကျွန်မကို ထားရစ်ခဲ့တယ်။ ဒါပေမယ့်ကျွန်မက ဘယ်မှ မပြေးပါဘူး။ အဲဒီမှာ ပိုဆိုးတာတွေ တွေ့ရတော့တာပဲ” ဟု ဖီလစ်ပီနာက ရဲဝံ့စွာ ပြောပြသည်။

မဒမ် ဖီလစ်ပီနာက မိမိသည် ယခုဖြစ်ရပ်မျိုး ယခင်ကလည်း ကြုံခဲ့ဖူးကြောင်း ပြောသည်။

“တခါမှာ ရင်ခွဲရုံကို ရောက်သွားတဲ့အချိန် အလောင်းတစ်ခုက မတ်တပ်ထရပ်နေတာလည်း တွေ့ဖူးပါတယ်” ဟု ဖီလစ်ပီနာက ဆိုသည်။

လူတို့အနေဖြင့် သေခြင်းတရားနှင့် စပ်လျဉ်းသော ဝိဉာဉ်လောက ဆန်းကြယ်သည့်ဖြစ်ရပ်များကို လက်မခံဘဲ မနေသင့်ကြောင်းလည်း ဖီလစ်ပီနာက ပြောသည်။

သေခြင်းတရား၏ နောက်ကွယ်တွင် ဆန်းကြယ်သောဖြစ်ရပ်များစွာရှိနေသည်ကို အလေးအနက်ထားစေလိုကြောင်း ဖီလစ်ပီနာက ဂါနာနိုင်ငံသားများအား တိုက်တွန်းသည်။

“လူတွေပြောတတ်ကြတဲ့ သေဆုံးပြီးသူတွေ ငိုကြွေးတယ်…မတ်တပ်ထရပ်တယ်ဆိုတာ အမှန်ပါပဲ။ ကျွန်မက ကိုယ်တိုင်ကြုံတွေ့ခဲ့တာပါ” ဟု ဖီလစ်ပီနာက ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: “The Dead Were Laughing”: Roman Sister & Undertaker Recalls Spine-Chilling Mortuary Encounters While on Duty in Mortuary