[ “အတွင်းကလာတဲ့ အသံကို နားထောင်ခဲ့တယ်”] မလေးရှားတွင် အသက် ၂၅ နှစ်အရွယ် အိမ်ခြံမြေအကျိုးဆောင်လူရွယ်တစ်ဦးက အသံတစ်သံ၏ ခိုင်းစေချက်အတိုင်း ကားနံပါတ်နှင့် အိမ်နံပါတ်တို့ကို ထီထိုးခဲ့ရာ ရင်းဂစ် ၆ သန်း ထီဆုကြီး ကံထူးခဲ့

6 Mar 2025 10:03 am တွင် တင်ခဲ့သည်

515 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ဇာနည်ကျော်

ထီဆုကြီး ကံထူးရေးသည် လူတိုင်း၏ အိပ်မက်တစ်ခု ဖြစ်၏။

ထီကံထူးပါက မိမိကိုယ်တိုင်နှင့် မိမိချစ်ရသူတို့အတွက် ငွေရေးကြေးရေး မပူပင်ရသည့် အခြေအနေမျိုး ပိုင်ဆိုင်နိုင်မည် ဖြစ်သည်။

မလေးရှားနိုင်ငံမှ အသက် ၂၅ နှစ်အရွယ် လူရွယ်တစ်ဦးက ရင်းဂစ် ၆ ဒသမ ၂ သန်း ထီဆုကြီး ကံထူးခဲ့ပြီး အဆိုပါအိပ်မက်မျိုး တကယ်ဖြစ်လာခဲ့သည်။

Sports Toto Malaysia ထီဌာန၏ Facebook စာမျက်နှာက ပြီးခဲ့သော ဇန်နဝါရီလတွင်း အသက် ၂၅ နှစ်အရွယ် အိမ်ခြံမြေအကျိုးဆောင်လူရွယ်တစ်ဦး ထီဆုကြီး ကံထူးခဲ့ကြောင်း ကြေညာခဲ့သည်။

ထိုလူရွယ်သည် Toto 4D Jackpot 1 ၏ ထီဆုကြီးကံထူးခဲ့ရာ ဆုငွေ ရင်းဂစ် ၆,၂၂၁,၄၂၂ ဒသမ ၁၀ ရရှိသွားသည်။

မရမ်းကုန်းမြို့နယ်/Royal theikdi Condo အရောင်း

3,500 သိန်း (ကျပ်)

မရမ်းကုန်း | ရန်ကုန်တိုင်းဒေသကြီး

မရမ်းကုန်းမြို့နယ် (၈.၅မိုင်ခွဲ) ရွှေနှင်းဆီလမ်း စိတ်ငြိမ်ရပ်ကွက်ရှိ လုံးချင်းအိမ်ကောင်းအရောင်း / La

25,000 သိန်း (ကျပ်)

မရမ်းကုန်း | ရန်ကုန်တိုင်းဒေသကြီး

7 Mile ကိုမှကြိုက်နစ်သက်တဲ့ Customer များအတွက် Semi Furnished house for Sale 📍

55,000 သိန်း (ကျပ်)

မရမ်းကုန်း | ရန်ကုန်တိုင်းဒေသကြီး

ထိုလူရွယ်က ပြောပြသည်မှာ မူလက Jackpot ဆုငွေ ပိုမိုများပြားသော Supreme Toto 6/58 ကို ကံစမ်းရန် ရည်ရွယ်ခဲ့ကြောင်း ပြောသည်။

သို့သော် Toto 4D Jackpot ကိုသာ ကံစမ်းရန်ပြောလာသည့် အသံတစ်သံ ကြားလိုက်ရသည်ဟု ဆိုသည်။

“ကံကောင်းချင်တော့ အတွင်းကလာတဲ့အသံကို ကျွန်တော်နားထောင်ခဲ့ပါတယ်။ ကျွန်တော့်ကားနံပါတ်၊ အိမ်နံပါတ်တွေနဲ့ ကံစမ်းခဲ့ပါတယ်။ အခုဆိုရင် ကျွန်တော်ဟာ ချမ်းသာတဲ့ လူငယ်တစ်ယောက် ဖြစ်လာပါပြီ” ဟု ၎င်းက ပြောသည်။

လက်ရှိအချိန်တွင် Supreme Toto 6/58 ၏ Jackpot ဆုကြေးငွေမှာ ရင်းဂစ် ၇၅ ဒသမ ၄၅ သန်းအထိ သမိုင်းတလျှောက် အမြင့်မားဆုံးဆုကြေး ပမာဏနီးပါး ရောက်ရှိလာရာ မလေးရှား ထီကံစမ်းသူတို့အကြား စိတ်လှုပ်ရှားမှုများ ဖြစ်ပေါ်လျက် ရှိသည်။

ထီကံစမ်းသူတို့အနေဖြင့် မလေးရှားနိုင်ငံတဝန်းရှိ Toto ထီဆိုင်များတွင် ၁ မှ ၅၈ အကြားရှိ မိမိနှစ်သက်ရာ ဂဏန်း ၆ လုံးကို ရွေးချယ် ကံစမ်းရခြင်း ဖြစ်သည်။

မလေးရှားတွင် အမြင့်မားဆုံး ထီဆုငွေမှာ ၂၀၂၂ ခုနှစ်အတွင်းက ထွက်ခဲ့သော ရင်းဂစ် ၉၇ ဒသမ ၇၅ သန်း Jackpot ဆုကြီးဖြစ်ပြီး လက်ရှိ ဒုတိယအမြင့်မားဆုံးဖြစ်နေသော Jackpot ဆုငွေမှာ မကြာမီတွင် ယခင်စံချိန်ကို ဖြတ်ကျော်ကာ အမြင့်မားဆုံးဖြစ်လာဖွယ်ရှိသည်ဟု ထီကံစမ်းသူတို့က မျှော်လင့်ထားသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: “Luckily I followed the inner voice” - 25-year-old wins RM6.2 million Toto jackpot

ဗဟုသုတ သိမွတ္ဖြယ္ရာ

Share on Facebook

Share on Twitter