ခရမ်းရောင်ကျွန်း - အင်စတာဂရမ်ပေါ်မှ တောင်ကိုရီးယားရှိ ခရီးသွားဆွဲဆောင်မှုသစ်

[Unicode] တောင်ကိုရီးယားမှာ လည်ပတ်ဖို့ စိတ်ဝင်စားဖွယ်နေရာအများအပြားရှိပါတယ်။ ဒါပေမဲ့လည်း သင်က အင်စတာဂရမ်မှာရေပန်စားနေတဲ့ နေရာသစ်ကို သွားကြည့်ချင်တာဆိုရင်တော့ ဒီသတင်းမှာဖော်ပြပေးမယ့် ခရမ်းရောင်ကျွန်းကို သင့်ခရီးစဉ်စာရင်းထဲ ထည့်ရပါလိမ့်မယ်။

တောင်ကိုရီးယားအပါအဝင် ကမ္ဘာတစ်ဝန်းကို COVID-19 က အကြီးအကျယ်ထိခိုက်ပျက်စီးစေမှုမှာ နိုင်ငံတကာခရီးစဉ်တွေကလည်း ပြီးခဲ့တဲ့လအနည်းငယ်ကနဲ့မတူတော့ပါဘူး။

နိုင်ငံတကာလေကြောင်းခရီးစဉ်တော်တော်များများရပ်ဆိုင်းထားရတဲ့ ဒီအခြေအနေကို သင့်ရဲ့နောက်ခရီးစဉ်အတွက် ပြင်ဆင်ဖို့ရာ အချိန်ပိုရစေတဲ့အခွင့်အရေးလို့ပဲ မှတ်ယူရတော့မှာပါ။

ပြီးတော့လည်း သင်က အင်စတာဂရမ်မှာ ရေပန်းစားနေတဲ့နေရာတွေကို မျက်စိကျတယ်ဆိုရင် တောင်ကိုရီးယားရဲ့ “ခရမ်းရောင်ကျွန်း” သစ်က မဖြစ်မနေသွားရောက်လည်ပတ်ရမယ့်နေရာတစ်ခုဆို မမှားပါဘူး။

နာမည်နဲ့လိုက်ဖက်စွာပဲ ဒီကျွန်းဟာ မျက်စိတဆုံးကျယ်ပြောတဲ့ ခရမ်းရောင်လာဗင်ဒါပန်းခင်းကြီးတွေ၊ ခရမ်းရောင်ခေါင်းလောင်ပုံပန်းပွင့်တဲ့ empress tree သစ်ပင်တွေ၊ ခရမ်း‌ရောင်ခေါင်မိုးနဲ့အိမ်တွေ၊ တံတားတွေနဲ့ ခရမ်းရောင်လမ်းတွေ စတာတွေနဲ့ ခရမ်းရောင်အတိပြီးနေတဲ့ ခရမ်းရောင်သုခဘုံတစ်ခုပဲဖြစ်ပါတယ်။

Banwol ကျွန်းနဲ့ Parkji ကျွန်းတို့ကို ခရမ်းရောင်သစ်သားတံတားတစ်စင်းနဲ့ဆက်သွယ်ပြီး ခရမ်းရောင်ကျွန်းအဖြစ် ဘယ်ကဘယ်လိုဖန်တီးလိုက်ကြတယ်ဆိုတာကို ရှင်းရှင်းလင်းလင်းမသိရပါဘူး။

သို့ပေမဲ့ South Jeolla စီရင်စု Sinan ကောင်တီရှိ အာဏာပိုင်တွေက ထူးထူးခြားခြားခရီးသွားဆွဲဆောင်မှုတစ်ခု အဖြစ် ခရမ်းရောင်ကျွန်းအစီအစဉ်ကို ပြီးခဲ့တဲ့နွေတုန်းက ကြေညာခဲ့ကြပါတယ်။

သူတို့ရဲ့အစီအစဉ်မှာ လာဗင်ဒါပန်းပင် ၄ သောင်းစိုက်ပျိုးခြင်း၊ empress tree နဲ့ အခြားခရမ်းရောင်သစ်ပင်ထောင်နှင့်ချီ စိုက်ပျိုးခြင်း၊ လူနေအိမ်အဆောက်အအုံ‌၊ လမ်းဘေးနေရာ၊ လမ်းတွေကို ခရမ်းရောင်ဆေးသုတ်ခြင်းတို့ ပါဝင်ခဲ့ပါတယ်။

Banwol ကျွန်းနဲ့ Parkji ကျွန်းတို့ကို ဆက်သွယ်ထားတဲ့ ခရမ်းရောင် Cheonsa တံတား (အဓိပ္ပာယ် - နတ်သားတံတား) ဟာ အထူးသဖြင့် ညအချိန်မှာ သွားရောက်ဖို့အသင့်ဆုံးပါပဲ။

ဟိုတယ်ခန်း၊ စားသောက်ဆိုင်တွေနဲ့ သန့်စင်ခန်းတွေကိုလည်း ခရမ်းရောင်ဆေးသုတ်ထားတဲ့ ခရမ်းရောင်ကျွန်းမှာ ဒေသတွင်းကားတချို့ဟာလည်း ခရမ်းရောင်ပဲဖြစ်ပါတယ်။

ခရမ်းရောင်ဟိုတယ်ခန်းတွေဟာ တစ်ညတည်းခိုခ ကိုရီးယားဝမ် ၅ သောင်း (၄၁ ဒေါ်လာ) ကနေစတယ်လို့လည်း သိရပါတယ်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Purple Island – South Korea’s Newest Instagram-Worthy Tourist Attraction (OC)

[Zawgyi]

ခရမ္းေရာင္ကြၽန္း - အင္စတာဂရမ္ေပၚမွ ေတာင္ကိုရီးယားရွိ ခရီးသြားဆြဲေဆာင္မႈသစ္

ေတာင္ကိုရီးယားမွာ လည္ပတ္ဖို႔ စိတ္ဝင္စားဖြယ္ေနရာအမ်ားအျပားရွိပါတယ္။ ဒါေပမဲ့လည္း သင္က အင္စတာဂရမ္မွာေရပန္စားေနတဲ့ ေနရာသစ္ကို သြားၾကည့္ခ်င္တာဆိုရင္ေတာ့ ဒီသတင္းမွာေဖာ္ျပေပးမယ့္ ခရမ္းေရာင္ကြၽန္းကို သင့္ခရီးစဥ္စာရင္းထဲ ထည့္ရပါလိမ့္မယ္။

ေတာင္ကိုရီးယားအပါအဝင္ ကမာၻတစ္ဝန္းကို COVID-19 က အႀကီးအက်ယ္ထိခိုက္ပ်က္စီးေစမႈမွာ ႏိုင္ငံတကာခရီးစဥ္ေတြကလည္း ၿပီးခဲ့တဲ့လအနည္းငယ္ကနဲ႔မတူေတာ့ပါဘူး။

ႏိုင္ငံတကာေလေၾကာင္းခရီးစဥ္ေတာ္ေတာ္မ်ားမ်ားရပ္ဆိုင္းထားရတဲ့ ဒီအေျခအေနကို သင့္ရဲ႕ေနာက္ခရီးစဥ္အတြက္ ျပင္ဆင္ဖို႔ရာ အခ်ိန္ပိုရေစတဲ့အခြင့္အေရးလို႔ပဲ မွတ္ယူရေတာ့မွာပါ။

ၿပီးေတာ့လည္း သင္က အင္စတာဂရမ္မွာ ေရပန္းစားေနတဲ့ေနရာေတြကို မ်က္စိက်တယ္ဆိုရင္ ေတာင္ကိုရီးယားရဲ႕ “ခရမ္းေရာင္ကြၽန္း” သစ္က မျဖစ္မေနသြားေရာက္လည္ပတ္ရမယ့္ေနရာတစ္ခုဆို မမွားပါဘူး။

နာမည္နဲ႔လိုက္ဖက္စြာပဲ ဒီကြၽန္းဟာ မ်က္စိတဆုံးက်ယ္ေျပာတဲ့ ခရမ္းေရာင္လာဗင္ဒါပန္းခင္းႀကီးေတြ၊ ခရမ္းေရာင္ေခါင္းေလာင္ပုံပန္းပြင့္တဲ့ empress tree သစ္ပင္ေတြ၊ ခရမ္း‌ေရာင္ေခါင္မိုးနဲ႔အိမ္ေတြ၊ တံတားေတြနဲ႔ ခရမ္းေရာင္လမ္းေတြ စတာေတြနဲ႔ ခရမ္းေရာင္အတိၿပီးေနတဲ့ ခရမ္းေရာင္သုခဘုံတစ္ခုပဲျဖစ္ပါတယ္။

Banwol ကြၽန္းနဲ႔ Parkji ကြၽန္းတို႔ကို ခရမ္းေရာင္သစ္သားတံတားတစ္စင္းနဲ႔ဆက္သြယ္ၿပီး ခရမ္းေရာင္ကြၽန္းအျဖစ္ ဘယ္ကဘယ္လိုဖန္တီးလိုက္ၾကတယ္ဆိုတာကို ရွင္းရွင္းလင္းလင္းမသိရပါဘူး။

သို႔ေပမဲ့ South Jeolla စီရင္စု Sinan ေကာင္တီရွိ အာဏာပိုင္ေတြက ထူးထူးျခားျခားခရီးသြားဆြဲေဆာင္မႈတစ္ခု အျဖစ္ ခရမ္းေရာင္ကြၽန္းအစီအစဥ္ကို ၿပီးခဲ့တဲ့ေႏြတုန္းက ေၾကညာခဲ့ၾကပါတယ္။

သူတို႔ရဲ႕အစီအစဥ္မွာ လာဗင္ဒါပန္းပင္ ၄ ေသာင္းစိုက္ပ်ိဳးျခင္း၊ empress tree နဲ႔ အျခားခရမ္းေရာင္သစ္ပင္ေထာင္ႏွင့္ခ်ီ စိုက္ပ်ိဳးျခင္း၊ လူေနအိမ္အေဆာက္အအုံ‌၊ လမ္းေဘးေနရာ၊ လမ္းေတြကို ခရမ္းေရာင္ေဆးသုတ္ျခင္းတို႔ ပါဝင္ခဲ့ပါတယ္။

Banwol ကြၽန္းနဲ႔ Parkji ကြၽန္းတို႔ကို ဆက္သြယ္ထားတဲ့ ခရမ္းေရာင္ Cheonsa တံတား (အဓိပၸာယ္ - နတ္သားတံတား) ဟာ အထူးသျဖင့္ ညအခ်ိန္မွာ သြားေရာက္ဖို႔အသင့္ဆုံးပါပဲ။

ဟိုတယ္ခန္း၊ စားေသာက္ဆိုင္ေတြနဲ႔ သန႔္စင္ခန္းေတြကိုလည္း ခရမ္းေရာင္ေဆးသုတ္ထားတဲ့ ခရမ္းေရာင္ကြၽန္းမွာ ေဒသတြင္းကားတခ်ိဳ႕ဟာလည္း ခရမ္းေရာင္ပဲျဖစ္ပါတယ္။

ခရမ္းေရာင္ဟိုတယ္ခန္းေတြဟာ တစ္ညတည္းခိုခ ကိုရီးယားဝမ္ ၅ ေသာင္း (၄၁ ေဒၚလာ) ကေနစတယ္လို႔လည္း သိရပါတယ္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Purple Island – South Korea’s Newest Instagram-Worthy Tourist Attraction (OC)