အင်္ဂလန်နိုင်ငံ၊ ကန့်ပြည်နယ်တွင် ဧကပေါင်း ၃၄၇ ဧကကျယ်ဝန်းသော စိုက်ပျိုးရေးခြံကြီးနှင့် နေအိမ်ကြီး ပေါင် ၅ သန်းကျော်ဖြင့် အရောင်းဈေးကွက်တင်

အင်္ဂလန်နိုင်ငံ၊ ကန့်ပြည်နယ်တွင် ဧကပေါင်း ၃၄၇ ဧကကျယ်ဝန်းသော စိုက်ပျိုးရေးခြံကြီးနှင့် နေအိမ်ကြီိးု ပေါင် ၅ သန်းကျော်ဖြင့် အရောင်းဈေးကွက်တင်လာသည်။

စိုက်ပျိုးရေးခြံဝန်းကြီးမှာ ခြံဝန်း ၅ ခုအဖြစ် ပိုင်းခြားထားသော်လည်း ဈေးကွက်တင်ရာတွင် တပေါင်းတည်းဈေးကွက်တင်လာခြင်းလည်း ဖြစ်သည်။

ဈေးကွက်တင်သည့် ကုမ္ပဏီမှာ BTF Partnership မှဖြစ်ပြီး ပေါင် ၅ ဒသမ ၆၇၅ သန်း (ကန်ဒေါ်လာ ၇ ဒသမ ၂၅ သန်း) ဖြင့် ဈေးကွက်တင်လာခြင်း ဖြစ်သည်။

ယင်းခြံဝန်းကြီးကို သိုဘန်းမိသားစုက လွန်ခဲ့သည့် နှစ်ပေါင်း ၁၀၀ လုံး ပိုင်ဆိုင်ထားခဲ့ခြင်း ဖြစ်သည်။

ပြီးခဲ့သောနှစ် အောက်တိုဘာလအတွင်း ပက်ထရစ်ရှာ သိုဘန်းသည် အသက် ၉၀ အရွယ်တွင် ကွယ်လွန်သွားပြီးနောက်ပိုင်း ယခုကဲ့သို့ အရောင်းဈေးကွက်တင်လိုက်ခြင်းလည်း ဖြစ်သည်။

ယခုခြံဝန်းကြီးတွင် ပါဝင်သော ခြံဝန်းများအနက် အကျယ်ဝန်းဆုံးဖြစ်သော ခြံဝန်းမှာ ဧကပေါင်း ၁၈၃ ဧကရှိပြီး Pympne Manor ဟုအမည်ရသည့် ယာတောအိမ်ကြီး ပါဝင်သည်။

၁၅ ရာစုနှစ်ကတည်းက ဆောက်လုပ်ခဲ့သည့်စံအိမ်ကြီးဖြစ်ပြီး ၁၉၂၀ ပြည့်လွန်ကာလများတွင် ချဲ့ ထွင်မွမ်းမံခြင်းများ ပြလုပ်ခဲ့စေကာမူ မူလအခြေခံဖွဲ့စည်းပုံကိုမူ လက်ရာမပျက်ထားရှိသည်။

ဒုတိယခြံကွက်တစ်ခုမှာ ၅၂ ဧက အကျယ်အဝန်းရှိပြီး ၁၆ ရာစုအတွင်းက ဆောက်လုပ်ခဲ့သည့် အိပ်ခန်း ၄ ခန်းပါ Mount Hall အမည်ရှိ ယာတောအိမ်တစ်လုံး ပါဝင်သည်။

အဆိုပါခြံဝန်းတွင် စပါးကျီနှင့် မွေးမြူရေးအဆောက်အအုံတစ်ခုလည်း ပါဝင်ကြောင်း အရောင်းကြော်ငြာတွင် ဖော်ပြသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)