ပြည်ပ အိမ်ခြံမြေ သတင်း | Posted by ရွှေစင်ဝင်း
Zara ကို တည်ထောင်သူ အာမန်စီယို အော်တေးဂါးသည် စပိန်နိုင်ငံ၊ ဘာစီလိုနာမြို့မှ ရုံးခန်း အဆောက်အအုံကြီးတစ်ခုကို Blackstone ကုမ္ပဏီထံမှ ယူရို သန်း ၂၅၀ (ကန်ဒေါ်လာ ၂၈၃ သန်း) ဖြင့် ဝယ်ယူလိုက်ကြောင်း ထိုအရောင်းအဝယ်ကို သိရှိထားသည့် သတင်းရင်းမြစ် ၂ ခုက ပြောကြားသည်ဟု ရိုက်တာ သတင်းတစ်ရပ်တွင် ဖော်ပြသည်။
အော်တေးဂါး၏ လက်ရှိကြွယ်ဝမှုမှာ ကန်ဒေါ်လာ ၁၂၂ ဒသမ ၇ ဘီလီယံရှိပြီး ကမ္ဘာ့ဒသမမြောက် အချမ်းသာဆုံးပုဂ္ဂိုလ်ဖြစ်ကြောင်း Forbes မဂ္ဂဇင်းကြီး၏ Real-Time Billionaires List တွင် ဖော်ပြသည်။
အာမန်စီယိို အော်တေးဂါး၏ ဘဝဇာတ်ကြောင်း အပြည့်အစုံကို iMyanmarHouse.com ဝက်ဘ်ဆိုက်ကြီးတွင် ရေးသားဖော်ပြခဲ့ပြီးဖြစ်ပါသည်။ ပြန်လည်ဖတ်ရှုလိုသော လူကြီးမင်းများအနေဖြင့် အောက်ဖော်ပြပါ လင့်ခ်တွင် ဖတ်ရှုနိုင်ပါသည်။
(ဆက်စပ်သတင်း)
အပ်ချုပ်ဆိုင် အကူလုပ်သားဘဝမှ ကမ္ဘာ့ဒုတိယ အချမ်းသာဆုံးပုဂ္ဂိုလ်ဖြစ်လာသည့် ကိုယ့်ထူးကိုယ်ချွန် အိမ်ခြံမြေသူဌေးကြီး အာမန်စီယို အော်တေးဂါးအိုးနား
https://www.iMyanmarHouse.com/news/read/546549
Blackstone က ရောင်းချလိုက်သော ရုံးခန်းအဆောက်အအုံကြီးမှာ စတုရန်းမီတာ ၂၈၀၀၀ ရှိပြီး ဘာစီလိုနာမြို့၊ Avenida Dragonal လမ်းတွင် တည်ရှိကာ လက်ရှိအားဖြင့် ပုံနှိပ်ထုတ်ဝေရေး ကုမ္ပဏီတစ်ခုဖြစ်သော Planeta က ငှားရမ်းထားသည်။
အော်တေးဂါး၏ ရင်းနှီးမြှုပ်နှံမှု ကုမ္ပဏီခွဲဖြစ်သော Pontegadea က ဝယ်ယူလိုက်ခြင်းဖြစ်ကြောင်း သတင်းရင်းမြစ်တို့က ရိုက်တာကို ပြောသည်။
ယခုအရောင်းအဝယ်သတင်းနှင့် စပ်လျဉ်းပြီး Blackstone နှင့် Pontegadea တို့က ရိုက်တာကို မှတ်ချက် တစုံတရာ မပေးခဲ့ချေ။
Pontegadea သည် ဥရောပနှင့် မြောက်အမေရိကတို့ရှိ ရုံးခန်း တာဝါများနှင့် luxury အဆောက်အအုံများစွာတွင် ရင်းနှီးမြှုပ်နှံမှုများ ပြုလုပ်ထားပြီး စုစုပေါင်း ကန်ဒေါ်လာ ၂၀ ဘီလီယံဖိုးရှိ အိမ်ခြံမြေများ ပိုင်ဆိုင်ထားသည်။
ထို့အပြင် စွမ်းအင်နှင့် logistic ကဏ္ဍတို့တွင်လည်း ရင်းနှီးမြှုပ်နှံမှုများ ပြုလုပ်ထားသည်။ Zara ၏ မိခင်ကုမ္ပဏီဖြစ်သော Inditex တွင် အော်တေးဂါးက ရှယ်ယာ ၅၉ ဒသမ ၂၉ ရာခိုင်နှုန်း ပိုင်ဆိုင်ထားသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Zara founder Ortega buys Barcelona office building for $283 million, sources say
