မြန်မာနိုင်ငံ၏ စီးပွားရေးဖွံ့ဖြိုးရန် ဗြိတိန်အစိုးရက ကန်ဒေါ်လာသန်း ၂၀၀ ကူညီပေးမည်ဟုဆို

မြန်မာနိုင်ငံ၏ စီးပွား ရေးဖွံ့ဖြိုးတိုးတက်မှုအတွက် လို အပ်သည့် လုပ်ငန်းများဆောင် ရွက်ရန် ဗြိတိန်အစိုးရက ကန်ဒေါ်လာ သန်း ၂၀၀ ကူညီမည်ဟု မြန်မာနိုင်ငံဆိုင်ရာ ဗြိတိန်သံအမတ်ကြီး Mr. Dan Chugg က ပြောသည်။

ဗြိတိန်နှင့် မြန်မာနိုင်ငံကြား ရင်းနှီးမြုပ်နှံမှုနှင့် ကူးသန်းရောင်း ၀ယ်ရေးလုပ်ငန်းများ ပိုမိုတိုးတက်လာစေရန်နှင့် မြန်မာနိုင်ငံ၏ စီးပွားရေး ဖွံ့ဖြိုးတိုးတက်ရန် ကူညီမည်ဟု သံအမတ်ကြီးက ပြောသည်။

ဇူလိုင် ၁၆ ရက်က မန္တလေး တိုင်း ကုန်သည်များနှင့် စက်မှု လက်မှုလုပ်ငန်းရှင်များအသင်း (MRCCI) အသင်းဝင်များနှင့် မန္တလေးမြို့၌ တွေ့ဆုံရာတွင် ၎င်း က အထက်ပါအတိုင်း ပြောသည်။‘‘အခု ၂၀၁၈ ကနေစပြီး တော့ စီးပွားရေးဖွံ့ဖြိုးတိုးတက်မှု အတွက် သူတို့လုပ်မယ့် လုပ်ငန်း စဉ်အားလုံးမှာ အဲဒီငွေကြေးကို အသုံးပြုပြီး ကူညီပေးသွားမှာ ဖြစ် ပါတယ်။ တချို့ပရောဂျက်တွေဆို ရင် စတောင်စနေပြီလို့ သိရပါ တယ်’’ဟု ဗြိတိန်သံအမတ်နှင့် တွေ့ဆုံရာတွင်
ပါဝင်သည့် MRCCI တွဲဖက်အထွေထွေအတွင်းရေးမှူး ဦးဥက္ကာကျော်က ပြောသည်။

ဂျပန်နိုင်ငံပြီးလျှင် ဗြိတိန် နိုင်ငံသည် မြန်မာနိုင်ငံကို ဒုတိယအများဆုံး အကူအညီပေးနေ သည့် နိုင်ငံဖြစ်သည်။

ဗြိတိန်သံအမတ်ကြီးအနေ ဖြင့် MRCCI နှင့် ပူးပေါင်းကာ လာ မည့်စက်တင်ဘာတွင် မန္တလေး မြို့၌ ဗြိတိန်နှင့် မြန်မာနှစ်နိုင်ငံ စီးပွားရေးလုပ်ငန်းရှင်များ တွေ့ ဆုံဆွေးနွေးပွဲကျင်းပနိုင်ရန် စီစဉ်နေပြီး ယင်းတွေ့ဆုံပွဲမှတစ်ဆင့် မန္တလေးတိုင်းအတွင်း ဗြိတိန်နိုင်ငံ၏ ရင်းနှီးမြှုပ်နှံမှုလုပ်ငန်းများတိုးချဲ့နိုင်ရန် ရည်မှန်းထားကြောင်း ၎င်းက ဆက်လက်ပြောကြားသည်။

Credit: 7Daydaily