ပြင်သစ်နိုင်ငံတွင် ဆောက်လုပ်ရေးလုပ်ငန်းခွင်တစ်ခု၌ ဂရက်ဖိုက်သိုက်ကြီး ရှာဖွေတွေ့ရှိခဲ့သော ဆောက်လုပ်ရေးလုပ်သားများ ဆုကြေးငွေ ဒေါ်လာ သောင်းချီ ရရှိကြ

ပြင်သစ်နိုင်ငံတွင် ဆောက်လုပ်ရေးလုပ်ငန်းခွင်တစ်ခု၌ တန်ဖိုးရှိသော တွင်းထွက်ပစ္စည်းသိုက်ကြီးတစ်ခု ရှာဖွေတွေ့ရှိခဲ့သည့် ဆောက်လုပ်ရေးလုပ်သားများမှာ ဆုငွေများစွာ ရရှိသွားကြသည်။

၎င်းတို့ တွေ့ရှိခဲ့သည်မှာ တန်ချိန်သန်းပေါင်းများစွာရှိသော ဂရက်ဖိုက်သိုက်ကြီးဖြစ်ပြီး ဥရောပ၏ အကြီးမားဆုံး ဂရက်ဖိုက်သိုက်ကြီးများတွင် တစ်ခုအပါအဝင် ဖြစ်သည်ဟု ဆိုသည်။

(မှတ်ချက်။ ဂရက်ဖိုက်မှာ ခဲတံအပြင် ဘက်ထရီများတွင် အဓိက အသုံးပြုကြသည်။ ဂရက်ဖိုက်ကို အမငုတ်အဖြစ် အသုံးပြုပြီး အားသွင်းချိန်တွင် လီသီယမ်အိုင်းယွန်းများကို သိုလှောင်ပေးသည်။ လီသီယမ်ကို အဖိုငုတ်အဖြစ် သုံးကြသည်)

သဘာဝတွင်းထွက်သိုက်ကြီးတစ်ခု တွေ့ရှိပြီဆိုသည်နှင့် အစဉ်အလာမပျက်ပင် သဘာဝပတ်ဝန်းကျင် ထိန်းသိမ်းရေးသမားတို့နှင့် တွင်းထွက်ပစ္စည်းထုတ်ယူလိုသူတို့ကြား အငြင်းအခုံ ပေါ်ပေါက်လာသည်။

သင်သည် ထုံးစံအတိုင်း အလုပ်သို့သွားခဲ့ပြီး ရုတ်တရက် သင့်ဘဝပြောင်းလဲသွားစေမည့်ဖြစ်ရပ် လုပ်ငန်းခွင်တွင် ပေါ်ပေါက်လာသည်ဟု တွေးဆကြည့်ပါ။ ဝတ္ထုဇာတ်လမ်းတစ်ပုဒ်သဖွယ်ပင်။

(ပုန်းကွယ်နေတဲ့ ရတနာသိုက်))

ပြင်သစ်နိုင်ငံတောင်ပိုင်းရှိ ဆောက်လုပ်ရေးလုပ်သားများ တွေ့ရှိခဲ့သော ဂရက်ဖိုက်သည် ကမ္ဘာပေါ်တွင် အပူဒဏ်ကို အခံနိုင်ဆုံး တွင်းထွက်ပစ္စည်းများတွင် တစ်ခုအပါအဝင်ဖြစ်ပြီး လျှပ်ကူးပစ္စည်းလည်း ဖြစ်သည်။

လျှပ်စစ်ကားများနှင့် လျှပ်စစ်ပစ္စည်းများတွင် အသုံးပြုသော လီသီယမ်အိုင်းယွန်းဘက်ထရီကဲ့သို့ နည်းပညာ ထုတ်ကုန်များတွင် အသုံးပြုသည့် ပစ္စည်းဖြစ်သောကြောင့် ဂရက်ဖိုက်မှာ အလွန်တန်ဖိုးရှိသည်။

ထို့ကြောင့် ဂရက်ဖိုက်မှာ ဝယ်လိုအား အလွန်ကြီးမားသည်ကို မှန်းဆနိုင်သည်။

((ဂရက်ဖိုက်သိုက်ကြီး ရှာတွေ့ခဲ့တဲ့ ဆောက်လုပ်ရေးလုပ်သားတွေ အကျိုးကျေးဇူးခံစားရလား))

ဆောက်လုပ်ရေးလုပ်သားများကို ၎င်းတို့၏ ကုမ္ပဏီက ဆုချီးမြှင့်ခဲ့ရာ လုပ်သားတစ်ဦးလျှင် ဒေါ်လာ ၁၅၄၀၀ တန် ချက်လက်မှတ်တစ်စောင်စီ ရခဲ့ကြသည်။

ထိုငွေမှာ လုပ်သားများအတွက် တစုံတရာ အတိုင်းအတာအထိ ထိရောက်သော အထောက်အကူ ရစေမည့် ပမာဏ ဖြစ်သည်။

ထိုသို့ ဆုငွေရခဲ့မှုအပေါ် ဆောက်လုပ်ရေးလုပ်သားတို့မှာ များစွာ အံ့အားသင့်ခဲ့ကြသည်။ အများအားဖြင့် ထိုအလုပ်မျိုးတွင် လုပ်သားတို့မှာ မည်သည့်ဆုကြေးငွေမျိုးမှ ရလေ့မရှိကြ။

((ဒေသတွင်း စီးပွားရေးအတွက် ဂရက်ဖိုက်၏ အကျိုးသက်ရောက်မှု))

ယခုအခါ ထိုဒေသမှာ ဂရက်ဖိုက်ပေါကြွယ်ဝသော ဒေသဖြစ်ကြောင်း လူအများသိရှိသွားကြပြီး တူးဖော် ထုတ်လုပ်လိုသည့် ကုမ္ပဏီများစွာ ရှိလာနေသည်။

အဆိုပါဒေသရှိ ဂရက်ဖိုက်သိုက်ကြီးကို နှစ်ပေါင်း ၅၀ ကျော် တူးဖော်ရလိမ့်မည်ဟု ခန့်မှန်းထားရာ ဒေသခံတို့အတွက် နှစ်ပေါင်းများစွာ အလုပ်အကိုင်နေရာများ ပေါ်ပေါက်လာတော့မည် ဖြစ်သည်။

ထို့ကြောင့် ဒေသအာဏာပိုင်တို့က အခြေခံအဆောက်အအုံများ တိုးတက်လာစေရန် စတင်ပြင်ဆင်နေကြပြီဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Construction workers find hidden treasure on a construction site and receive thousands of dollars in rewards (unionrayo)