အိပ်မက်အရ ထီထိုးသောအမျိုးသား ဒေါ်လာ ၁ သန်း ကံထူး

အမေရိကန်ပြည်၊ မြောက် ကာရိုလိုင်းနားပြည်နယ်မှ အမျိုးသားတစ်ဦးသည် အိပ်မက်အတိုင်း လုပ်ဆောင်ခဲ့ရာ အမှန်တကယ်ဖြစ်လာခဲ့သည်။

ရစ်ကီ နန်နရီ ဂျူနီယာ (Ricky Nunnery Jr.) အမည်ရှိ အမျိုးသားသည် မြောက်ကာရိုလိုင်းနားတွင် စတင်ဖွင့်လှစ်သည့် ထီသစ်တွင် ပထမဆုံး ဒေါ်လာ ၁ သန်း ကံထူးသူဖြစ်ကြောင်း ထီဌာန၏ သတင်းထုတ်ပြန်ချက်၌ ဖော်ပြသည်။

ရစ်ကီက ပြောသည်မှာ ထီထိုးပါက ထီဆုကြီးပေါက်လိမ့်မည်ဟု အိပ်မက်ထဲတွင် တစုံတဦးက ပြောလာသည်ဟု ဆိုသည်။

အိပ်မက်ထဲမှပုဂ္ဂိုလ်၏ ပြောဆိုမှုကို လိုက်နာသည့်အနေဖြင့် ရစ်ကီက ဒေသတွင်းရှိ Wink Mart ဟူသော ဓာတ်ဆီဆိုင်သို့သွားကာ ၁ဝ ဒေါ်လာတန် ထီလက်မှတ် ဝယ်ယူခဲ့သည်။

(အိပ်မက်အရ ထီထိုးခဲ့သော အမျိုးသားမှာ အိပ်မက်အတိုင်း တကယ်ဖြစ်လာသည်။ ဓာတ်ပုံ-Getty)

(မြောက်ကာရိုလိုင်းနားပြည်နယ်နေ ရစ်ကီ နန်နရီ ဂျူနီယာသည် အိပ်မက်အတိုင်း ကံစမ်းခဲ့ရာမှ ကံထူးသွားသည်။ ဓာတ်ပုံ-Getty)

“ထီထိုးဖို့ အိပ်မက်ထဲမှာ လူတစ်ယောက်က လာပြောပါတယ်” ဟု ရစ်ကီက ထီရုံးအရာရှိများကို ပြောပြသည်။

ရစ်ကီသည် ဆုငွေထုတ်ရန် ပြီးခဲ့သော ရက်သတ္တပတ်က ထီရုံးချုပ်သို့ ရောက်ရှိခဲ့ပြီး တလုံးတခဲတည်း ထုတ်ယူရန် ရွေးချယ်ခဲ့ရာ ဒေါ်လာ ၆၀၀၀၀၀ ရရှိမည်ဖြစ်သည်။

အခြားရွေးချယ်စရာအနေဖြင့် တစ်နှစ်လျှင် ဒေါ်လာ ၅၀,၀၀၀ နှုန်းဖြင့် နှစ်ပေါင်း ၂၀ ထုတ်ယူရန်လည်း ရွေးချယ်နိုင်သည်။

မြောက်ကာရိုလိုင်းနားပြည်နယ်၊ Lee ခရိုင်၊ Sanford မြို့တွင် နေထိုင်သူ ရစ်ကီသည် အဆိုပါထီသစ်၏ ပထမဆုံး ဆုကြီး ကံထူးသူလည်း ဖြစ်သည်။

ရစ်ကီသည် ပြည်နယ်အစိုးရနှင့် ပြည်ထောင်စုအစိုးရတို့ကို အခွန်ဆောင်ပြီးလျှင် ဒေါ်လာ ၄၃၀၅၀၃ အသားတင် ရရှိခဲ့သည်။

ရစ်ကီက ကံထူးလာသောငွေဖြင့် ရင်းနှီးမြှုပ်နှံမှုများပြုလုပ်ခြင်းအပြင် အထွေထွေအသုံးစရိတ်များအတွက် သုံးစွဲသွားမည်ဖြစ်ကြောင်း ပြောသည်။

မြောက်ကာရိုလိုင်းနားပြည်နယ်တွင် အမြင့်ဆုံး ဒေါ်လာ ၁ သန်း ဆုချီးမြှင့်သည့် Triple Play ထီကို ယခုနှစ် ဇွန်လတွင် ပထမအကြိမ် စတင်ဖွင့်လှစ်ခဲ့ခြင်း ဖြစ်သည်။

ပထမအကြိမ် ဖွင့်လှစ်သည့်ထီတွင် အခြားသော ဒေါ်လာ ၁ သန်းဆု ၄ ဆုရှိနေသေးသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Man Wins $1M Lottery Prize After Having a Lucky Dream. Here’s How Much He Actually Took Home (the sun)