ဟိုတယ်ခန်း ကြမ်းပြင်ပေါ် ဘောင်းဘီချွတ်ကာ အီးပါချခဲ့ပြီး လက်ဖြင့်ကိုင်ကာ နံရံတွင် လိုက်သုတ်ခဲ့သော အရွတ်တကာ့ထိပ်ခေါင် ရော့ခ်သူရဲကောင်းကြီး အော်ဇီ အော့စဘွန်း ကွယ်လွန်ရှာ

ရော့ခ်ဂီတသမိုင်းတွင် ရှေ့ဆုံးတန်းမှ ရှိနေသူများတွင် ပါဝင်သော အော်ဇီ အော့စ်ဘွန်း (မွေး-၁၉၄၈) သည် ဇူလိုင် ၂၂ ရက်က အင်္ဂလန်နိုင်ငံ၊ ဘက်ကင်ဟမ်ရှိုင်းယားရှိ သူ၏နေအိမ်တွင် ကွယ်လွန်သွားခဲ့ပြီး ကွယ်လွန်ချိန်တွင် အသက် ၇၆ နှစ်ရှိပြီဖြစ်သည်။

ဟဲဗီးမက်တယ်အဖွဲ့ကြီး Black Sabbath နှင့်အတူ တေးအယ်လ်ဘမ် ၃ ခု ထုတ်လုပ်ခဲ့ပြီးနောက် solo အဖြစ် ဖြတ်သန်းခဲ့သည်။ Solo အဖြစ် တေးအယ်လ်ဘမ် ၁၃ ခု ထုတ်လုပ်ခဲ့ပြီး ထိုသို့ဖြတ်သန်းချိန်မှ ပိုမိုအောင်မြင်လာသည်ဟု ဆိုရမည်။

အော်ဇီအော့စ်ဘွန်းကို Black Sabbath အဖွဲ့ကြီး၏ အဆိုတော်အဖြစ် ၁၉၇၀ ပြည့်နှစ်က တွေ့ရပုံ

ကမ္ဘာတဝန်းတွင် အော်ဇီအော့ဘွန်း၏ တေးအယ်လ်ဘမ်ချပ်ရေ သန်း ၁၀၀ ကျော် ရောင်းချထားရသည်။

Black Sabbath ၏ ဂစ်တာသမား တိုနီ အိုင်အိုမီနှင့် အော်ဇီအော့စ်ဘွန်းတို့ ၁၉၇၈ ခုနှစ်က လန်ဒန်မြို့တွင် ဖျော်ဖြေခဲ့ကြပုံ

((ပုရွတ်ဆိတ်၊ ချီး၊ သေးများနှင့် အော်ဂလီဆန်စရာ အလုပ်နိုင်ဆုံးသူ ပြိုင်ပွဲကြီး))

ရော့ခ်ဂီတ ရွှေခေတ်ဟုဆိုနိုင်သော ၁၉၈၀ ပြည့်လွန်ကာလများတွင် ဂန္ထဝင်ကြယ်ပွင့်ကြီးများ၏ အသောက်အစား အပျော်အပါးတို့ကြားမှ ထူးထူးဆန်းဆန်းဖြစ်ရပ်များလည်း ရှိခဲ့သည်။

၁၉၈၄ ခုနှစ်အတွင်း အော်ဇီ အော့စ်ဘွန်းနှင့် Mötley Crüe တို့ ပူးပေါင်းကာ ဂီတဖျော်ဖြေပွဲ ခရီးစဉ် ထွက်ခဲ့ချိန်အတွင်း ထူးဆန်းအံ့သြဖွယ် ဖြစ်ရပ်ပေါ်ပေါက်ခဲ့ဖူးသည်။

အော်ဇီအော့စ်ဘွန်းနှင့် Motley Crue တို့ ပူးပေါင်းကာ ဂီတဖျော်ဖြေပွဲ ထွက်ခဲ့စဉ်က။

အဆိုပါ အဖြစ်အပျက်ကို Mötley Crüe ၏ ဒရမ်သမားဖြစ်သူ တွမ်မီလီ (Tommy Lee) က အင်တာဗျူးတစ်ခုတွင် ပြောပြခဲ့ခြင်းဖြစ်သည်။

အော်ဇီနှင့် Mötley Crüe တို့သည် အတူဖျော်ဖြေကြသည့်အပြင် Luxury ဟိုတယ်များတွင်လည်း အတူတကွ တည်းခိုခဲ့ကြခြင်းဖြစ်ရာ ဒါးလက်စ်မြို့မှ Four Seasons ဟိုတယ်လည်း အပါအဝင် ဖြစ်သည်။

Drummer တွမ်မီလီ ပြောပြချက်အရ အော်ဇီနှင့် Mötley Crüe အဖွဲ့သားများအကြား မည်သူက အော်ဂလီဆန်စရာ အကောင်းဆုံး လုပ်နိုင်မလဲဟူသော ထူးဆန်းသည့် ပြိုင်ပွဲတစ်ခု လုပ်ခဲ့ကြသည်ဟု ဆိုသည်။

((ပွဲစဉ် ၁= အော်ဇီက ပုရွက်ဆိတ်များ ရှူသွင်းခြင်း))

ထိုအခါ အလွန် “မူးပြဲကွဲ” နေပြီဖြစ်သော အော်ဇီက မြေကြီးပေါ်တွင် ကလေးတစ်ဦးချထားခဲ့သည့် ရေခဲချောင်းတစ်ခုဆီသို့ ပုရွက်ဆိတ်များ အတန်းလိုက်လာနေသည်ကို သတိပြုလိုက်မိသည်။

Hollywood Walk of Fame တွင် ဖော်ပြခံရချိန်က အော်ဇီအော့စ်ဘွန်းကို မိသားစုနှင့်အတူ တွေ့ရပုံ

အော်ဇီက ချက်ချင်းပင် လေးဘက်ထောက်လိုက်ပြီး ကိုကင်းရှူသကဲ့သို့ ပုရွက်ဆိတ် အတန်းလိုက်ကို နှာခေါင်းထဲသို့ ရှူသွင်းတော့သည်။

Mötley Crüe ၏ ဘေ့စ်ဂစ်တာသမား Nikki Sixx က အော်ဇီကဲ့သို့ လိုက်လုပ်ရန် ငြင်းခဲ့သည်။

အော်ဇီအော့စ်ဘွန်းနှင့် ဇနီးဖြစ်သူ ရှာရွန်

ပုရွက်ဆိတ် မရှူရဲသောကြောင့် အစားထိုးသည့်အနေဖြင့် ၎င်းလုပ်ဆောင်ပြခဲ့သည်မှာ ဟိုတယ် ရေကူးကန်ထဲတွင် ဘောင်းဘီချွတ်ပြခဲ့သည်။

ထိုအချိန်တွင် မိသားစုအားလုံးနှင့် ကလေးများ အစုံအလင်ရှိနေကြသည်။

ထို့အပြင် ပုရွက်ဆိတ်အတန်းလိုက်ကို နှာခေါင်းထဲ ရှူသွင်းပြထားနိုင်သူ အော်ဇီကို အနိုင်ယူရန်အတွက် မြေပေါ်တွင် သေးပေါက်ချကာ လျှာဖြင့်လျက်ရန် စီစဉ်ခဲ့သည်။

သို့သော် Nikki ထက် အော်ဇီက လက်သွက်သည်။

အော်ဇီက လေးဘက်ထောက်ကာ သေးများကို လျှာဖြင့်လျက်လိုက်ပြီး ပြိုင်ပွဲတွင် မိမိနိုင်ကြောင်း ကြေညာလေသည်။

((ပွဲစဉ် ၂။ အော်ဇီတစ်ယောက် ပိုကြမ်းပြီ))

ထိုနေ့က ညပိုင်းသို့ရောက်ချိန်တွင် အော်ဇီမှာ မဟန်နိုင်အောင် အမူးလွန်နေပြီ ဖြစ်၏။ တွမ်မီလီက အော်ဇီကို တွဲကာ ဟိုတယ်ခန်းထဲသို့ ပြန်ပို့ပေးရသည်။

ဓာတ်လှေကားထဲမှာ ဖြစ်ပုံ= အော်ဇီ၏ အခန်းသို့သွားရန် ဓာတ်လှေကားထဲသို့ ရောက်ချိန်တွင် ဓာတ်လှေကားထဲ၌ အခြားသူ အများအပြားလည်းရှိနေသည်။ အော်ဇီက လူပုံအလယ်တွင် ဘောင်းဘီချွတ်ချလိုက်ကာ ဓာတ်လှေကားထဲ အီးထိုင်ပါရန် ဟန်ပြင်တော့သည်။

“အော်ဇီ..ဘဲကြီး။ မလုပ်နဲ့ဟ။ လခွမ်း။ ဘဲကြီး…မလုပ်ပါနဲ့” ဟုဆိုကာ တွမ်မီလီက ဘောင်းဘီပြန်ဆွဲတင်ပေးကာ အတင်း တားထားရသည်။

((ဟိုတယ်ခန်းထဲမှာ ပြိုင်ဘက်ကင်း ပုဂ္ဂိုလ်ဖြစ်သွား))

အော်ဇီသည် ၎င်း၏ ဟိုတယ်ခန်းထဲသို့ ရောက်ချိန်တွင် ကြမ်းပြင်ပေါ် ဆောင့်ကြောင့်ထိုင်ကာ မစင်စွန့်တော့သည်။

ထို့နောက် မစင်များကို လက်ဖြင့်ကိုင်ပြီး နံရံတွင် သင်္ဘောဆေးသုတ်သည့်သဖွယ် လိုက်သုတ်နေရာ တွမ်မီလီလည်း အံ့သြရွံရှာစိတ်ဖြင့် “ဘဲကြီးရေ ကျုပ်တော့ လစ်ပြီ” ဟုဆိုကာ အော်ဇီ၏ အခန်းထဲမှ ထွက်ပြေးသွားခဲ့သည်။

သီဆိုခဲ့သော တေးအယ်လ်ဘမ်များ

ထိုညက အော်ဂလီဆန်စရာ အလုပ်နိုင်ဆုံးသူအဖြစ် အော်ဇီမှာ ပြိုင်ဘက်ကင်းသွားသည်။

((အော်ဇီရဲ့ ဇနီး ရှယ်ရွန် အော့စ်ဘွန်းက ဘာပြောလဲ))

ထိုညက မိမိရှိမနေခဲ့သည်မှာ ဘုရားမ,ခြင်းဖြစ်ကြောင်း၊ ထိုသို့ ဖြစ်ပျက်ခဲ့မှုများကို မိမိ မသိကြောင်း ရှယ်ရွန်က ပြောသည်။

(မြန်မာနိုင်ငံတွင် ပြန်လည်သီဆိုမှုများ)

မြန်မာနိုင်ငံတွင် အော့ဇီ အော့စ်ဘွန်းမှာ လူကြိုက်များပြီး ၎င်း၏တေးသီချင်းများကိုလည်း မြန်မာအဆိုတော်များ က ပြန်လည်သီဆိုမှုများ ရှိသည်။ အချို့ကို ဖော်ပြရလျှင်….

((အငဲ၏ ပြန်လည်သီဆိုမှုများ))

Old L.A Tonight -ပြန်ဆုံကြဖို့ / Mama I'm coming home- အစွန့်ပစ်ခံ/ Facing Hell -အသိစိတ်မဲ့ရေစီး

((လေးဖြူ၏ ပြန်လည်သီဆိုမှုများ))

Fire in the sky -စုန်းမ/ You're no different -အလွမ်းရဲ့နတ်သမီး/ Perry Mason -တို့ပြန်တွေ့မယ့်အချိန်/ I just want you လတစ်စင်းလိုချစ်တယ် ရာစုသစ်စီးရီး

((ဇော်ဝင်းထွဋ်၏ ပြန်လည်သီဆိုမှုများ))

Shot in the dark -နယူတန်ရဲ့တရား/ Ultimate Sin -ပထမဆု/ Goodbye to romance - ပုံရိပ်များ/ Paranoid -မောဟများနဲ့လူ

((ဆက်စပ်သတင်း))

ရော့ခ်ဘိုးအေကြီး အော့ဇီ အော့စ်ဘွန်း၏ စံအိမ်များ

https://www.imyanmarhouse.com/news/read/1005235

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: "He just starts sh***ing in the middle of the room...then bends down, picks it up and starts painting the walls": Tommy Lee on the outrageous prank Ozzy Osbourne pulled next after he snorted ants whilst on tour with Motley Crue