အမေရိကန်ဒေါ်လာ နှစ်ဘီလီယံခွဲ ရင်းနှီးမြှုပ်နှံမည့် ရန်ကုန်ဘူတာကြီးစီမံကိန်း ရှစ်နှစ်အတွင်း အပြီးဆောင်ရွက်မည် အလုပ်အကိုင်ပေါင်း တစ်သိန်းခန့် ဖန်တီးပေးနိုင်မည်ဟု ကုမ္ပဏီထုတ်ပြန်

21 Feb 2018 10:12 am တွင် တင်ခဲ့သည်

7290 ကြိမ် ကြည့်ရှု့ပြီး

ပြည်တွင်း အိမ်ခြံမြေ သတင်း | Posted by ရွှေစင်ဝင်း

ရန်ကုန်ဘူတာကြီးဘက် စုံဖွံ့ဖြိုးရေးစီမံကိန်းဆောင်ရွက်ရန် တင်ဒါအောင်မြင်ထားသည့် ကုမ္ပဏီနှင့် ညှိနှိုင်းမှုများ ပြီးပြတ်ပါက တည်ဆောက်ရေးလုပ်ငန်း များကို ရှစ်နှစ်အတွင်း အပြီးဆောင်ရွက်နိုင်မည်ဖြစ်ကြောင်း မြန်မာ့မီးရထား အောက်မြန်မာ ပြည် အထွေထွေမန်နေဂျာ ဦးထွန်းအောင်သင်းက ပြောသည်။

လက်ရှိတွင် အဆိုပါစီမံ ကိန်း အကောင်အထည်ဖော်ရန် Central Transport Develop-ment Consortium (CTDC)ကုမ္ပဏီကို ကနဦးရွေးချယ်ထား သော်လည်း ဆက်လက်ညှိနှိုင်းရန် ကျန်နေသေးသဖြင့် လုပ်ကိုင်ခွင့်ရရှိပြီဟု ယူဆ၍ မရသေးကြောင်း၎င်းက ဖေဖော်ဝါရီ ၂၀ ရက်၌ ပြုလုပ်သည့် ရန်ကုန်မြို့ပတ်ရထားလမ်းပိုင်း အဆင့်မြှင့်တင်ရေး သတင်းစာရှင်းလင်းပွဲတွင် ပြောကြားခဲ့သည်။

‘‘နိုင်ငံတော်အဆင့် စီမံကိန်း ကြီးဖြစ်နေတာကြောင့် ကျွန်တော် တို့ဘက်က ထပ်ပြီးညှိနှိုင်းတောင်း ဆိုရမှာတွေ ရှိသေးတယ်။ ညှိနှိုင်းမှုတွေ အဆင်ပြေပြီဆိုရင်တော့ နှစ်ဖက် သဘောတူစာချုပ်ချုပ်မယ်။ ပြီးရင် စီမံကိန်းစလုပ်မယ် ပေါ့။ ညှိနှိုင်းမှုက အဆင်မပြေဘူး ဆိုရင် ရွေးချယ်ရေးလုပ်ငန်းစဉ်ဖျက်ပြီး တင်ဒါပြန်ခေါ်သင့်ရင် ပြန်ခေါ်မယ်’’ဟု ဦးထွန်းအောင်သင်းက ပြောသည်။

ကုမ္ပဏီဘက်က တင်ပြထားသည့် အဆိုပြုလွှာနှင့်လူတွေ့စစ်ဆေးဖြေကြားချက်များအရ အ ကောင်အထည်ဖော်မည့်လုပ်ငန်းစဉ်များသည် မြန်မာ့မီးရထားက မျှော်မှန်းထားသည့်အတိုင်း အားရစရာကောင်းကြောင်း ၎င်းက ဆိုသည်။

ပုလဲကွန်ဒိုအရောင်း

8,500 သိန်း (ကျပ်)

ဗဟန်း | ရန်ကုန်တိုင်းဒေသကြီး

ရန်ကုန်မြို့ရှိ ‌ဈေးတန်၍နေရာကောင်းသော မြို့နယ်စုံများတွင် ရင်းနှီးမြုပ်နှံရန်(သို့မဟုတ်)နေထိုင်ရန် ရ

35,000 သိန်း (ကျပ်)

ကမာရွတ် | ရန်ကုန်တိုင်းဒေသကြီး

မရမ်းကုန်းမြို့နယ် ၊ 7 Mile Condo ရောင်းမည်။

7,600 သိန်း (ကျပ်)

မရမ်းကုန်း | ရန်ကုန်တိုင်းဒေသကြီး

အဆိုပါ စီမံကိန်းမှ ပြည် တွင်းအလုပ်အကိုင် တစ်သိန်းခန့် ဖန်တီးပေးနိုင်မည်ဖြစ်ကြောင်း CTDC က ထုတ်ပြန်ထားသည်။

CTCD သည် ရန်ကုန်ဘူတာ ကြီး ဧရိယာအတွင်း မြန်မာ့မီးရထားပိုင်မြေ ၆၃ ဧကပေါ်တွင် ကန်ဒေါ်လာ ၂ ဒသမ ၅ ဘီလီယံခန့် အကုန်ကျခံကာ ရထားနှင့်အများသုံး သယ်ယူပို့ဆောင်ရေး စနစ်များ ပေါင်းစည်းထားသည့် ပို့ဆောင်ရေး ဗဟိုဌာနသစ်တစ်ခု အပါအဝင် အိမ်ရာနှင့် စီးပွားရေးလုပ်ငန်းများအတွက် နေရာများ တည်ဆောက်မည်ဖြစ်သည်။

ယခုစီမံကိန်းမှာ မီးရထားနှင့် သယ်ယူပို့ဆောင်ရေးလုပ်ငန်း၊ အခြားသော အများပြည်သူအသုံး ပြုနိုင်မည့် ဆက်သွယ်ရေးနည်း လမ်းပေါင်းစုံစုဝေးရာ ပို့ဆောင် ရေး အချက်အချာနေရာတစ်ခုဖြစ် လာမည့်အပြင် ဒီဇိုင်းအားဖြင့် ရှေးမူလက်ရာ ရန်ကုန်ဘူတာကြီး ဟောင်းနှင့် ခေတ်သစ်လက်ရာ ဘူတာရုံအသစ်ကို အချိုးကျနစွာ ပေါင်းစပ်ဖွဲ့စည်းထားရှိမည်ဖြစ် ကြောင်း ကုမ္ပဏီဘက်က ထုတ် ပြန်ထားသည်။ အများပြည်သူ တန်ဖိုးထားသည့် ၁၉၅၄ က တည်ဆောက်ခဲ့သည်။ လက်ရှိ ရန်ကုန် ဘူတာကြီး အဆောက်အအုံကို လည်း ရှေးမူမပျက် ထိန်းသိမ်း သွားမည်ဖြစ်ပြီး ၂၁ ရာစု၏ နောက်ဆုံးပေါ်လက်ရာတစ်ခုအဖြစ် အ ထင်ကရဖြစ်လာမည့် ဗိသုကာ အခေါ် 'Rotunda' ဟုခေါ်သည့် ဘဲဥပုံသဏ္ဌာန် အမိုးခုံးနှင့် ဘူတာရုံ အသစ်တို့ကိုလည်း မီးရထားလမ်းပေါ်တွင် အုပ်မိုး၍ ထပ်မံဆောက်လုပ်မည် ဖြစ်ရာ အဟောင်းနှင့်အသစ် တစ် ခုနှင့်တစ်ခု ချိတ်ဆက်အသုံးပြုနိုင် မည့် ထူးခြားလှပသည့် အဆောက်အအုံတစ်ခု ဖြစ်လာမည်ဖြစ် ကြောင်း ထုတ်ပြန်ချက်တွင် ပါရှိ သည်။

ယခု ဘက်စုံစီမံကိန်း (mix-use development) တစ်ခုလုံး တွင် ကြမ်းခင်းဧရိယာ စတုရန်းမီ တာ ၁ ဒသမ ၀၉ သန်း ကျယ်ဝန်း မည်ဖြစ်ပြီး ဇုန်ခြောက်ခုပါဝင် မည်ဖြစ်သည်။ ထိုဇုန်များတွင် အထင်ကရ ညီနောင်တာဝါရုံးခန်း အဆောက်အအုံများ၊ အိမ်ရာ များ၊ ဟိုတယ်များနှင့် ဝန်ဆောင် မှုပါ တိုက်ခန်းများ ပန်းခြံနှင့် ပြတိုက်တို့ ပါဝင်မည်ဖြစ်ပြီး တည်ဆောက်မှုအတွက် ခန့်မှန်းကြာ မြင့်ချိန် ရှစ်နှစ်ဖြစ်ကြောင်း ကုမ္ပဏီဘက်က ခန့်မှန်းသည်။

မြန်မာ့မီးရထားပိုင်မြေကို တစ်ဧကလျှင် ကန်ဒေါ်လာ သုံး သန်းဖြင့် နှစ် ၅၀ ငှားရမ်းလုပ်ကိုင် ခွင့်ပြုခဲ့ကြောင်း ဦးထွန်းအောင် သင်းက ပြောသည်။

မြန်မာ့မီးရထားသည် အဆိုပါစီမံကိန်းကို အကောင်အထည်ဖော်ရန် ၂၀၁၄ ကတည်းက ပြည် တွင်း၊ ပြည်ပကုမ္ပဏီများကို ဖိတ်ခေါ်ခဲ့ပြီး ပထမအကြိမ် တင်ဒါ ခေါ်စဉ်က လိုအပ်ချက်များရှိခဲ့၍ တင်ဒါလုပ်ငန်းစဉ် ဖျက်သိမ်းခဲ့ သည်။

ထို့နောက် ၂၀၁၅ တွင် ဒုတိ ယအကြိမ် EOI ခေါ်ယူခဲ့ရာ တင် သွင်းလျှောက်ထားသည့် ကုမ္ပဏီ အဖွဲ့အစည်း ၃၄ ဖွဲ့ရှိပြီး ၁၈ ဖွဲ့ ရွေးချယ်ခံရကာ နောက်ဆုံးအ ဆင့် တင်ဒါကို ကုမ္ပဏီသုံးခုသာ တင်သွင်းခဲ့သည်။ ကုမ္ပဏီများကို အဆင့်ဆင့်စိစစ်မှုများပြုလုပ်ပြီး နောက် CTDC ကို တင်ဒါအောင် မြင်သည့်ကုမ္ပဏီအဖြစ် ဖေဖော် ဝါရီ ဒုတိယပတ်က အတည် ပြုဆုံးဖြတ်ခဲ့သည်။

Central Transport Deve-lopment Consortium တွင် မြန်မာနိုင်ငံမှ မင်းဓမ္မကုမ္ပဏီက ၄၀ ရာခိုင်နှုန်း ရှယ်ယာပိုင်ဆိုင် မည်ဖြစ်ပြီး ကျန်ရှယ်ယာ ၆၀ ရာခိုင်နှုန်းကို စင်ကာပူအခြေစိုက် Oxley Holdings ကုမ္ပဏီနှင့် Sino Great Wall ကုမ္ပဏီတို့က ၃၀ ရာခိုင်နှုန်းစီ ပိုင်ဆိုင်မည်ဖြစ် သည်။ မင်းဓမ္မတကုမ္ပဏီသည် မုတ္တမဟိုးလ်ဒင်း၏ လက်အောက် ခံ ကုမ္ပဏီခွဲ ၂၃ ခုအနက် တစ်ခု ဖြစ်သည်။

‘‘အသစ်တည်ဆောက်မယ့် အဆောက်အအုံတွေမှာ ဆေးရုံ တွေ၊ မီးသတ်စခန်းတွေလည်း ပါဝင်တယ်။ ကုမ္ပဏီဘက်က အဆိုပြုရာမှာ မြန်မာ့မီးရထားဝန် ထမ်းတွေအတွက် အိမ်ရာတည် ဆောက်ပေးရေး ကဏ္ဍတွေလည်း ပါဝင်ပါတယ်’’ဟု ၎င်းက ဆို သည်။ စီမံကိန်းပြီးစီးပါက သုံးစွဲ မည့် ရေ၊ လျှပ်စစ်မီးနှင့် ရေဆိုး စွန့်ပစ်မှုများနှင့် ပတ်သက်၍ ကုမ္ပဏီဘက်က ရေးဆွဲထား ကြောင်း ဦးထွန်းအောင်သင်းက ပြောသည်။

Credit: 7Daydaily

စီမံကိန်း ရင်းနှီးမြှုပ်နှံမှု အဆောက်အအုံ လမ်းတံတား တည်ဆောက်

Share on Facebook

Share on Twitter