အမေရိကန်ပြည်ထောင်စု၊ ချီကာဂိုမြို့တွင် တစ်ခေတ်တစ်ခါက နာမည်ကျော်ခဲ့သော ဒုစရိုက်ဂိုဏ်းခေါင်းဆောင်ကြီး အယ်လ်ကပုန်း နေထိုင်ခဲ့ဖူးသည့် ဘရွတ်ကလင်းနေအိမ် အရောင်းဈေးကွက်ဝင်လာကြောင်း လော့စ်အိန်ဂျလိအခြေစိုက် အိမ်ခြံမြေသတင်း ဝက်ဘ်ဆိုက်တစ်ခုတွင် ဖော်ပြသည်။
နယူးယောက်မြို့၊ ဂါးရ်ဖီးလ်ဒ်အရပ်၊ အမှတ် ၂၁ နေအိမ်သည် အယ်လ်ကပုန်း ချီကာဂိုသို့ မပြောင်းရွှေ့မီ နေထိုင်ခဲ့ဖူးသော နေအိမ်ဖြစ်ပြီး
ကန်ဒေါ်လာ ၂ ဒသမ ၈၅ သန်းဈေးခေါ်ထားသည်။
အယ်လ်ကပုန်းသည် အရက်ပုန်း၊ ပြည့်တန်ဆာနှင့် လောင်းကစားလုပ်ငန်းတို့၏ ခေါင်းဆောင်ကြီးအဖြစ်
နာမည်ကျော်ခဲ့သည်။နေအိမ် ပြင်ပအသွင်အပြင်မှာ အထင်ကြီးဖွယ်မရှိသော်လည်း အတွင်းပိုင်းတွင်မူ
နောက်ဆုံးပေါ် နည်းပညာ၊ အသုံးအဆောင်တို့ဖြင့်
မွမ်းမံထားသည်။
အိပ်ခန်း ၃ ခန်း၊ ရေချိုးခန်း ၂ ခန်းနှင့် ပန်းဥယျာဉ်တစ်ခုတို့ ပါဝင်သည်။
“ကပုန်းသာ ဒီကနေ့ သက်ရှိထင်ရှားရှိဦးမယ်ဆိုရင် အရက်ကို ခိုးကြောင်ခိုးဝှက်ရောင်းစရာ မလိုတော့ပါဘူး” ဟု အရောင်းဈေးကွက် တင်သွင်းသူ ဘရန်း ဆာလာမွန်က ပြောကြားသည်။
ယခင်က အမေရိကတွင် အရက်ရောင်းချခွင့် ပိတ်ပင်ခဲ့ဖူးသည်။
အယ်လ်ကပုန်း၏ အမည်အပြည့်အစုံမှာ အယ်လ်ဖွန်စီ ဂါဘရီယယ် ကပုန်းဖြစ်ပြီး ၁၈၉၉ ခုနှစ်၊ ဇန်နဝါရီလ ၁၇ ရက်တွင် မွေးဖွားသည်။ အမေရိကတွင် အရက်ကို ပိတ်ပင်ခဲ့သည့်ကာလအတွင်း ချီကာဂိုရှိ Chicago Outfit ဂိုဏ်းခေါင်းဆောင်အဖြစ် နာမည်ကျော်ခဲ့ပြီး
ခေါင်းဆောင်အဖြစ် ၇ နှစ်သာ ကြီးစိုးခွင့်ရခဲ့သည်။
ကပုန်း၏ မိဘများသည် အီတလီမှ ရွှေ့ပြောင်းအခြေချသူများဖြစ်ပြီး
ကပုန်းကို နယူးယောက်မြို့ ဘရွတ်ကလင်းအရပ်တွင် မွေးဖွားခဲ့သည်။
အသက် ၂၀ ဝန်းကျင်တွင် ကပုန်းသည် ချီကာဂိုသို့ ပြောင်းရွှေ့ခဲ့ပြီး
ချီကာဂိုတွင် တရားမဝင်အရက်ဖြန့်ဖြူးနေသည့်
ဒုစရိုက်ဂိုဏ်းခေါင်းဆောင် ဂျွန်နီ တော်ရီယို၏ သက်တော်စောင့် လူယုံဖြစ်လာခဲ့သည်။
တော်ရီယို ပစ်ခတ်သတ်ဖြတ်ခြင်းခံရသောအခါ ကပုန်းက ဂိုဏ်းခေါင်းဆောင်အရိုက်အရာကို ဆက်ခံခဲ့သည်။
ကပုန်းသည်ထိုစဉ်က ချီကာဂိုမြို့တော်ဝန် ဝီလျံဟေးလ် သွမ်ပ်ဆင်၊ ရဲတပ်ဖွဲ့တို့နှင့် အကျိုးတူဆက်ဆံရေးမျိုး
တည်ဆောက်ထားသဖြင့် ဥပဒေစက်ကွင်းမှ လွတ်ကင်းနေခဲ့သည်။
ယင်းနောက်ပိုင်း ဒုစရိုက်ဂိုဏ်းအချင်းချင်း ပစ်ခတ်တိုက်ခိုက်မှုဖြစ်ပွားရာတွင် လူပေါင်းများစွာသေဆုံးခဲ့မှုကြီးဖြစ်ပေါ်သောအခါ သတင်းစာများက အယ်လ်ကပုန်းကို ဘုံရန်သူနံပါတ်တစ်အဖြစ် ရေးသားကြရာ အစိုးရက အယ်လ်ကပုန်းကို အခွန်ရှောင်လွှဲမှုဖြင့် ၁၉၃၁ ခုနှစ်တွင် တရားစွဲခဲ့သည်။
အယ်လ်ကပုန်းသည် ထောင်ဒဏ် ၁၁ နှစ်ချမှတ်ခြင်းခံခဲ့ရပြီး ၁၉၄၇ ခုနှစ်၊ ဇန်နဝါရီလ ၂၅ ရက်တွင် လေဖြတ်ခြင်း၏ နောက်ဆက်တွဲ နှလုံးရောဂါဖြင့် ကွယ်လွန်သွားခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
