အီတလီတွင် ငလျင်ပြတ်ရွေ့ကြောကြီးရှိသော နေရာ၌ ကမ္ဘာ့အရှည်လျားဆုံး ကြိုးတံတားကြီး ဆောက်လုပ်ရန် စီစဉ်

အီတလီတွင် ယခုနှစ်အတွင်း ကမ္ဘာ့အရှည်လျားဆုံး ကြိုးတံတားကြီးကို စတင်ဆောက်လုပ်ရန် စီစဉ်ထားကြောင်း အီတလီ အစိုးရက ထုတ်ပြန်သည်ဟု နယူးစ်ဝိခ် သတင်းတစ်ရပ်တွင် ဖော်ပြသည်။

Messina ရေလက်ကြားကို ဖြတ်ကျော်ကာ စစ္စလီကျွန်းနှင့် အီတလီ ကုန်းမကြီးတို့ကို ဆက်သွယ်ပေးမည့် တံတားဖြစ်ပြီး အလျား မီတာ ၃၃၀၀ (၁၀၈၂၆ ပေ) ရှိမည် ဖြစ်သည်။

သို့သော် အဆိုပါတံတား ဆောက်လုပ်မည့်နေရာမှာ ပြတ်ရွေ့ကြော (tectonic plate) လှုပ်ရှားမှှုရှိသော ဒေသဖြစ်သောကြောင့် ငလျင်များနှင့် ရင်ဆိုင်ရမည် ဖြစ်သည်။

((သမိုင်းကြောင်း))

စစ္စလီကျွန်းကို အီတလီကုန်းမကြီးနှင့် ဆက်သွယ်မည့် စိတ်ကူးမှ ယခုမှ ထွက်ပေါ်လာခြင်း မဟုတ်။

ဘုရင် Charlemagne ကဲ့သို့ ရောမဧကရာဇ်များမှသည် နောက်ပိုင်း အီတလီအစိုးရအဆက်ဆက် ကြံဆခဲ့ဖူးသည်။

သို့သော် ကုန်ကျစရိတ်၊ အချိန်ကာလနှင့် ငလျင်ဒေသတွင် ဆောက်လုပ်ရမှု၏ စိန်ခေါ်မှုများကြောင့် အကောင်အထည်မဖော်ဖြစ်ခဲ့။

((ဆောက်လုပ်မှု ကုန်ကျစရိတ်))

အီတလီဝန်ကြီးချုပ် ဂျော်ဂျီယာ မီလိုနီ လက်ထက်တွင်မူ ထိုစိတ်ကူးကို အကောင်အထည်ဖော်ရန် ကြိုးစားလာသည်။

မီလိုနီ အစိုးရအဖွဲ့မှ အခြေခံအဆောက်အအုံ ဝန်ကြီးဖြစ်သူ Matteo Salvini က Messina ရေလက်ကြားတံတားကို ဆောက်လုပ်ရန် ဆော်သြကြိုးပမ်းလာသည်။

တံတား၏ အလျားမှာ ၂ မိုင်ခန့်ရှိမည်ဖြစ်ပြီး ကားများအပြင် ရထားပါ ဖြတ်သန်းနိုင်ရန် ဆောက်လုပ်မည်ဖြစ်ကာ စစ္စလီကျွန်းမှ Torre Faro နှင့် ကုန်းမကြီးမှ Villa San Giovanni တို့ကို ဆက်သွယ်ပေးမည် ဖြစ်သည်။

နောက်ဆုံးခန့်မှန်းချက်များအရ စီမံကိန်းအတွက် ကုန်ကျငွေ ယူရို ၁၃ ဒသမ ၅ ဘီလီယံ (ကန်ဒေါ်လာ ၁၅ ဒသမ ၃ ဘီလီယံ) ခန့် ရှိနိုင်သည်ဟု ဆိုသည်။

ထိုကုန်ကျစရိတ်အနက်မှ အနည်းငယ်သောပမာဏကို ဥရောပသမဂ္ဂက ထောက်ပံ့ပေးမည်ဖြစ်သည်။

သို့သော် ယူရို ၂၅ သန်းသာ ထောက်ပံ့မည်ဖြစ်ရာ ဒီဇိုင်းဆွဲသည့် ကုန်ကျစရိတ်၏ ထက်ဝက်သာ ကာမိသည်ဟု ဆိုသည်။

တံတားဆောက်လုပ်မှုကို ယခုနှစ်ကုန်ပိုင်းတွင် စတင်နိုင်ရန် မျှော်မှန်းထားသည်။

အကယ်၍ ဆောက်လုပ်ပြီးစီးသွားမည်ဆိုပါက Strait of Messina တံတားသည် တူရကီမှ Canakkale တံတားကို ဖြတ်ကျော်ကာ ကမ္ဘာ့အရှည်လျားဆုံး ကြိုးတံတား ဖြစ်လာမည် ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: World's Longest Suspension Bridge to Be Built Over Earthquake Fault Line