Mariah Carey က အမေရိကန်ပြည်ရှိ သူ၏ရဲတိုက်ကြီးကို ရောင်းထုတ်ရန် စီစဉ်လာ

အမြင့်သံသီဆိုနိုင်သူတို့အနက် Mariah Carey မှာ နတ်ဖုရားမဟု ပြောလျှင် ရကောင်းသည်။

သင့်အနေဖြင့် Mariah Carey ကဲ့သို့ နေထိုင်ရန် ဆန္ဒရှိသည်ဆိုပါက သင့်အတွက် သတင်းကောင်းတစ်ခု ရှိနေသည်။

အမေရိကန်ပြည်၊ ကွန်နက်တီကပ်ပြည်နယ်တွင် ပြီးခဲ့သော ၂ နှစ်တာလုံး Mariah Carey နေထိုင်ခဲ့သော ရဲတိုက်အသွင် မဟာစံအိမ်ကြီး အလွန်တရာ နည်းပါးလှသော ဈေးနှုန်းဖြစ်သည့် ကန်ဒေါ်လာ ၁၂ ဒသမ ၄ သန်းဖြင့် ရောင်းချရန် ရှိနေသည်။

အကယ်၍ စံအိမ်ကြီးတွင် ရှိနေသော ပရိဘောဂများပါ လိုချင်သည်ဆိုပါက ကန်ဒေါ်လာ ၁၄ ဒသမ ၅ သန်း ပေးရမည် ဖြစ်သည်။

သို့သော် စူပါကြယ်ပွင့်တစ်ဦးကဲ့သို့ နေထိုင်လိုသူအတွက်ဆိုလျှင် မပြောပလောက်သော ပမာဏဖြစ်သည်ဟု ဆိုနိုင်သည်။

ခြံအကျယ်မှာ ၆ ဧကကျော်ရှိပြီး လူနေကြမ်းခင်းဧရိယာမှာ ပင်မစံအိမ်၊ ဧည့်ဂေဟာ၊ wellness center တို့ပေါင်းလျှင် စတုရန်းပေ ၂၅,၀၀၀ ခန့် ရှိသည်။

ပင်မစံအိမ်တွင် အိပ်ခန်း ၈ ခန်း၊ အရက်သောက်ရင်း စကားစမြည်ပြောနိုင်မည့် parlor room ၊ အားကစားလေ့ကျင့်ခန်းမ၊ ဂိမ်းကစားခန်းတို့ ပါဝင်သည်။

ဧည့်ဂေဟာအိမ်မှာ စတုရန်းပေ ၂၅၀၀ ကျယ်ဝန်းပြီး အိပ်ခန်း ၃ ခန်းပါသည်။

စံအိမ်၏ အခြား feature များအနေဖြင့် ကစားကွင်း၊ ဆားရေ ရေကူးကန်၊ အသံဖမ်းစတူဒီယို (နောက်ပိုင်းတွင် ယောဂနှင့် sauna ခန်းအဖြစ် ပြောင်းလဲထားသည်) နှင့် လဘက်ရည်၊ အအေးသောက်သော အခန်းတို့ ပါဝင်သည်။

(▲ ကောင်းကင်မြင်ကွင်း။ ဓာတ်ပုံ-Screenshot: YouTube/Ryan Serhant)

Mariah Carey ၏ စံအိမ်မှာ New Canaan မြို့လယ်မှ ၅ မိနစ်ခန့်သာ ဝေးကွာရာ နေရာအကွက်အကွင်း အချက်အခြာချသည်ဟု ဆိုနိုင်သည်။ စံအိမ်ဘေးတွင် ဘတ်စ်ကက်ဘောကွင်းရှိသည်ကို တွေ့နိုင်သည်။

(▲ အရက်သောက်ရင်း စကားစမြည်ပြောနိုင်မည့် Parlor Room ။ ဓာတ်ပုံ-Screenshot: YouTube/Ryan Serhant)

(▲ Great Room ဟုခေါ်သော ဧည့်ခန်း၊ နားနေခန်း၊ ညစာစားနေရာတို့ ပေါင်းစပ်ထားသောနေရာ။ ဓာတ်ပုံ- Screenshot: YouTube/Ryan Serhant)

(▲ မီးဖိုဆောင်-မြင်ကွင်း ၁။ ဓာတ်ပုံ-Screenshot: YouTube/Ryan Serhant)

(▲ မီးဖိုဆောင်-မြင်ကွင်း ၂။ ဓာတ်ပုံ- Screenshot: YouTube/Ryan Serhant)

(▲ မိသားစု နားနေခန်း။ ဓာတ်ပုံ- Screenshot: YouTube/Ryan Serhant)

Great room ကဲ့သို့ မခမ်းနားလှသော်လည်း နွေးထွေးသော နေရာလေးတစ်ခု ဖြစ်သည်။

(▲ ရှုခင်းကြည့်နေရာ။ ဓာတ်ပုံ- Screenshot: YouTube/Ryan Serhant)

(▲ ပင်မအိပ်ခန်း။ ဓာတ်ပုံ-Screenshot: YouTube/Ryan Serhant)

(▲ ပင်မအိပ်ခန်းမှ ရေစိမ်ကန်။ ဓာတ်ပုံ-Screenshot: YouTube/Ryan Serhant)

(▲ ဂိမ်းကစားခန်း။ ဓာတ်ပုံ-Screenshot: YouTube/Ryan Serhant)

(▲ အားကစားလေ့ကျင့်ခန်းမ။ ဓာတ်ပုံ-Screenshot: YouTube/Ryan Serhant)

(▲ ရုပ်ရှင်ကြည့်ခန်းမ။ ဓာတ်ပုံ-Screenshot: YouTube/Ryan Serhant)

(▲ အိမ်နောက်ဘက် ရေကူးကန်။ ဓာတ်ပုံ-Screenshot: YouTube/Ryan Serhant)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Inside Mariah Carey’s $12.4 Million Connecticut Castle Mansion, Now Up for Sale!

Photo Credit- YouTube/Ryan Serhant