Jim Carrey က သူ၏ နေအိမ် ရောင်းမထွက်သေးသောကြောင့် ဒေါ်လာ ၁ သန်း ဈေးထပ်လျှော့ပေးလာ

15 May 2025 11:16 am တွင် တင်ခဲ့သည်

521 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by နှင်းအိခင်

ဟောလိဝုဒ်ကြယ်ပွင့် ဂျင်မ်ကာရေးက ကာလကြာရှည်ပိုင်ဆိုင်ခဲ့သည့် လော့စ်အိန်ဂျလိစံအိမ် ရောင်းမထွက်သေးသောကြောင့် ဒေါ်လာ ၁ သန်း ထပ်မံ ဈေးလျှော့ပေးလာသည်။

လော့စ်အိန်ဂျလိမြို့ ၊ ဘရန့်ဝုဒ်အရပ်တွင် တည်ရှိပြီး ခြံဝန်းအကျယ် ၂ ဧကရှိသော စံအိမ်ကို ဂျင်မ်ကာရေးက ၂၀၂၃ ခုနှစ် အစောပိုင်းတွင် စတင်အရောင်းဈေးကွက်တင်ခဲ့သည်။

ယင်းနောက် အကြိမ်ကြိမ်ဈေးလျှော့ပေးခဲ့ပြီးနောက်ပိုင်း ထိုနှစ် ဒီဇင်ဘာတွင် ကန်ဒေါ်လာ ၁၉ ဒသမ ၇၅ သန်းဖြင့် ဈေးတည့်သွားသည်။

သို့သော် အရောင်းအဝယ်မဖြစ်ခဲ့ဘဲ ၂၀၂၄ ခုနှစ် ၊ ဖေဖော်ဝါရီလတွင် အရောင်းဈေးကွက်သို့ ပြန်ရောက်လာသည်။

ဂျင်မ်ကာရေး ယခုဈေးခေါ်ထားသည်မှာ ကန်ဒေါ်လာ ၁၈ ဒသမ ၇၅ သန်း ဖြစ်သည်။

အလုံမြို့နယ် မင်းရဲကျော်စွာ လမ်းပေါ် Brilliance Mansion Luxury Condominium ရှိ အခန်းကောင်းအရောင်း/အင

10,500 သိန်း (ကျပ်)

အလုံ | ရန်ကုန်တိုင်းဒေသကြီး

(2.019 ဧက)အကျယ်၊ မင်္ဂလာဒုံစက်မှုဇုန်ရှိ ဂိုဒေါင်အရောင်း။

90,855 သိန်း (ကျပ်)

မင်္ဂလာဒုံ | ရန်ကုန်တိုင်းဒေသကြီး

ဇေကမ္ဘာစက်မှု့ဇုန် နေရာကောင်းလမ်းမတန်း မြေကွက်၊ဂိုဒေါင်ရောင်းမည်

2 သိန်း (ကျပ်)

မင်္ဂလာဒုံ | ရန်ကုန်တိုင်းဒေသကြီး

ဂျင်မ်ကာရေး နောက်ဆုံးပါဝင်သရုပ်ဆောင်ထားသည်မှာ Sonic the Hedgehog 3 (2024) ရုပ်ရှင်ဇာတ်လမ်းတွဲဖြစ်ပြီး ကီနူးရိဗ်လည်း ပါဝင်သည်။

ဂျင်မ်ကာရေးသည် လော့စ်အိန်ဂျလိမြို့၊ ဘရန့်ဝုဒ်အရပ်၊ North Tigertail Canyon လမ်းရှိ နေအိမ်ကို ၁၉၉၄ ခုနှစ်တွင် ဝယ်ယူခဲ့ခြင်း ဖြစ်သည်။

နေအိမ်မှာ ယာတောအိမ်အသွင်ဖြင့် ၁၉၅၁ ခုနှစ်တွင် ဆောက်လုပ်ခဲ့ပြီး စတုရန်းပေ ၁၀၀၀၀ ကျယ်ဝန်းကာ အိပ်ခန်း ၅ ခန်းပါဝင်သည်။

ထို့အပြင် အာ့ထ်ဒက်ကို ဗိသုကာဟန်ဖြင့် ဆောက်လုပ်ထားသော ရုပ်ရှင်ကြည့်ခန်း၊ နေစာလှုံခန်း၊ ရေကူးကန်ဘေး deck နှင့် တဆက်တည်းရှိသော အမိုးပါသည့် နားနေဆောင်၊ ရေတံခွန်တို့ ပါဝင်သည်။

ပန်းဥယျာဉ်နေရာဆီသို့ လူသွားလမ်းလေးများဖြင့် ဆက်သွယ်ပေးထားပြီး လမ်းတစ်ခုမှာ ယောဂလေ့ကျင့်သည့် အဆောင်တစ်ခုဆီသို့ ရောက်သည်။

(▲ နေအိမ်အတွင်း အိပ်ခန်း ၅ ခန်းပါဝင်ပြီး ခြံအကျယ်မှာ ၂ ဧကခန့် ရှိသည်။ ဓာတ်ပုံ-Simon Berlyn for Sotheby’s International Realty)

အရောင်းဈေးကွက်တင်ပေးသော Sotheby’s International Realty အိမ်ခြံမြေကုမ္ပဏီမှ Graham J.Larson ၏ ပြောပြချက်အရ ခြံဝန်းအတွင်း တင်းနစ်ကွင်းနှင့် ဧည့်ဂေဟာအိမ်တစ်လုံးလည်း ပါဝင်သည်ဟု ဆိုသည်။

ယခုနှစ် ဇန်နဝါရီလအတွင်း လော့စ်အိန်ဂျလိတွင် တောမီးအကြီးအကျယ်လောင်ကျွမ်းခဲ့ရာ ဂျင်မ်ကာရေး၏ အိမ်မှာ မီးသင့်ခဲ့ခြင်းမရှိသော်လည်း တောမီးမှာ ဘရန့်ဝုဒ်နှင့် Palisades တို့အကြားရှိ Mandeville Canyon အရပ်သို့ ဦးတည်ခဲ့ရာ ထိုဒေသတွင် နေထိုင်သူများ နေအိမ်စွန့်ခွာ ထွက်ပြေးခဲ့ကြရသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: (The five-bedroom home is located on a 2-acre lot. Simon Berlyn for Sotheby’s International Realty) MANSION GLOBAL

ေစ်း

Share on Facebook

Share on Twitter