ပြည်ပ အိမ်ခြံမြေ သတင်း | Posted by အေးမြတ်သူ
ဟောလိဝုဒ် ရုပ်ရှင်မင်းသမီး အန်နာ ဒီ အားမက်စ်သည် လူသူစည်ကားသော Venice Beach ကို ကျောခိုင်းကာ Vermont သို့ ရွှေ့ပြောင်းနေထိုင်ခဲ့သည်။
ပုလဲဆိပ်ကမ်း ရုပ်ရှင်ဇာတ်ကားကြီးဖြင့် နာမည်ကျော်ခဲ့သူ ရုပ်ရှင်မင်းသား ဘင်အက်ဖလက်နှင့် ၂၀၂၀ မှ ၂၀၂၁ အထိ တွဲခဲ့စဉ်ကာလအတွင်း သတင်းမုဆိုးတို့က အန်နာ့နောက်သို့ တကောက်ကောက်လိုက်ကာ ဝိုင်းအုံ အာရုံစိုက်လာကြသဖြင့် အန်နာက လော့စ်အိန်ဂျလိကို ကျောခိုင်းရန် ဆုံးဖြတ်ခဲ့ခြင်း ဖြစ်သည်။
အန်နာသည် ကယ်လီဖိုးနီးယားပြည်နယ်၊ လော့စ်အိန်ဂျလိမြို့၊ Venice Beach အရပ်တွင် ၇ နှစ်ခန့် နေထိုင်ခဲ့ပြီးနောက် ဘင်အက်ဖလက်၏ Pacific Palisades ရှိ နေအိမ်သို့ ရွှေ့ပြောင်းနေထိုင်ခဲ့သည်။
ဘင်အက်ဖလက်က Pacific Palisades ရှိ စံအိမ် ဝယ်ယူခဲ့သည့်သတင်းကို iMyanmarHouse.com ဝက်ဘ်ဆိုက်ကြီးတွင် ဖော်ပြခဲ့ပြီး ဖြစ်ပါသည်။
(ဆက်စပ်သတင်း)
အော်စကာဆုရှင် ဘင်အက်ဖလက်နှင့် ဂျနီဖာလိုပက်ဇ်တို့ လမ်းခွဲသော သတင်းများ ထွက်ပေါ်နေချိန် ဘင်အက်ဖလက်က လော့စ်အိန်ဂျလိရှိ စံအိမ်တစ်လုံးကို ဒေါ်လာ သန်း ၂၀ ဖြင့် ဝယ်ယူလိုက်ပြီ
အန်နာနှင့် ဘင်အက်ဖလက်တို့သည် Deep Water ရုပ်ရှင်ဇာတ်ကား ရိုက်ကူးစဉ် ဆုံစည်းခဲ့ကြခြင်းဖြစ်ပြီး တစ်နှစ်နီးပါး တွဲခဲ့ကြသည်။
(▲ အန်နာက Venice Beach ကို ကျောခိုင်းကာ Vermont သို့ ရွှေ့ပြောင်းခဲ့သည်။ ဓာတ်ပုံ-Getty Images)
ဘင်အက်ဖလက်နှင့်အချစ်ရေး ၂၀၂၁ ခုနှစ်၊ ဇန်နဝါရီလတွင် အဆုံးသတ်ခဲ့ပြီးနောက် အန်နာက လော့စ်အိန်ဂျလိကို ကျောခိုင်းကာ အေးချမ်းတိတ်ဆိတ်သော ကျေးလက်ဒေသကို ရွေးချယ်ခဲ့သည်။
ဘင်အက်ဖလက်က ဂျနီဖာလိုပက်ဇ်နှင့် ဇာတ်လမ်းပြန်စရန် ကြိုးစားနေသည်။
“ယနေ့ကာလမှာ ကျွန်မတို့အားလုံးဟာ ရူးလောက်စရာ မျက်မှောက်ကမ္ဘာကြီးကနေ ရုန်းထွက်လွတ်မြောက် လိုကြပါတယ် ” ဟု အန်နာက E! News သတင်းဌာနသို့ ပြောသည်။
“အရာအားလုံးက လွတ်ကင်းတယ်လို့ ခံစားရတဲ့ အိမ်တစ်လုံး ကျွန်မ ရှာတွေ့ခဲ့ပါတယ်။ ကိုယ့်အာရုံတွေကို ပြန်လည်စုစည်းပြီး အတူရှိချင်တဲ့သူကို ခေါ်သွားမယ့်နေရာလေးပေါ့။ အဲဒီမှာ ကျွန်မရဲ့ ရစ်တွယ်စရာ သံယောဇဉ်ကြိုးလေး ရှိပါတယ်”
အန်နာသည် Green mountain state ဟု လူသိများသော Vermont ပြည်နယ်မှ စံအိမ်ကို ၂၀၂၂ ခုနှစ်၊ နိုဝင်ဘာလအတွင်း ကန်ဒေါ်လာ ၇ ဒသမ ၂ သန်းဖြင့် ဝယ်ယူခဲ့ခြင်း ဖြစ်သည်။
အဆိုပါအိမ်သည် ကန်ဒေါ်လာ ၇,၄၉၅,၀၀၀ ဖြင့် အရောင်းဈေးကွက်တင်ထားခြင်းဖြစ်ပြီး အန်နာက ဈေးနှုန်းညှိနှိုင်း ဝယ်ယူခဲ့ခြင်း ဖြစ်သည်။
နေအိမ်တွင် အိပ်ခန်း ၆ ခန်းနှင့် ရေချိုးခန်း ၈ ခန်းပါသည်။
ခေါ်ဈေးအောက် ဒေါ်လာ ၃ သိန်းနီးပါး လျှော့ဈေးဖြင့် ရခဲ့သည်ဟု ဆိုသော်လည်း ထိုဒေသ၏ အလယ်အလတ်တန်း အိမ်ဈေးမှာ ဒေါ်လာ ၈၅၀,၀၀၀ သာဖြစ်ရာ အန်နာ၏ အိမ်မှာ များစွာ ဈေးကြီးနေသည်ဟု ဆိုနိုင်သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Ana de Armas’ $7 Million Off-the-Grid Vermont ‘Cocoon’ Is Where She Fled Hollywood Bustle for a Quiet Life in the Wilderness (Photo Credit-Getty Images)
