ဝင်ငွေနည်းပြည်သူများအတွက် အိမ်ရာချေးငွေစနစ်တစ်ရပ်ကို ထူထောင်ပေးနိုင်ခဲ့

အိန္ဒိယနိုင်ငံ နယူးဒေလီမြို့၌ ကျင်းပ သည့် (၆) ကြိမ်မြောက် အာရှ-ပစိဖိတ် အိုးအိမ်နှင့်မြို့ပြ ဖွံ့ဖြိုးတိုးတက်မှုဆိုင်ရာ ဝန်ကြီးများအဆင့် ညီလာခံသို့ ဒီဇင်ဘာ ၁၄ ရက်တွင် ဆောက်လုပ်ရေးဝန်ကြီး ဌာန ပြည်ထောင်စုဝန်ကြီး ဦးဝင်းခိုင် တက်ရောက်သည်။

အခမ်းအနားတွင် ပြည်ထောင်စု ဝန်ကြီးက မြန်မာနိုင်ငံသည် ယခုအခါ တွင် နိုင်ငံရေး ပွင့်လင်း လွတ်လပ်လာမှုနှင့် အတူ ကုန်သွယ်ရေး၊ ပြည်ပ ရင်းနှီးမြှုပ်နှံ မှုများ ပြန်လည်ဝင်ရောက်လာသည့် အတွက် စီးပွားရေး ဖွံ့ဖြိုး တိုးတက်မှု အလားအလာကောင်းများ ရရှိနေပြီ ဖြစ် ပါကြောင်း၊ များမကြာမီ ကာလအတွင်း စီးပွားရေးဖွံ့ဖြိုးတိုးတက်မှုများကို ရရှိ စေနိုင်တော့ မည်ဖြစ်သော် လည်း အခြား တစ်ဖက်တွင် စီးပွားရေးဖွံ့ဖြိုးမှုနှင့် အတူ မြို့ပြများအလျင်အမြန် ဖွံ့ဖြိုး လာနိုင်ပြီး အိမ်ရာလိုအပ်ချက်များ၊ အခြေခံ အဆောက်အအုံလိုအပ်ချက်နှင့် မလုံ လောက်မှုများကြောင့် သဘာဝ ပတ်ဝန်း ကျင် ပျက်စီး ယိုယွင်းလာနိုင်မှု များနှင့် သယ်ယူပို့ဆောင်ရေး ဆိုင်ရာ ပြဿနာများ ရင်ဆိုင်ကြုံတွေ့နိုင်ပါ ကြောင်း။

မြန်မာနိုင်ငံအနေဖြင့် အဆိုပါ စိန်ခေါ်မှုများကို ရင်ဆိုင်ဖြေရှင်းနိုင်ပြီး ဟန်ချက်ညီသည့် ရေရှည်ဖွံ့ဖြိုးတိုးတက် မှုကို ရရှိနိုင်ရန်အတွက် အာရှနှင့် ပစိဖိတ် နိုင်ငံများ၏ အတွေ့အကြုံကောင်းများ ကို ဤညီလာခံမှ လေ့လာရရှိနိုင် မည်ဟု ယုံကြည်ပါကြောင်း။

မြို့ပြနှင့်အိမ်ရာဖွံ့ဖြိုးရေးကဏ္ဍနှင့် ပတ်သက်၍ မြန်မာနိုင်ငံအနေဖြင့် မြို့ပြ များ စနစ်တကျဖွံ့ဖြိုးတိုးတက်ရန်အတွက် ကောင်းမွန်ပြည့်စုံသော မြို့ပြစီမံကိန်း များ ရေးဆွဲဆောင်ရွက်ရန် လိုအပ်ပါ ကြောင်း၊ အဆိုပါ မြို့ပြစီမံကိန်းအရ ဦးစားပေး လုပ်ငန်းရပ်များကို အဆင့် လိုက် အကောင် အထည်ဖော် ဆောင် ရွက် ရမည်ဖြစ်ပါကြောင်း၊ တိုးတက်ဖွံ့ဖြိုးလာ သည့် မြို့ပြဝန်ဆောင်မှု အကျိုး ရလဒ် များကို ကျေးလက်ဒေသအထိ အကျိုး ခံစားမှုမျှဝေပြီး မြို့ပြကျေးလက် ဟန်ချက် ညီညီ ဖွံ့ဖြိုးတိုးတက်မှု ရှိရမည်ဖြစ် ကြောင်း၊ ဖွံ့ဖြိုးတိုးတက်မှု များ သည် ဒေသတွင်း ရှင်သန်နေသည့် ယဉ်ကျေးမှု ဓလေ့စရိုက်များကို ထိခိုက် ဆုံးရှုံးမှုများ မရှိစေရေး ကာကွယ် ထိန်းသိမ်းရန်လည်း လိုအပ် ပါကြောင်း။

အိမ်ရာကဏ္ဍအနေဖြင့် ဆောက်လုပ် ရေးဝန်ကြီးဌာနသည် မြန်မာနိုင်ငံ၏ အကြီးမားဆုံးသော အိမ်ရာတည်ဆောက် သည့် ဌာနတစ်ခုဖြစ်ပါကြောင်း၊ လက်ရှိ အချိန်တွင် ဝင်ငွေနည်းပြည်သူများ အတွက် အိမ်ရာချေးငွေစနစ် တစ်ရပ်ကို ထူထောင်ပေးနိုင်ခဲ့ပြီဖြစ်၍ များစွာ ဝမ်းမြောက်ပါကြောင်း။

ယခုအစိုးရ တာဝန်ယူသည့် ငါးနှစ် တာကာလအတွင်း လူတန်းစား မျိုးစုံ နေထိုင်နိုင် မည့် အိမ်ရာယူနစ် တစ်သန်း ထုတ်လုပ်သွား မည် ဟု နိုင်ငံတော် သို့ အသိပေးပြောကြားပြီး ဖြစ် ပါကြောင်း၊ မြန်မာနိုင်ငံ အနေဖြင့် မြို့ပြအိမ်ရာဖွံ့ဖြိုးရေးလုပ်ငန်းများကို ရည်မှန်းချက်အတိုင်း အကောင် အထည်ဖော် ဆောင်ရွက်ရန် အတွက် ငွေကြေး၊ နည်းလမ်း လိုအပ်ချက် များ ရှိနေပါကြောင်း။

သို့ပါ၍ဒေသတွင် အာရှ-ပစိဖိတ် နိုင်ငံများမှ စိတ်ဝင်စားသူလုပ်ငန်းရှင်များ၊ ရင်းနှီးမြှုပ်နှံ လိုသူများအား မြို့ပြနှင့် အိမ်ရာဖွံ့ဖြိုးရေး ကဏ္ဍများတွင် မြန်မာ နိုင်ငံ သို့ လာရောက်ပြီး P.P.P စနစ်ဖြင့် ရင်းနှီးမြှုပ်နှံရန် ဖိတ်ခေါ် ပါကြောင်းဖြင့် ပြောကြား သည်။

အဆိုပါ ညီလာခံသို့ အာရှနှင့် ပစိ ဖိတ် ဒေသတွင်းနိုင်ငံ၃ဝ မှ ဝန်ကြီးများ လည်း တက်ရောက်ခဲ့ကြောင်း သိရသည်။



Credit: MOI Webportal Myanmar