ရန်ကုန်တိုင်းဒေသကြီးအတွင်း နေထိုင်သောလူထု၏ရေအသုံးပြုမှုအတွက် ဖြန့်ဖြူးနေသော စည်ပင်ရေ ကို အသုံးပြုခွင့်လျှောက်ထားခြင်းမရှိဘဲ အသုံးပြုနေသော နေအိမ်များကို ထိထိရောက်ရောက်အရေးယူဆောင် ရွက်သွားတော့မည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီမှ စုံစမ်းသိရှိရသည်။
ယခုလက်ရှိ ရန်ကုန်တိုင်းဒေသကြီးအတွက် ရေပေးဝေမှုကို ရန်ကုန်မြို့တော်မှ ကြီးကြပ်ကွပ်ကဲနေပြီး စည်ပင်ရေခွန်ဆောင်ခြင်းမရှိဘဲ စည်ပင်ရေကိုအသုံးပြုနေသူများကို အရေးယူနိုင်ရန်အတွက် ၂၀၁၄ ခုနှစ်မှ စ၍စတင်စီစဉ်ခဲ့ရာ ယခုအခါ ၂၀၁၅ ခုနှစ်တွင် အကောင်အထည်ဖော်ဆောင်ရွက်သွားတော့မည်ဖြစ်ကြောင်း သိရှိရသည်။
လက်ရှိရန်ကုန်တိုင်းဒေသကြီးတွင် လူဦးရေ(၇)သန်းကျော်နေထိုင်လျက်ရှိပြီး အဆိုပါလူဦးရေပမာဏ ၏ရေအသုံးပြုမှုအတွက် ရေပေးဝေလျက်ရှိပြီး ရေအသုံးပြုအိမ်များမှာလည်း ရေခွန်အဖြစ် မြို့တော်စည်ပင်သို့ ပေးဆောင်ရကြောင်းသိရသည်။ သို့သော် အချို့သော်လူနေအိမ်များမှာ စည်ပင်မှဖြန့်ဖြူးသောရေကို အသုံးပြုနေ သော်လည်း မြို့တော်စည်ပင်တွင် ရေအသုံးပြုခွင့်ကိုလျှောက်ထားခြင်းမရှိဘဲ အသုံးပြုခဲ့ခြင်းများရှိနေသည့် အတွက် နိုင်ငံတော်အခွန်ဘဏ္ဍာငွေဆုံးရှုံးနစ်နာသည့်အတွက် ယင်းကဲ့သို့တရားမဝင် စည်ပင်ရေအသုံးပြုသူများ ကို ထိထိရောက်ရောက် အရေးယူဆောင်ရွက်သွားမည်ဖြစ်ကြောင်းလည်းသိရသည်။ “ ရန်ကုန်မြို့ ကစည်ပင်ရေ မလျှောက်ဘဲ အသုံးပြုနေတဲ့အိမ်တွေကို အရေးယူသွားတော့မှာပါ။ ဒီလိုမျိုးစည်ပင်ရေခွန် မဆောင်ဘဲသုံးနေတဲ့ သူတွေကို အရေးယူဖို့ ၂၀၁၄ ခုနှစ်ကစပြီး ဆောင်ရွက်ခဲ့တာပါ။ ဒီနှစ်ထဲမှာ အကောင်အထည်ဖော်သွားမှာပါ။” ဟု ရန်ကုန်မြို့ တော်စည်ပင်သာယာရေးကော်မတီမှ အကြီးတန်းအရာရှိတစ်ဦးက iMyanmarHouse.com သို့ ပြောကြားခဲ့သည်။
စည်ပင်ရေခွန်မဆောင်ဘဲ စည်ပင်ရေသုံးဆွဲမှုများသည် ရန်ကုန်မြို့ပြင်တွင်သာမက မြို့တွင်း၌ပင် ရှိနေပြီ ဖြစ်ကြောင်းစုံစမ်းသိရှိရသည်။ အချို့သော်တိုက်များတွင် စည်ပင်ရေခွန်တစ်ခုတည်းကို အခန်းပေါင်းများစွာက အသုံးပြုနေရပြီး ရပ်ကွက်အချို့တွင် တာဝန်ရှိသူများမသိဘဲ စည်ပင်ရေဖြန့်ဖြူးသည့်ပိုက်များကို ဖောက်၍သွယ် ထားခြင်းများရှိနေကြောင်းလည်း သိရသည်။ ယင်းကဲ့သို့ တရားမဝင်စည်ပင်ရေအသုံးပြုနေသည့် နေအိမ်များကို စည်ပင်ဥပဒေအရ အရေးယူဆောင်ရွက်သွားမည်ဖြစ်သဖြင့် ဒဏ်ငွေ(၅၀၀၀၀)ကျပ်မှ ထောင်ဒဏ်အထိ ပြစ်ဒဏ် ပေးနိုင်ကြောင်း စုံစမ်းသိရှိရသည်။
လမင်းအောင် မှ မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
