ယခင် ဆောက်လုပ်ထားသော အထပ်မြင့် အဆောက်အအုံ အများစု မီးဘေးအန္တရာယ် လုံခြုံ စိတ်ချရမှု အားနည်း

ရန်ကုန်မြို့အတွင်းရှိ ယခင် ဆောက်လုပ်ထားသော အထပ်မြင့် လူနေအိမ်များ အပါအ၀င် ကုန်တိုက်များနှင့် ဟိုတယ်များတွင် မီးဘေး အန္တရာယ် လုံခြုံမှု စနစ်ထောက်ခံချက် လက်မှတ် ရရှိသော အဆောက်အအုံ ရာခိုင်နှုန်း နည်းပါးပြီး လုံခြုံရေး စနစ်အားနည်းနေကြောင်း မြန်မာနိုင်ငံ မီးသတ်ဌာန အဖွဲ့ချုပ်မှ ဒုတိယ ညွှန်ကြားရေးမှူး ဦးတင်မင်းက ပြောသည်။

““၂၀၁၀ အရှေ့ပိုင်းမှာ ဆောက်ထားတဲ့ အဆောက်အဦး တော်တော် များများပေါ့။ ကျွန်တော်တို့ မီးသတ် ဌာနက ထုတ်ပေးတဲ့ မီးဘေး အန္တရာယ် လုံခြုံမှု စနစ်ရှိကြောင်း ထောက်ခံချက် လက်မှတ် ရထားတဲ့ အဆောက်အဦး သိပ်မရှိဘူး။ အခုနောက်ပိုင်း အဆောက်အဦးတွေမှသာ မီးဘေး လုံခြုံရေး စနစ်တွေ လုပ်ထားတာ တွေ့ရတယ်”” ဟု ၎င်းက ဆိုသည်။
ပြည်ထဲရေး ၀န်ကြီးဌာန လက်အောက်ရှိ မြန်မာနိုင်ငံ မီးသတ် တပ်ဖွဲ့၏ မီးဘေးအန္တရာယ် လုံခြုံမှု စနစ်ရှိကြောင်း ထောက်ခံချက် လက်မှတ် ရရှိစေရန် အထပ်မြင့် အဆောက်အဦးများ ဆောက်လုပ်ရာတွင် မီးဘေး လုံခြုံမှုစနစ် ပါဝင်ရေး အတွက် အဆောက်အဦး မဆောက်လုပ်ခင် မီးသတ်ဌာန၏ အကြံပြုချက်များ ရယူရန် လိုအပ်ကြောင်းနှင့် ဆောက်လုပ် ပြီးစီးပါက မီးဘေး လုံခြုံမှုရှိ၊ မရှိ စစ်ဆေးမှုများ ပြုလုပ်ရန် လိုအပ်ကြောင်း ဦးတင်မင်းက ဆက်လက် ရှင်းပြသည်။
““အဆောက်အဦး ဆောက်တော့မယ် ဆိုရင် မီးသတ်နဲ့ နှစ်ကြိမ် တွေ့ရမယ်။ မဆောက်ခင် အဲဒီ အဆောက်အဦးမှာ မီးဘေး လုံခြုံမှု စနစ်အတွက် ဘာတွေ တပ်ရမယ် ဆိုတာ အကြံပေးမယ်။ ပြီးတော့ လနေခါနီး စစ်ဆေးမှု ပြုလုပ်မယ်။ မီးဘေး လုံခြုံမှုအတွက် လုပ်၊ မလုပ်။ ပြီးမှသာ ကျွန်တော်တို့ ဌာနက ထောက်ခံချက် လက်မှတ် ထုတ်ပေး တာပါ”” ဟု၎င်းကဆိုသည်။
ထိုသို့ မီးဘေး အန္တရာယ် လုံခြုံမှုရှိစေရန် အတွက် အထပ်မြင့် အဆောက်အဦများတွင် အရေးပေါ် လှေကား၊ အရေးပေါ် တံခါး၊ ပင်မ တံခါးတို့ အပြင် အဆောက်အဦး အထပ် အနိမ့်အမြင့် အပေါ် မူတည်၍ ရေဂါလန် ငါးထောင်မှ ဂါလန် သုံးသောင်း အထိ ထားရှိရန် လိုအပ်ကြောင်း မီးသတ်ဌာနမှ သိရသည်။
ရန်ကုန်မြို့တွင် အများပြည်သူ နေထိုင်နေသော အဆောက်အအုံများရှိ အရေးပေါ် ကယ်ဆယ်ရေး လှေခါးများ နှစ်အနည်းငယ် အတွင်းမှာပင် ပျက်စီးမှုများ ကြုံတွေ့နေရ သောကြောင့် ယင်းလှေခါးများမှာ အသုံးပြု၍ မရရှိသည့် အခြေအနေသို့ ရောက်ရှိနေပြီ ဖြစ်သည်။ အများပြည်သူ မှာလည်း အသုံးပြု၍ မရတော့သည့် အရေးပေါ် လှေခါးများကို ပြုပြင်ပေးရန် ဆန္ဒရှိနေကြောင်း သိရသည်။

Credit: messenger