ကမ္ဘောဒီးယားတွင် အုတ်ဈေးများ အလွန်အမင်းမြင့်တက်လာလျက်ရှိနေ

ကမ္ဘောဒီးယားနိုင်ငံတွင် ပြီးခဲ့သော ၂၀၁၇ ခုနှစ်အတွင်းမှစတင်ကာ အုတ်ဈေးများ အလွန်အမင်းမြင့်တက်လာခဲ့သည်။

ယခု ၂၀၁၈ ခုနှစ် အစပိုင်း ၂ လတာတွင် လျှင်မြန်စွာ ဖွံ့ဖြိုးတိုးတက်လာနေသည့် ကမ်းရိုးတန်းမြို့တစ်မြို့ဖြစ်သော သီဟာနုဗီလီထံမှ ဝယ်လိုအားများ အလွန်မြင့်တက်လာခဲ့ခြင်းကြောင့် အုတ်ဈေးများမှာ ယခင်နှစ်ထက်ပင် ပိုမိုမြင့်တက်သွားခဲ့သည်။

ပြီးခဲ့သော ၂၀၁၇ ခုနှစ်အတွင်း အုတ် ၁၀၀၀၀ လျှင် ကန်ဒေါ်လာ ၁၈၀ (မြန်မာငွေ ၂၄၀၀၀၀ ခန့်) ဝန်းကျင်သာ ရှိခဲ့သည်။

ယခုနှစ်အတွင်းတွင်မူ ဈေးနှုန်းမှာ ၂ ဆကျော်မြင့်တက်သွားပြီး ဒေါ်လာ ၄၀၀ နီးပါးအထိ ဈေးမြောက်သွားကြောင်း အုတ်ဖုတ်အသင်းဥက္ကဌဖြစ်သူ Chheang Suyheang က ပြောကြားသည်။

အဆိုပါအုတ်ဖုတ်အသင်းတွင် ကန်ဒယ်လ်ပြည်နယ်ရှိ စက်ရုံပေါင်း ၁၀၀ ကျော် ပါဝင်သည်ဟု ဆိုသည်။

“ပြီးခဲ့တဲ့နှစ်နဲ့ နှိုင်းယှဉ်မယ်ဆိုရင် ဒီနှစ်ထဲမှာ အုတ်ဝယ်လိုအား အရမ်းကိုမြင့်တက်လာနေတယ်။ အထူးသဖြင့် ပရီယာ သီဟာနုပြည်နယ်က ဝယ်လက်တွေ အများကြီးလာနေကြတယ်” ဟု ၎င်းက ပြောကြားသည်။

အုတ်မည်မျှ ရောင်းချခဲ့ရသည်ကို ထုတ်ဖော်ပြောကြားခြင်းမရှိသော်လည်း ဝယ်လိုအားကို ပြည့်မှီအောင် ရောင်းချပေးနိုင်ရေး အလွန်ခက်ခဲလာကြောင်းလည်း ပြောကြားခဲ့သည်။

“အရင်တုန်းက စက်ရုံတွေမှာ အမြဲတမ်းလိုလို ရောင်းစရာအုတ် ရှိနေတယ်။ အခုဆိုရင် အုတ်ဖုတ်ပြီးသွားတာနဲ့ ဝယ်လက်တွေက အကုန်လာလာဝယ်သွားနေကြတယ်”

ကန်ဒယ်လ်ပြည်နယ်ရှိ အုတ်စက်ရုံပိုင်ရှင်တစ်ဦးဖြစ်သူ ပေါင်ကရိုင်ကလည်း အုတ်ဝယ်လိုအားမြင့်တက်လာခြင်းမှာ သီဟာနုဗီလီမှ developer တို့ကြောင့်ဖြစ်ကြောင်း ထောက်ခံပြောကြားခဲ့သည်။
သီဟာနုဗီလီတွင် ပြီးခဲ့သောနှစ်အတွင်း တရုတ်ပြည်မှ ရင်းနှီးမြှုပ်နှံမှုများ အလုံးအရင်း ဝင်ရောက်လာခဲ့သည်။

ဈေးနှုန်းနှင့် ဝယ်လိုအားမြင့်တက်ခြင်းမှာ သာမာန်အားဖြင့် အမြတ်အစွန်းကြီးကြီးမားမားရစေနိုင်သည်ဟု ဆိုသော်လည်း ကမ္ဘောဒီးယား အုတ်ဖုတ်သမားတို့အတွက် အကောင်းချည်းဟုကား မဆိုနိုင်ချေ။
အုတ်ဖုတ်ရာတွင် အသုံးပြုရသည့် ကုန်ကြမ်းဈေးများမှာလည်း မြင့်တက်လာသည့်အပြင် အလုပ်သမားရနိုင်မှုမှာလည်း ကြီးမားသည့် စိန်ခေါ်မှုတစ်ရပ်ဖြစ်လာနေသည်။

“အုတ်ထုတ်လုပ်တဲ့လုပ်ငန်းဟာ အလုပ်သမားအများကြီးလိုတဲ့ လုပ်ငန်းမျိုးပါ။ ဖောက်သည်တွေဆီက အမှာတွေ အများကြီးရလေလေ အလုပ်သမားရနိုင်ဖို့ အခက်ကြုံရလေလေပါ” ဟု ပေါင်ကရိုင်က ဆိုသည်။

“ကျွန်တော်တို့ အခုရင်ဆိုင်နေရတဲ့ စိန်ခေါ်မှုကတော့ အလုပ်သမားလုံလုံလောက်လောက်မရှိတာပါ”

၂၀၁၆ ခုနှစ်၊ ဒီဇင်ဘာလအတွင်း ဒေသတွင်း လူ့အခွင့်အရေးအုပ်စုတစ်ခုဖြစ်သော Licadho က အစီရင်ခံစာတစ်ခု ထုတ်ပြန်ခဲ့ရာတွင် အုတ်စက်ရုံများ၌ ကလေးလုပ်သားများ အသုံးပြုလျက်ရှိသည့်နည်းတူ အလုပ်သမားမြဲရန်အတွက် အကြွေးဖြင့်တုပ်နှောင်သည့်နည်းကို အသုံးပြုလျက်ရှိကြောင်း ဖော်ပြထားသည်။

အကြွေးဖြင့် ချည်နှောင်သည့်နည်းလမ်းကို အုတ်စက်ရုံပိုင်ရှင်များစွာက အသုံးပြုနေပြီး အဆိုပါနည်းဖြင့်သာ ဈေးသက်သာကာ ရေရည်ရနိုင်မည့် အလုပ်အင်အားစုရရှိနိုင်ရန် အာမခံချက်ရှိမည်ဖြစ်ကြောင်းလည်း Built on Slavery ဟု အမည်ပေးထားသည့် အထက်ပါအစီရင်ခံစာတွင် ဖော်ပြသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)