စီအိုင်အေညွှန်ကြားရေးမှူးဟောင်း ကရွန်ဂါ့ ဖလော်ရီဒါပြည်နယ်တွင် ကန်ဒေါ်လာ ၁၀ သန်းနီးပါးဖြင့် နေအိမ်ဝယ်ယူ

စီအိုင်အေညွှန်ကြားရေးမှူးဟောင်း ကရွန်ဂါ့သည် အမေရိကန်ပြည်ထောင်စု၊ ဖလော်ရီဒါပြည်နယ်တွင် ကန်ဒေါ်လာ ၁၀ သန်းနီးပါးဖြင့် နေအိမ်ဝယ်ယူလိုက်ကြောင်း ဖလော်ရီဒါအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

ဖလော်ရီဒါပြည်နယ်၊ ပန်ဘိခ်ျရှိ Phipps Estate အရပ် ၊ Via Las Brisas လမ်း ၊ အမှတ် ၂၂၆ နေအိမ်ကို ဝယ်ယူခဲ့ခြင်းဖြစ်ပြီး ကရွန်ဂါ့တို့ ဇနီးမောင်နှံက အဆိုပါနေအိမ်အတွက် ကန်ဒေါ်လာ ၉ ဒသမ ၆၄ သန်းပေးခဲ့ရသည်ဟု ဆိုသည်။

အယ်လ်ဗင် ဘီ-ကရွန်ဂါ့ဒ်နှင့် ဇနီးဖြစ်သူ ရှရဲလ် ဂျီ-ကရွန်ဂါ့ဒ်တို့…

အယ်လ်ဗင် ကရွန်ဂါ့ဒ်သည် စီအိုင်အေတွင် တတိယမြောက် အမြင့်မားဆုံးရာထူးတွင် တာဝန်ထမ်းဆောင်ခဲ့ခြင်းဖြစ်ပြီး ၂၀၀၁ ခုနှစ်၊ မတ်လမှ စတင်တာဝန်ထမ်းဆောင်ကာ ၂၀၀၄ ခုနှစ် ဆောင်းရာသီတွင် နှုတ်ထွက်ခဲ့သည်။
ရောင်းချသူမှာ ရှေ့နေ လူးဝစ် အမ်-ရှော့ထ်ဖြစ်သည်။

ရှော့ထ်က ဒုတိယဇနီးဖြစ်သူ မေရီ ဟိုင်လမ် ရှော့ထ်နှင့် ၁၉၉၄ ခုနှစ်တွင် လက်ထပ်ခဲ့ပြီးနောက် ယခု နေအိမ်မြေနေရာကို ၁၉၉၅ ခုနှစ်တွင် ကန်ဒေါ်လာ ၁ သန်းဖြင့် ဝယ်ယူခဲ့ခြင်းဖြစ်ကြောင်း အိမ်ခြံမြေမှတ်တမ်းများတွင် ဖော်ပြသည်။

Casa Banyan စံအိမ်ဟုအမည်ပေးထားပြီး မြေထဲပင်လယ်ဗိသုကာဟန်ဖြင့် ဆောက်လုပ်ထားသည်။

၁၉၉၆ ခုနှစ်တွင် ဆောက်လုပ်ပြီးစီးခဲ့ပြီး ဧည့်သည်များ (သို့မဟုတ်) ဝန်ထမ်းများအတွက် ဂိုဒေါင်အပေါ်ထပ်တွင် အိပ်ခန်း ၂ ခန်းပါ လူနေခန်း ဆောက်လုပ်ထားမှု အပါအဝင် အိပ်ခန်း ၇ ခန်း ပါဝင်သည်။
လူနေဧရိယာအကျယ်အဝန်း စတုရန်းပေ ၁၂၈၃၄ ရှိပြိး လသာဆောင်ပါဝင်သည်။

ပထမထပ်တွင် master bedroom ၊ ဧည့်သည်များအတွက် master bedroom အိပ်ခန်းများ၊ စာကြည့်တိုက်တစ်ခု၊ ပစ္စည်းစုံထည့်သွင်းပေးထားသော မီးဖိုဆောင်နှင့် ဝိုင်အအေးခံစက်များ ပါဝင်သည်။

ယခုအရောင်းအဝယ်တွင် Brown Harris Stevens အိမ်ခြံမြေကုမ္ပဏီက ရောင်းသူ၊ ဝယ်သူနှစ်ဘက်လုံးမှ အကျိုးဆောင်ပေးခဲ့ခြင်း ဖြစ်သည်။

အယ်လ်ဗင် ကရွန်ဂါ့ဒ်သည် စီအိုင်အေတွင် ညွန်ကြားရေးမှူး၏ အတိုင်ပင်ခံအဖြစ် ၃ နှစ်ခန့် တာဝန်ထမ်းဆောင်ပြီးနောက် ညွန်ကြားရေးမှူး ဂျော့ခ်ျ တီနက်ထ်၏ နေရာတွင် တာဝန်ထမ်းဆောင်ရန် သမ္မတ ဂျော့ခ်ျ ဒဗလျူ ဘုရ်ှက ၂၀၀၁ ခုနှစ်၊ မတ်လတွင် ခန့်အပ်ခဲ့ခြင်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)