သန့်ရှင်းတဲ့အစိုးရဖြစ်ဖို့ အခွန်နှုန်းထားတွေပြင်ကြစို့

မြေခွန်ဆိုတာ “မြေကို အသုံးပြုခွင့်ရသည့်အတွက် အစိုးရအားထမ်းဆောင်ရသည့်ငွေ” လို့ဆိုပါတယ်။ မြေကို နိုင်ငံတော်မှ ပိုင်ဆိုင်တယ်။ ဒါကြောင့် နိုင်ငံသားများအနေနဲ့ မြေနဲ့ ပတ်သတ်လို့ အကျိုးအမြတ်တစ်စုံတစရာ အကျိုးခံစားခွင့်ရတယ်ဆိုရင် အစိုးရအားအခွန်ပေးဆောင်သင့်ပါတယ်။

မင်းတုန်းမင်းလက်ထက်မှာလည်းမြေခွန်ကောက်

မြေခွန်နဲ့ပတ်သက်လို့ မြန်မာဘုရင်များလက်ထက်ကပင် မြေခွန်များကောက်ခံခဲ့တဲ့ မှတ်တမ်းများရှိပါတ်ယ။ ၁၉၂၃ - ၂၆ ခုနှစ်ကသာခရိုင်ကြောတိုင်အစီရင်ခံစာ မှာကြည့်ရင် “မင်းတုန်းမင်းလက်ထက်မှာ” “မြတောင်ဝန်” “မန်လည်ဝန်” တို့က သီးနှံများကို လှေများနဲ့ သယ်လာပြီး မန္တလေး အရှေ့ ကျီတော်ကုန်း ကိုပို့ကြတယ်လို့သိရပါတယ်။

မင်းအဆက်ဆက်မြေခွန်ကောက်ခံ

သီပေါမင်းလက်ထက်ကျတော့ သီးနှံများအစား သီးနှံရောင်းချငွေတွေကို တန်ဖိုးသတ်မှတ်ပြီး ဆက်သရတာကို တွေ့ရှိရပါတယ်။ ထိုအတူဘဲ အင်္ဂလိပ်အစိုးရလက်ထက်နဲ့ မြန်မာအစိုးရ အစဉ်အဆက်မှာလည်း မြေခွန်ကို ကောက်ခံခဲ့ကြတဲ့ အတွက် မြေခွန်ထမ်းဆောင်ကြတာကို တွေ့ရပါတယ်။

မြေခွန်ကောက်ခံရတဲ့ အချက် (၄) ချက်

မြေခွန်ကောက်ခံထိုက်တဲ့ အချက် (၄) ချက်ရှိတာကို တွေ့ရပြန်တယ်
(က) မြေသည် လူတို့၏၀င်ငွေနှင့်ကြွယ်ဝမှုရဲ့ အရင်းအမြစ်ဖြစ်နေခြင်း
(ခ) မြေသည် ရွှေ့ပြောင်း၍မရလွယ်ကူစွာမြင်တွေ့နိုင်မှုမရှိခြင်း
(ဂ) မြေကို ပိုင်ဆိုင်ခြင်းသည် ဂုဏ်ဒြပ်အဖြစ်တည်ရှိနေခြင်း
(ဃ) မြေခွန်ကို ကောက်ခံရာမှာ အုပ်ချုပ်မှုရှုထောင့်မှ လွယ်ကူနေခြင်း တို့ကြောင့်ဖြစ်ပါတယ်။

အစိုးရဲ့အသုံးစရိတ်မြေခွန်မှလည်းရရှိ

အစိုးရရဲ့လုံလောက်တဲ့ရန်ပုံငွေရရှိရန်မှာ မြေခွန်ဟာမရှိမဖြစ်အရေးကြီးသော နေရာမှာရှိပါတယ်။ တရားမျှတတဲ့ မြေခွန်စနစ်ပေါ်လာရင် နိုင်ငံတော်အတွက် လိုအပ်တဲ့ရန်ပုံငွေရရှိရုံမျှမက အစိုးရ၀န်ထမ်းနဲ့ ပြည်သူလူထုအတွက် ပါနိုင်ငံတော်က လုပ်ပေးသင့်တာများကို တာဝန်ကျေပွန်စွာဆောင်ရွက်နိုင်မှာဖြစ်ပါတယ်။

အခေါ်အဝေါ်ပြောင်းသွားတဲ့မြေအမျိုးအစားများ

မြေငှားခကောက်ခံရာမှာ မြေဆီလွှာအနေအထားအရ ပထမ၊ ဒုတိယ၊ တတိယ၊ အတန်းအစားခွဲခြား (Soil Class) သတ်မှတ်ဆောင်ရွက်ရပါတယ်။
(က) ပထမနည်းလမ်းကတော့ စိုက်ပျိုးသော နည်းစနစ်အရ ခွဲခြားခြင်းဖြစ်ပါတယ်။ “အစိုစိုက်လယ်” “အခြောက်စိုက်” ဆိုလျှင် “ယာ” ဟူ၍ သတ်မှတ်ပါသည်။

(ခ) ဒုတိယနည်းကတော့ စိုက်ပျိုးတဲ့ဒေသအရခွဲခြားခြင်းဖြစ်ပါတယ်။ တောင်ပေါ်ဒေသမှာ စိုက်တယ်ဆိုရင် “တောင်ယာ” မြစ်ကမ်းဘေးဒေသမှာစိုက်ရင် “ကိုင်းကျွန်း” ဟုခေါ်ပါတယ်။

(ဂ) တတိယနည်းကတော့ “စိုက်ပျိုးသောသီးနှံကိုကြည့်ပြီးခွဲခြားတာပါ” နှစ်ရှည်သီးနှံဆိုရင် “ဥယျာဉ်” “ဓနိပင်” စိုက်ရင် “ဓနိ” လို့ခေါ်ပါတယ်။

ယနေ့အထိကောက်ခံနေတဲ့ မြေခွန်နှုန်းထားများ
အဓိကအားဖြင့်တော့ မြေမျိုးကြီး (၆) မျိုးခွဲခြားလိုက်ရင် လယ်၊ ယာ၊ ကိုင်း၊ ကျွန်း၊ ဥယျာဉ်၊ ဓနိ၊ တောင်ယာ စသည်တို့ကို တွေ့ရပါတယ်။ ယနေ့အချိန်ထိကောက်ခံနေဆဲ မြေခွန်နှုန်းတွေကို ကြည့်မယ်ဆိုရင် အခုလိုတွေ့ရပါတယ်။

မြေအမျိုးအစား

(မြေအမျိုးအစားများကို အောက်ပါဇယာတွင် ကြည့်ရှုနိုင်ပါသည် )

လက်ဖက်ရည်တစ်ခွက်ဖိုးပင်မရှိတဲ့ မြေခွန်ကောက်ခံနှုန်း

အခုဖော်ပြတဲ့ မြေခွန်နှုန်းထားတွေဟာ အင်္ဂလိပ် အစိုးရလက်ထက်ကတည်းက သတ်မှတ် ထားချက်တွေဖြစ်တယ်။ အဲဒီမြေခွန်နှုန်းထားအတိုင်း ယနေ့အထိကောက်ခံနေဆဲပါဘဲ အင်္ဂလိပ်ခေတ်တုန်းက တရားမျှတတဲ့ ကောက်ခံမှုလို့ ဆိုနိုင်ပေမယ့် ဒီကနေ့ နိုင်ငံတော်အစိုးရအတွက် ဆိုရင် ခေတ်စနစ်နဲ့ အံဝင်ဂွင်ကျမဖြစ်တော့ဘဲ သတ်မှတ်နှုန်းအလွန်နည်းလှတဲ့အတွက် ဆင်ပါးစပ်နှမ်းပက်သလို အခြေအနေမျိုးဖြစ်နေပါတ်ယ။ မြေခွန်နှုန်းထားတွေကြည့်လိုက်တာနဲ့ ကွမ်းတစ်ရာနဲ့ လက်ဖက်ရည်တစ်ခွက်ဖိုးပင်မရှိတာကိုတွေ့ရပါတ်ယ။

မြေခွန်နှုန်းထားတွေပြင်ဆင်သင့်နေပါပြီ

ဒီမြေခွန်နှုန်းထားတွေအတိုင်းသာ ဆက်သွားနေမယ်ဆိုရင်တော့ အရင်အစိုးရလက်ထက် သမ္မတကြီး ဦးသိန်းစိန် လမ်းညွှန်ခဲ့သလို (Clean Goverment) “သန့်ရှင်းတဲ့အစိုးရ” ဖြစ်ပေါ်ရေးကတော့ အလှမ်းဝေးနေဦးမှာပါ ဒါကြောင့် မြေခွန်နှုန်းထားတွေကို ပြင်ဆင်သင့်တဲ့အချိန်ရောက်နေပြီဖြစ်ပါတ်ယ။

အချင်းချင်းညှိနှိုင်းဆွေးနွေးအတည်ပြုချက်ယူဖို့အချိန်ရောက်ပါပြီ

ဒါကြောင့် တရားမျှတသော မြေခွန်တော်တစ်ရပ်ပေါ်ပေါက်လာရန်ထည့်သွင်းစဉ်စားရမဲ့အချက်များရှိသလို ဗဟိုအဆင့်ရဲ့ မြေခွန်နှုန်းထားမူလလျာထားချက်တွေကို ရှာဖွေဖို့လည်း လိုအပ်ပါတယ်။ ဒါအပြင် ပြည်နယ်၊ တိုင်းဒေသကြီး များထံမှ ပြန်လည်အဆိုပြုမြေခွန်နှုန်းများရယူခြင်း၊ အပြန်အလှန် ဆွေးနွေးညှိနှိုင်းခြင်း နောက်ဆုံးအဆင့်အတည်ပြုချက်ရယူခြင်းများပြုလုပ်ကြရပါမယ်။

တရားမျှတတဲ့ မြေခွန်တော်တစ်ရပ်လိုအပ်နေပြီ

ဒါပေမယ့်လည်း မြေခွန်တော်စနစ်နဲ့ ပတ်သတ်လာရင် အလွန်ရှုပ်ထွေးနက်နဲပြီး ကျယ်ပြန့်လွန်းပါတ်ယ။ မိမိလက်လှမ်းမမီနိုင်ဘဲ အခြားအမြင်များ လည်းရှိနိုင်ပါတယ်။ ယခုတင်ပြခြင်းများဟာ လက်ရှိကြုံတွေ့နေရသော အခက်အခဲများမှ ရှောင်လွှဲနိုင်ရန် တင်ပြခြင်းသာ ဖြစ်ပါတယ်လို့ ဦးမိုးငယ် (လယ်ဝန်) ကသူ့ရဲ့ဆောင်ပါးမှာ ဆိုထားပါတယ်။ ဆက်လက်လုပ်ဆောင်သင့်တဲ့ အချက်တွေကတော့ လုပ်ငန်းလွယ်ကူရန် ရှင်းလင်းတင်ပြခြင်း အပြန်အလှန်ညှိနှိုင်းတိုင်ပင်မှုများလိုအပ်ခြင်း၊ မီဒီယာများနှင့် ပညာရှင်များ၏ အကြံဥာဏ်များဖိတ်ခေါ်ဆွေးနွေးခြင်း စသည်ဖြင့် ဆောင်ရွက်မည်ဆိုပါက ပိုမိုကောင်းမွန်ပြည့်စုံသော တရားမျှတသည့် မြေခွန်တော်တစ်ရပ်ပေါ်ပေါက်လာမည်ဟု လည်းယုံကြည်
မိပါတယ် ။

နိုင်ငံတော်ဖွံ့ဖြိုးတိုးတက်ရေးအတွက် အထောက်အကူဖြစ်ပါစေ။

လွှတ်တော်ရှေ့နေမောင်ကောင်းဖေ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com