အော်ပရာဝင်းဖရေးသည် သူ၏ ချီကာဂိုနေအိမ်ကို ကန်ဒေါ်လာ ၄ သိန်းနီးပါးဖြင့် အရောင်းဈေးကွက်တင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
အီလီနွိုစ်ပြည်နယ်၊ ချီကာဂိုမြို့၊ Elmwood Park အရပ်တွင် တည်ရှိသည့် အဆိုပါနေအိမ်ကို ကန်ဒေါ်လာ ၃၉၃၈၇၅ ဖြင့် ဈေးခေါ်ထားပြီး
အိပ်ခန်း ၄ ခန်း၊ ရေချိုးခန်း ၂ ခန်းပါဝင်ကာ နေအိမ်အကျယ်အဝန်းမှာ စတုရန်းပေ ၂၂၅၅ ရှိသည်။
မှတ်တမ်းများအရ အဆိုပါနေအိမ်တွင် ဝင်းဖရေးလုံးဝနေထိုင်ခဲ့ခြင်းမရှိဟု ဆိုသည်။မေးစရာ ပေါ်ပေါက်သည်မှာ ယင်းနေအိမ်ကို အဘယ်ကြောင့်၊ မည်သူအတွက် ဝယ်ယူခဲ့ခြင်းဖြစ်သနည်းဟူသော အချက်ပင် ဖြစ်သည်။
အော်ပရာဝင်းဖရေးသည် ချီကာဂိုနေအိမ်ကို ၂၀၀၁ ခုနှစ်အတွင်း ကန်ဒေါ်လာ ၂၉၈၀၀၀ ဖြင့် ဝယ်ယူခဲ့ခြင်း ဖြစ်သည်။
ကိုလိုနီခေတ်ဟန် တစ်အိမ်လုံးကို အုတ်များဖြင့် ဆောက်လုပ်ထားရာ
ချီကာဂို၏ ပြင်းထန်သော အအေးဒဏ်ကို အံတုနိုင်ရန် ဖြစ်ဖွယ်ရှိပြီး ကျယ်ဝန်းသော ခြံကွက်အတွင်း တည်ရှိသည်။
ခြံဝန်းအတွင်း ကားဂိုဒေါင်၊ ခြံဝန်းခတ်ထားသည့် နောက်ဘက်ကွက်လပ်၊ နေအိမ်အတွင်းတွင် ထင်းသုံးမီးလင်းဖို နှစ်ခုပါဝင်ကာ ကြမ်းခင်းမှာ သစ်မာသားကြမ်းခင်း ဖြစ်သည်။
ပျှမ်းမျှအိမ်ဈေးနှုန်း ကန်ဒေါ်လာ ၁၈၉၀၀၀ ခန့်သာ ပေါက်ဈေးရှိသည့်
ဒေသတွင် ယခုခေါ်ဈေးမှာ မြင့်မားသည့်နှုန်းထားဖြစ်သည်။
အော်ပရာဝင်းဖရေးသည် ဖော့ဘ်မဂ္ဂဇင်းကြီး၏ “အမေရိက အချမ်းသာဆုံးကိုယ့်ဒူးကိုယ်ချွန် အမျိုးသမီးများစာရင်း” တွင် တတိယအချမ်းသာဆုံးအဖြစ် ဖော်ပြခံရပြီး ခန့်မှန်းကြွယ်ဝမှုမှာ ကန်ဒေါ်လာ ၃ ဘီလီယံဖြစ်သည်။
ဝင်းဖရေးသည် ယခုနေအိမ်ကို ၂၀၁၆ ခုနှစ်၊ စက်တင်ဘာလအတွင်း
ကလည်း အရောင်းဈေးကွက်တင်သွင်းခဲ့ဖူးပြီး လအနည်းငယ်အကြာတွင် ဈေးကွက်မှ ပြန်လည်ရုပ်သိမ်းခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
