မလေးရှားတွင် အမျိုးသမီးတစ်ဦးက ဘွဲ့ရပညာတတ်များမှာ အထက်တန်းကျောင်းသာ တက်ခဲ့ဖူးသူများထက် ပိုမိုယဉ်ကျေးသိမ်မွေ့မှုရှိကြောင်း၊ မိမိအနေဖြင့် ဘွဲ့ရပညာတတ်များနှင့်သာ တွဲကြောင်း လူမှုကွန်ရက်တွင် ပြောဆိုခဲ့မှု ဂယက်ထကာ ပွဲဖြစ်နေ

မလေးရှားတွင် အမျိုးသမီးတစ်ဦးက အတန်းပညာ မြင့်မားလေ ပိုမိုယဉ်ကျေးသိမ်မွေ့လေဖြစ်ကြောင်း၊ မိမိအနေဖြင့် ဘွဲ့ရပညာတတ်များနှင့်သာ တွဲကြောင်း၊ ၎င်းတို့နှင့် စကားပြောရသည်မှာ ပေါ့ပျက်ပျက်မဆန်ကြောင်း လူမှုကွန်ရက်တွင် ပြောဆိုခဲ့မှုမှာ ဂယက်ထကာ ပွဲဖြစ်နေသည်။

သူ၏ ပို့စ်မှာ Threads လူမှုကွန်ရက်တွင် ပျံ့နှံ့နေသည်။

“ယေဘုယျအားဖြင့် လူတစ်ယောက်ဟာ အတန်းပညာမြင့်မားလေ ယဉ်ကျေးသိမ်မွေ့လေဖြစ်တတ်ကြတာ ဘာကြောင့်လဲ” ဟု ၎င်းက မေးခွန်းထုတ်ထားသည်။

“ကျွန်မရဲ့ သူငယ်ချင်းပြောတာကတော့ ၁၀ တန်းလောက်ပဲ တက်ခဲ့ဖူးသူဟာ နောက်ဆုံးနှစ် ကျောင်းသားတွေလို project တွေ၊ Assignment တွေ မလုပ်ခဲ့ရလို့ ဖြစ်နိုင်တယ်လို့ ပြောတယ်။ သူပြောတာက ယုတ္တိမရှိဘူးလို့တော့ ကျွန်မ ထင်ပါတယ်”

“ဒါပေမယ့် ကျွန်မက ပညာတတ်တွေနဲ့ တွဲရတာ ပိုကြိုက်ပါတယ်။ ဘာကြောင့်လဲဆိုတော့ သူတို့နဲ့ စကားပြောရတာ လေးနက်ပြီး အဓိပ္ပာယ်ရှိလို့ပါ” ဟု သူမ၏ ပို့စ်တွင် ရေးသားထားသည်။

သူ၏ ရေးသားမှုအပေါ် လူမှုကွန်ရက်သုံးစွဲသူတို့က အမျိုးမျိုးအဖုံဖုံ ဝေဖန်မှတ်ချက်ပေးကြသည်။

ပညာရေးမှာ လူတစ်ဦး၏ ရှုမြင်ပုံအပေါ် ပုံဖော်ပေးသည့် ပညာရေး၏ အခန်းကဏ္ဍအပေါ် လက်ခံကြသော်လည်း အမူအကျင့်ဟူသည်မှာ ကြီးပြင်းလာသည့် ပတ်ဝန်းကျင်မှ အဓိက မြစ်ဖျားခံကြောင်း မှတ်ချက်ပေးကြသည်။

Meeracle အမည်ဖြင့် လူမှုကွန်ရက်သုံးစွဲသူက ပညာရေးကြောင့် အလိုလို ယဉ်ကျေးသိမ်မွေ့သူ ဖြစ်မလာကြောင်း၊ သို့သော် ပညာရေးမှာ လူတစ်ဦးအား ရှုထောင့်အမျိုးမျိုးမှ သုံးသပ်စေတတ်ခြင်း၊ ဝေဖန်ပိုင်းခြားတတ်ခြင်းတို့ လေ့ကျင့်ပေးရာ ထိုအချက်များမှာ ရင့်ကျက်သောသူဖြစ်လာစေရန် ဆက်နွှယ်နေကြောင်း၊ ပညာရေးနှင့် အမူအကျင့် ထပ်တူညီမျှခြင်းမချနိုင်သော်လည်း ပညာရေးမှာ လူတစ်ဦး တွေးခေါ်မျှော်မြင်ပုံကို ပုံဖော်ပေးနိုင်ကြောင်း မှတ်ချက်ပြုသည်။

“ဒါက ကိုယ့်အသိုင်းအဝိုင်းအပေါ်မှာလည်း မူတည်ပါတယ် ကလေးရေ။ လူတစ်ယောက်က ပညာရေးနိမ့်ပါးပမယ့် သူ့အသိုင်းအဝန်းမှာ လူကောင်းတွေရှိနေတယ်ဆိုရင် သူဟာ သိမ်မွေ့ယဉ်ကျေးသူ ဖြစ်လာနိုင်ပါသေးတယ်။ တဘက်ကို ကြည့်ရင်လည်း ပညာအရည်အချင်းမြင့်မားပေမယ့် စရိုက်ကြမ်းသူတွေ ဝန်းပတ်နေသူတွေဟာ သိမ်မွေ့သူ ဖြစ်မလာနိုင်ပါဘူး” ဟု me_ira499 အမည်ဖြင့် လူမှုကွန်ရက်သုံးစွဲသူက မှတ်ချက်ပြုသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: “Educated people, better manners?” — Woman’s take on why she prefers degree holders sparks debate online (thesun)