နှစ်ရှည် အရစ်ကျစနစ်ဖြင့် တန်ဖိုးနည်းအိမ်ရာများ ရောင်းချရာတွင် ချေးငွေသက်တမ်း ကာလကို လက်ရှိ ၁၀ နှစ် ပေးထားရာမှ နှစ် ၃၀ အထိ တိုးမြှင့်ပေးနိုင်ရေး ဂျပန်နှင့် ဆွေးနွေးနေ

ရန်ကုန်မြို့တွင် နှစ်ရှည် အရစ်ကျစနစ်ဖြင့် တန်ဖိုးနည်းအိမ်ရာများ ရောင်း ချပေးရာ၌ ချေးငွေသက်တမ်း ကာလကို လက်ရှိတွင် ၁၀ နှစ် ပေးထားရာ မှ နှစ် ၃၀ အထိ တိုးမြှင့်ချေးပေးနိုင်ရေးအတွက် ဂျပန်နိုင်ငံနှင့် ဆွေးနွေးနေေ ကြာင်း ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်၊ Managing Director (Banking & Finance) ဖြစ်သူ ဒေါ်မြင့် မြင့်မူက မေ ၁၃ ရက်တွင် ရန်ကုန် မြို့ အလုံလမ်းရှိ Yangon International Hotel တွင် ကျင်းပသည့် Private MEGA Housing Sales 2017 ဖွင့်ပွဲ အခမ်းအနားတွင် ပြောကြားသည်။

“ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်က နှစ်ရှည်ချေးငွေကို နှစ် ၃၀ အထိ တိုးပေးနိုင်ဖို့ ဆောင်ရွက်နေတာ ရှိပါတယ်။ ရတဲ့ Fund ကို အခြေခြံ ပီးတော့ အရစ်ကျ ချေးငွေကို အတိုးနှုန်း သက်သက်သာသာ ပေးနိုင်အောင် လုပ်ပေးနိုင်ဖို့ပေါ့။ ပြည်တွင်းမှာတော့ အတိုးနှုန်းမြင့်တယ်လေ။ အဲဒီေ တာ့ နိုင်ငံတကာကနေပြီးတော့ G to G နဲ့ Soft Loan တွေ ရဖို့ကြိုးစားနေ တယ်။ ရမယ်ဆိုရင် နှစ်ရှည်တွေ ဖြစ်တဲ့အတွက် အတိုးနှုန်းကလည်း သက် သာတဲ့ အတွက်ကြောင့်မို့ လစဉ် ပေးအပ်တဲ့ အရစ်ကျစနစ်ကလည်း နည်း သွားမယ်။ တစ်လ ၆၀၀၀၀၊ ၇၀၀၀၀ ပဲ ပေးရတော့မယ်ဆိုရင် မိသားစုဝင်ေ ငွ နှစ်သိန်း လောက်ရှိရင်ပဲ အိမ်ဝယ်နိုင်တဲ့ အနေအထား ဖြစ်သွားမယ်။ အခု လောလောဆယ်က တစ်လကို အနည်းဆုံး လေးသိန်းလောက် ၀င်ငွေ ရှိတဲ့ မိသားစုတွေမှ ၀ယ်နိုင်တာ၊ အဲဒီတော့ အဲလောက်မရှိတဲ့သူတွေ ၀ယ် ယူနိုင်အောင် စဉ်းစားပေးရတာပေါ့။ နှစ် ၃၀ အထိ တိုးမြှင့်ပေးနိုင်ဖို့ လုပ်နေ ပါတယ်” ဟု ၎င်းက ဆိုသည်။

ဝင်ငွေနည်း ပြည်သူများအတွက် နှစ်ရှည် အိမ်ရာချေးငွေစနစ်ဖြင့် ကျပ်သိန်း ၁၀၀ ၀န်းကျင်ရှိ တန်ဖိုးနည်းအိမ်ရာများ ၀ယ်ယူခွင့်ရသူများအတွက် အိမ်ခန်း တန်ဖိုးချေးငွေ ပြန်ဆပ်ရမည့် ကာလကို ယခင်က ရှစ်နှစ်အထိသာ ပေး ထားသော်လည်း လက်ရှိအချိန်၌ ၁၀ နှစ်အထိ တိုးမြှင့်ပေးထားခြင်း ဖြစ် သည်။

လက်ရှိအချိန်၌ အစိုးရမှ ဆောက်လုပ်ရောင်းချသည့် တန်ဖိုးနည်း၊ တန်ဖိုး သင့်နှင့် တန်ဖိုးမျှတအိမ်ရာများတွင်သာ ဆောက်လုပ်ရေးနှင့် အိမ်ရာဖွံ့ဖြိုးေ ရးဘဏ်နှင့် ချိတ်ဆက်ကာ နှစ်ရှည်အိမ်ရာ ချေးငွေစနစ်ဖြင့် အိမ်ရာတိုက် ခန်းများ ၀ယ်ယူခွင့်ရရှိမည်ဖြစ်ကြောင်း သိရသည်။

ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာနမှ ရောင်း ချမည့် တန်ဖိုးသင့်၊ တန်ဖိုးနည်းတိုက်ခန်း ၀ယ်ယူခွင့်ရရှိသူများသည် ငါးနှစ် အတွင်း လွှဲပြောင်း ရောင်းချခြင်း မပြုလုပ်ရဘဲ ငါးနှစ်ပြည့်ပြီး ရောင်းချလိုပါ က မြို့ပြနှင့် အိမ်ရာဖွံ့ဖြိုးရေဦးစီးဌာနမှ သတ်မှတ်သော ဈေးနှုန်းဖြင့် ပြန် လည် ရောင်းချရမည် ဖြစ်ကြောင်း မြို့ပြနှင့် အိမ်ရာဖွံ့ဖြိုးရေးဦးစီးဌာနမှ ထုတ်ပြန်ထားသည်။

အဆိုပါ တန်ဖိုးသင့်နှင့် တန်ဖိုးနည်း တိုက်ခန်း ၀ယ်ယူရန် လျှောက်ထားသူ သည် အသက် ၂၅ နှစ်ပြည့်ပြီးသူ၊ အိမ်ပိုင်မရှိသူ ဖြစ်ရမည်ဖြစ်ကြောင်း၊ အိမ်ပိုင်ရှိသူများ တိုက်ခန်းရရှိပြီးသူများအား စိစစ်တွေ့ရှိပါက ၀ယ်ယူခွင့် ပယ်ဖျက်၍ ပေးသွင်းထားသော တိုက်ခန်းတန်ဖိုး၏ ငါးရာခိုင်နှုန်းအား ဒ ဏ်ကြေးအဖြစ် ခုနှိမ်မည်ဖြစ်ပြီး ၀ယ်ယူထားသော တိုက်ခန်းအား ပြန်လည် သိမ်းယူမည်ဟု သိရသည်။

Credit: Eleven Media Group