ရိုးမရိပ်သာ တန်ဖိုးနည်းအိမ်ရာ အခန်းနေရာမဲနှိုက်ခြင်းကို ဇွန်လ ၂၆ ရက်မှ ၂၈ ရက်အထိ မြို့ပြနှင့်အိမ်ရာ ဖွံ့ဖြိုးရေးဦးစီးဌာနတွင် ကျင်းပပြုလုပ်မည်

ရန်ကုန်တိုင်းဒေသကြီး အစိုးရအဖွဲ့၏ ကြီးကြပ်မှုဖြင့် ရိုးမရိပ်သာ တန်ဖိုးနည်းအိမ်ရာမှ အခန်းများ ရောင်းချပေးရန် စီစဉ်လျက်ရှိရာ အိမ်ခန်းဝယ်ယူရန် တင်ပြထားသော လျှောက်လွှာများကို အိမ်ရာရောင်းချရေး ကော်မတီက စိစစ်ခဲ့သည်။

ထိုသို့ စိစစ်ရာတွင် သတ်မှတ်ချက်နှင့် ကိုက်ညီမှုမရှိသော လျှောက်လွှာများကို ပယ်ဖျက်ခဲ့ပြီးနောက် သတ်မှတ်ချက်နှင့် ကိုက်ညီသော လျှောက်လွှာအစောင်ရေ ၂၂၂၄၆ စောင်ရှိခဲ့ကြောင်း မြို့ပြနှင့် အိမ်ရာဖွံ့ဖြိုးရေး ဦးစီးဌာန၏ ထုတ်ပြန်ချက်တွင် ဖော်ပြသည်။

အဆိုပါ လျှောက်လွှာများကို အိမ်ရာရောင်းချရေးကော်မတီက ဇွန်လ ၂၀ ရက်တွင် ရန်ကုန်တိုင်းဒေသကြီး အစိုးရအဖွဲ့ရုံး၏ အစည်းအဝေးခန်းမ ၃ တွင် မဲနှိုက်ရွေးချယ်ခဲ့ကြောင်း သိရသည်။

မဲပေါက်သူများအနေဖြင့် တိုက်ခန်းနေရာ မဲနှိုက်ခြင်းကို ကိုယ်တိုင်သွားရောက် ဆောင်ရွက်ရမည်ဖြစ်ကြောင်း မြို့ပြနှင့် အိမ်ရာဖွံ့ဖြိုးရေးဦးစီးဌာနက ထုတ်ပြန်ထားသည်။

ရန်ကုန်တိုင်းဒေသကြီး ဗိုလ်တစ်ထောင်မြို့နယ်၊ ဗိုလ်ချုပ်လမ်းရှိ မြို့ပြနှင့် အိမ်ရာဖွံ့ဖြိုးရေး ဦးစီးဌာန ဒုတိယထပ် အစည်းအဝေးခန်းမကြီးတွင် မဲနှိုက်ရွေးချယ်မှု အစီအစဉ်ကျင်းပသွားမည်ဖြစ်ပြီး ဇွန်လ ၂၆ ရက် မနက်ပိုင်းတွင် အငြိမ်းစားဝန်ထမ်းများ၊ ဇွန်လ ၂၆ ရက် နေ့လယ်ပိုင်းတွင် ပြည်သူများနှင့် ဇွန်လ ၂၈ ရက် မနက်ပိုင်းတွင် ဝန်ထမ်းများဟူ၍ အသီးသီး ကျင်းပသွားမည်ဖြစ်ကြောင်း မြို့ပြနှင့် အိမ်ရာဖွံ့ဖြိုးရေး ဦးစီးဌာန၏ ထုတ်ပြန်ချက်တွင် ဖော်ပြသည်။

ရိုးမရိပ်သာအိမ်ရာသည် ရန်ကုန်တိုင်းဒေသကြီး၊ ဒဂုံမြို့သစ်ဆိပ်ကမ်းမြို့နယ်၊ ၁၆၈ ရပ်ကွက်၊ ရိုးမရိပ်သာ လမ်းပေါ်တွင် တည်ရှိပြီး ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာနမှ တည်ဆောက်ခဲ့ခြင်း ဖြစ်သည်။

(ဆက်စပ်သတင်း)

အိမ်ရာစုဆောင်းငွေ သိန်း ၃၀ အထက် စုဆောင်းပြီးသူများအနေဖြင့် မြို့ပြနှင့်အိမ်ရာဖွံ့ဖြိုးရေး ဦးစီးဌာန၏ သတ်မှတ်ချက်များနှင့်အညီ အိမ်ရာချေးငွေစနစ်ဖြင့် ဝယ်ယူရန်လျှောက်ထားနိုင်ကြောင်း CHID Bank က ကြေညာချက်ထုတ်ပြန်လာ

https://www.iMyanmarHouse.com/news/read/1149109

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com