နေပြည်တော် အိမ်ခြံမြေ အငှားသွက်နေ

နေပြည်တော်အိမ်ခြံမြေဈေးကွက်က လက်ရှိမှာ အငှားသွက်နေတဲ့ အတွက် နေရာတော်တော်များများမှာ အိမ်အလွက်မရှိလောက်အောင် ဖြစ်နေပါတယ်။
နေပြည်တာ်၊မြန်မာနိုင်ငံ အိမ်ခြံမြေ၀န်ဆောင်မှု အသင်းအတွင်းရေးမှူးဦးကျော်စွာမြင့်က တချို့ငှားချင်ပေမယ့် အိမ်တွေကပြည့်နေပြီ နေရာတော်တော်များများမှာရှိတဲ့ အိမ်ငှားတွေမှာ အလွက်မရှိတော့ဘူးလို့ပြောတယ်။

နေပြည်တော်ရဲ့ အိမ်ခြံမြေဈေးကွက်ဟာ ပွင့်လင်းရာသီရောက်ပြီဖြစ်တဲ့ အတွက် အရောင်းအ၀ယ်ရော အငှားပါ သွက်နေပါတယ်။အငှားမှာဆိုရင် ဇမ္ဗူသီရိမြို့နယ်၊ပုဗ္ဗသီရိမြို့နယ်၊ပေါင်းလောင်းရွှေကြာပင်ရပ်ကွက်နဲ့ သပြေကုန်းရပ်ကွက်တွေမှာဆိုရင် နေရာလွတ်မရှိလောက်တော့အောင် အိမ်ငှားတဲ့သူတွေ ပြည့်နေပြီဖြစ်တယ်လို့ အိမ်ခြံမြေအကျိုးဆောင်တွေဆီက သိရပါတယ်။

အများဆုံးငှားတဲ့ သူတွေကတော့ ကုမ္ပဏီတွေဖြစ်ကြပြီး သုံးသိန်းပတ်ဝန်းကျင်ရှိ အိမ်တွေအငှားများတယ်။၁၀သိန်းဝန်းကျင်လောက်ရှိတဲ့ တစ်ထပ်တိုက်ပုံစံတွေကတော့ ငှားတဲ့သူအနည်းငယ်လောက်ပဲရှိပါတယ်။
မြန်မာနိုင်ငံအိမ်ခြံမြေ ၀န်ဆောင်မှုအသင်း (နေပြည်တော်)မှ အဖွဲ့ဝင်ဦးထွန်းထွန်းဝင်းက နေပြည်တော်ရဲ့အိမ့်ခြံမြေဈေးကွက်က အရောင်းအ၀ယ်သွက်တာ အပြင်အခုကြုံနေရတာက အငှားတွေများပြီးငှားစရာအိမ်မရှိတော့တာပဲ၊တော်တော်များများ ကြိုက်ကြတဲ့ နေရာတွေက အိမ်အငှားတွေကုန်နေပြီ ၊လက်ရှိဒါပဲအခက်ကြုံနေကြတယ်လို့ ပြောပါတယ်။

အရောင်းအ၀ယ်မှာဆိုရင်လည်း အဆောက်အအုံမပါတဲ့ မြေကွက်အလွက်တွေ အကြိုက်များပြီး (၆၀X၆၀)ပတ်လည်မြေကွက်တွေ အကြိုက်များနေတယ်လို့ သိရပါတယ်။မြေကွက်တွေ အရောင်းအ၀ယ်အဖြစ်ဆုံးကတော့ ဥတ္တရသီရိနဲ့ ဗ္ဗသီရိတို့ ဖြစ်ပြီး ကျပ်သိန်း ၂၀၀ကနေ သိန်း၁၀၀၀ ၀န်းကျင်အထိ အရောင်းအ၀ယ်ဖြစ်နေပါတယ်။

လေပြေအေးအိမ်ခြံမြေ ၀န်ဆောင်မှု လုပ်ငန်းပိုင်ရှင် ဒေါ်သဲမျိုးမျိုးထွေးက အများဆုံးအရောင်းအ၀ယ်ဖြစ်တာကတော့ သိန်း ၂၀၀ ကျော်၊၃၀၀ တန်လောက်ပါပဲ၊ဈေးမြင့်တာတွေ ကတော့ ပုံမှန်လောက်ပဲအရောင်းအ၀ယ်ဖြစ်တယ်၊အရင်လတွေကထက်တော့ နေပြည်တော်ရဲ့ အိမ်ခြံမြေဈေးကွက်က ရောင်းဝယ်ငှားအားလုံးသွက်ပါတယ်၊အငှားဆိုပိုသွက်တယ်လို့ ပြောပါတယ်။
လက်ရှိအချိန်မှာတော့ နေပြည်တော်ရဲ့ အိမ်ခြံမြေဈေးကွက်က သင့်တင့်တဲ့ ဈေးနှုန်းတွေနဲ့ အရောင်းအ၀ယ်အငှားအားလုံး နီးပါးလောက်သွက်နေပြီး အငှားမှာဆိုရင်တော့ ငှားတဲ့သူတွေအနေနဲ့ ရွေးချယ်စရာနေရာ သိပ်မကျန်တော့ဘူးလို့ အိမ်ခြံမြေအကျိုးဆောင်တွေဆီက သိရပါတယ်။

Credit : The Modern