ဂျနီဖာလိုပက်ဇ်နှင့် ဘင်အက်ဖလက်တို့က အရောင်းဈေးကွက်တင်ထားသော နှစ်ဦးအတူနေခဲ့သည့် ချစ်ဗိမ္မာန်စံအိမ်ကြီးကို မရောင်းတော့ဘဲ ဈေးကွက်မှ ပြန်လည်ရုပ်သိမ်းသွား

တချိန်က အလွန်ချစ်ခဲ့ဖူးသော ဂျနီဖာလိုပက်ဇ်နှင့် ဘင်အက်ဖလက်တို့စုံတွဲသည် ၎င်းတို့၏ ဒေါ်လာ သန်း ၆၀ တန် ချစ်ဗိမ္မာန်ကြီးကို ဈေးကွက်မှ ပြန်လည်ရုပ်သိမ်းသွားသည်။

အဆိုပါစံအိမ်ကြီးကို ကန်ဒေါ်လာ ၆၈ သန်းဖြင့် တစ်နှစ်နီးပါး အရောင်းဈေးကွက်တင်ထားပြီးနောက် ယခုကဲ့သို့ မရောင်းတော့ဘဲ ပြန်လည်ရုပ်သိမ်းသွားခြင်းလည်း ဖြစ်သည်။

ဘီဗာလီဟေးလ်အရပ်တွင် တည်ရှိပြီး တောင်တန်းများ၏ ရှုမျှော်ခင်းများ ပိုင်ဆိုင်ထားကာ မကြာသေးမီက amenities များစွာ မွမ်းမံဖြည့်စွက်ထားသည်။

ဂျနီဖာလိုပက်ဇ်တို့ ၂ ဦးက မူလခေါ်ဈေးမှ ကန်ဒေါ်လာ ၈ ဒသမ ၁ သန်း ဈေးလျှော့ပေးခဲ့သည့်တိုင် ဝယ်လက်မရှိခဲ့ချေ။

(ဘင်အက်ဖလက်နှင့် ဂျနီဖာလိုပက်ဇ်တို့သည် ယခုနှစ် အစောပိုင်းက အပြီးသတ်ကွာရှင်းပြတ်စဲခဲ့ကြသည်။ ဓာတ်ပုံ-Golden Globes 2024 via Getty Images)

(ခြံဝန်းအကျယ် ၅ ဧကရှိသော စံအိမ်၏ ကောင်းကင်မြင်ကွင်း။ ဓာတ်ပုံ-@CelebCandidly / MEGA)

ဂျနီဖာလိုပက်ဇ်တို့စုံတွဲသည် လက်ထပ်ပြီး တစ်နှစ်မရှိသေးမီ ၂၀၂၃ ခုနှစ်၊ မေလတွင် ယခုစံအိမ်ကြီးကို ဝယ်ယူခဲ့ကြခြင်း ဖြစ်သည်။

အော်စကာဆုရှင် ဘင်အက်ဖလက်နှင့် ဂျနီဖာလိုပက်ဇ်တို့စုံတွဲက ယခုစံအိမ်ကို ဝယ်ယူခဲ့ရာတွင် ကန်ဒေါ်လာ ၆၀ ဒသမ ၈၅ သန်းပေးခဲ့ရသည်။

စတုရန်းပေ ၃၈၀၀၀ ကျယ်ဝန်းသော စံအိမ်ကြီးတွင် အိပ်ခန်း ၁၂ ခန်းနှင့် ရေချိုးခန်းပေါင်း ၂၄ ခန်းအထိ ပါဝင်သည်။

အရောင်းကြော်ငြာတွင် ဖော်ပြထားချက်အရ အရက်ဘား၊ ဘတ်စ်ကက်ဘောနှင့် pickleball ကွင်းများ၊ အားကစားလေ့ကျင့်ခန်းမ၊ လက်ဝှေ့ကြိုးဝိုင်းနှင့် ကား ၁၂ စင်းဆန့် ကားဂိုဒေါင်တစ်ခုတို့ ပါဝင်ကြောင်း သိရသည်။

ထို့အပြင် ရေကူးကန်၊ စတုရန်းပေ ၅၀၀၀ ကျယ်ဝန်းသော ဧည့်သည်တော် penthouse ၊ အိမ်တော်ထိန်း အတွက် အိမ်တစ်လုံး၊ အိပ်ခန်း ၂ ခန်းပါ ကင်းတဲအိမ် ၁ လုံး၊ ကားအစင်း ၈၀ ရပ်နားနိုင်သည့် ကားပါကင်နေရာ တို့လည်း ရှိသည်။

(အထပ် ၂ ထပ် ဖြန့်ကျက်ထားသည့် ခန်းမ။ ဓာတ်ပုံ-BACKGRID)

(ခေတ်မီ မီးဖိုဆောင်။ ဓာတ်ပုံ-BACKGRID)

(ဧည့်ခန်းမှတဆင့် နားနေဆောင်နှင့် ရေကူးကန်တို့ဆီသို့ ပေါက်သည်။ ဓာတ်ပုံ-BACKGRID)

စံအိမ်ကြီးကို လစဉ်ထိန်းသိမ်းစရိတ်မှာ ကန်ဒေါ်လာ ၂၈၄၀၀၀ ခန့်အထိ ကုန်ကျကြောင်း ခန့်မှန်းရသည်။

ထိုစရိတ်တွင် အိမ်ခြံမြေအရစ်ကျပေးသွင်းငွေလည်း အပါအဝင်ဖြစ်သည်။

ဂျနီဖာလိုပက်ဇ်နှင့် ဘင်အက်ဖလက်တို့သည် စံအိမ်ကြီးကို ၂၀၂၄ ခုနှစ်၊ ဇွန်လဆန်းပိုင်းတွင် တရားဝင် လူသိရှင်ကြား ဈေးကွက်မတင်ဘဲ ဈေးကွက်ပြင်ပ ရောင်းထုတ်ရန် စတင်ကြိုးစားခဲ့ခြင်းဖြစ်သည်။ ဂျနီဖာလိုပက်ဇ်က ကွာရှင်းပြတ်စဲခွင့် မလျှောက်ထားမီ ၂ လအလိုလည်း ဖြစ်သည်။

နောက်တစ်လအကြာတွင် ကန်ဒေါ်လာ ၆၈ သန်းဈေးခေါ်ကာ တရားဝင်အရောင်းဈေးကွက်တင်ခဲ့သည်။

(နားနေခန်းပါသော အိပ်ခန်း။ ဓာတ်ပုံ-BACKGRID)

(တောင်တန်းရှုမျှော်ခင်းများ တွေ့မြင်ရသော ရေချိုးခန်း။ ဓာတ်ပုံ-BACKGRID)

ယခု ၂၀၂၅ ခုနှစ်၊ မေလဆန်းပိုင်းတွင်မူ ကန်ဒေါ်လာ ၅၉ ဒသမ ၉၅ သန်းသို့ ဈေးလျှော့ပေးခဲ့ရာ အရှုံးခံရောင်းမည်ဟု ပြသလိုက်ခြင်းလည်း ဖြစ်သည်။

သို့သော် ယခုစံအိမ်ကဲ့သို့ high-end စံအိမ်များမှာ ရောင်းထွက်ရန် နှစ်အတန်ကြာ အချိန်ယူရသည်။

ဝယ်နိုင်မည့်သူဟူ၍လည်း အနည်းငယ်သာ ရှိမည် ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Jennifer Lopez and Ben Affleck are holding on to their $60 million home — for now Photo Credit-BACKGRID, @CelebCandidly / MEGA, Golden Globes 2024 via Getty Images