ရန်ကုန်တွင် ကျူးကျော်နေထိုင်သူများအတွက် တန်ဖိုးနည်းတိုက်ခန်း တစ်သောင်းကျော် စီစဉ်နေဟု နယ်လုံဝန်ကြီးပြော

ရန်ကုန်တိုင်းဒေသကြီး အစိုးရအဖွဲ့သည် ကျူးကျော်နေ ထိုင်သူများအတွက် တန်ဖိုးနည်း တိုက်ခန်းတစ်သောင်းကျော် စီစဉ် နေကြောင်း သတင်းရရှိသည်။

နိုဝင်ဘာ ၁၆ ရက်တွင် ကျင်း ပသော ရန်ကုန်တိုင်းဒေသကြီး လွှတ်တော်၌ ဒဂုံမြို့နယ်မဲဆန္ဒနယ် အမှတ်(၂)လွှတ်တော်ကိုယ်စား လှယ် ဦးကျော်ဇေယျက တိုင်းဒေသကြီးအစိုးရအဖွဲ့အနေဖြင့် ကျူး ကျော်နေထိုင်သူများအတွက် စီမံ ဆောင်ရွက်နေမှုကို ကြယ်ပွင့်ပြ မေးခွန်းမေးမြန်းရာ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး တင်အောင်ထွန်းက ဖြေကြားခဲ့ ခြင်း ဖြစ်သည်။

ရန်ကုန်တိုင်းဒေသကြီး အစိုး ရအဖွဲ့သည် ကျူးကျော်နေထိုင်သူ များအတွက် လှိုင်သာယာနှင့် ဒဂုံ မြို့သစ် (ဆိပ်ကမ်း)မြို့နယ် နှစ်ခု တွင် တိုက်ခန်းနှစ်ထောင်ကျော် ဆောက်လုပ်ပြီးစီးထားပြီး လှိုင်သာယာ၊ သန်လျင်၊ ဒဂုံမြို့သစ်(ဆိပ်ကမ်း)၊ ဒဂုံ(အရှေ့ပိုင်း) စသည့်မြို့နယ် လေးခုတွင် တိုက်ခန်းရှစ်ထောင် ထပ်မံတည်ဆောက် ရန် စီစဉ်နေကြောင်း နယ်လုံဝန်ကြီးဗိုလ်မှူးကြီးတင်အောင်ထွန်း က လွှတ်တော်၌ပြောကြားသည်။

‘‘ဆောက်လုပ်ပြီးအဖြစ် လှိုင် သာယာမြို့နယ် ရွှေလင်ဗန်းအပိုင်း(၂၊၃)မှာ အခန်းတစ်ထောင်၊ ဒဂုံ မြို့သစ်(ဆိပ်ကမ်း)မြို့နယ် ယုဇန အိမ်ရာအပိုင်း (၁၊ ၂)မှာအခန်း တစ်ထောင့်နှစ်ရာ့ရှစ်လုံး ဖြစ်ပါ တယ်။ ဆောက်ဖို့လျာထားတာ လေးမြို့နယ်မှာ ရှစ်ထောင်လျာ ထားပါတယ်။ အပေါ်က လှိုင်သာ ယာနဲ့ သန်လျင်က ခွင့်ပြုချက်ရပြီး ဖြစ်ပါတယ်။ ကျန်တဲ့နှစ်ခုကတော့ စီမံဆောင်ရွက်ဆဲ ဖြစ်ပါတယ်’’ဟု နယ်လုံဝန်ကြီးက ရှင်းပြသည်။

ကျူးကျော်စာရင်းပေးသွင်းရုံ ဖြင့် အခန်းနှင့်မြေကွက်ရရှိမည် မဟုတ်ဘဲ ကျူးကျော်ပြည်သူများ အလုပ်လုပ်မှသာ အစိုးရအဖွဲ့က နေစရာ ဖန်တီးပေးနိုင်မည်ဖြစ် ကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းက စက်တင်ဘာ ၁၇ရက်တွင် ဒဂုံမြို့သစ် (တောင်ပိုင်း)မြို့နယ်ရှိ ကျူးကျော်များအား စာရင်းကောက်ယူသည့် အနေအထားကို သွားရောက်ကြည့်ရှုစဉ် ပြောကြားခဲ့သည်။

ရန်ကုန်တိုင်းအစိုးရအဖွဲ့သည် ကျူးကျော်များအတွက် ထန်းတပင်မြို့နယ်တွင် မြေဧရိယာ ၅၃၄ဧကပေါ် ၌ ပေ ၂၀ × ၃၀ အကွက်ပေါင်း တစ်သောင်းငါးထောင်ခန့်ရှိသည့် ရပ်ကွက်တစ်ခုကို တိုးချဲ့တည်ဆောက်ရန် စီစဉ်ထားပြီး တွံတေးမြို့အနီး၌ အရန်မြေနေရာဧကတစ်သောင်း လျာထားကြောင်း သိရသည်။



Credit: 7DayDaily