ဒေါ်လာဈေး တည်ငြိမ်အောင် အချိန်မီ ထိန်းချုပ်ဖို့ လိုပြီ

ဒေါ်လာဈေးဟာ လက်ရှိထက် မြင့်လာနိုင်မလား၊ ငွေကြေးဖောင်းပွမှုနဲ့ ကုန်ဈေးနှုန်းမြင့်တတ်လာတာတွေကို ဘယ်လို လုပ်ဆောင်ပေးမလဲ ဆိုတာ စောင့်ကြည့်ရမယ်လို့ လုပ်ငန်းရှင်တချို့နဲ့ စီးပွားရေးပညာရှင် တချို့ က ပြောပါတယ်။

အရင်နှစ်တွေတုန်းကလည်း ဒေါ်လာဈေးတတ်တာတွေ ကြုံခဲ့ကြဖူးပါတယ်။ လက်ရှိတတ်ရတဲ့ အကြောင်း အရင်းက မတူပေမဲ့ တူညီတဲ့ ရလဒ်တွေ ဖြစ်လာမှာကိုတော့ စိုးရိမ်ကြပါတယ်။ တချို့ကတော့ ပြည်တွင်းမှာ စတော့ခ်ဈေးကွက်နဲ့ အိမ်ခြံမြေဈေးကွက်က လှည့်မရဘဲ တန့်နေတာကြောင့် ငွေပိုရှိသူတွေက ရွှေနဲ့ဒေါ်လာ ဘက်ကို လှည့်ပြီး ဈေးကစားကြတဲ့ သဘောတွေ ရှိတယ်လို့ ခန့်မှန်းကြပါတယ်။

စီးပွားရေးပညာရှင် ဦးစောမောင်က “ဒေါ်လာဈေး အတတ်အကျ ရှိတာ ပြဿ နာ မဟုတ်ပါဘူး၊ အတင်း ထိုးတတ်တာ၊ ကျတာမျိုးဆိုရင် စီးပွားရေး လှုပ်ခတ်တယ်၊ မြန်တာ ပြဿ နာပါ၊ ဒါကို အာရုံစိုက်ဖို့ လို တယ်၊ ပြည်သူတွေရဲ့ စားဝတ်နေရေး မထိခိုက်အောင် ဘာတွေလုပ်ဆောင်ရမလဲ ဆိုတာ စဉ်းစားကြဖို့ လိုတယ်၊ ဒေါ်လာဈေးတည်ငြိမ်မှုရှိမှ မြန်မာ့စီးပွားရေး လုပ်ငန်းအသီးသီး တည်ငြိမ်မှာ ဖြစ်တယ်” လို့ ပြော ပါတယ်။

ဒေါ်လာဈေး အခုလို တတ်လာတာက ဘတ်ဂျက်လို ငွေပြမှုကြောင့်လား ဆိုတဲ့ မေးခွန်းတွေ ထွက်ပေါ် လာသလို သည်ထက် မြင့်တတ်လာမယ်ဆိုရင် ပြည်သူတွေ စားဝတ်နေရေး ကျပ်တည်းလာမှာလား ဆိုတာ တွေလည်း စိုးရိမ်ကြပါတယ်။ အစိုးရ တာဝန်ရှိသူတွေ အနေနဲ့ ကောင်းမွန်မှန်ကန်တဲ့ စီးပွားရေး အ သိုက် အဝန်း တစ်ခုဖြစ်အောင် ဒေါ်လာဈေးကို တည်ငြိမ်အောင် အချိန်မီ ထိန်းချုပ်နိုင်ဖို့ လိုအပ်ပါတယ်။ နိုင်ငံခြား ငွေလဲလှယ်နှုန်း တည်ငြိမ်ဖို့ အရေးကြီးပါတယ်။ မတည်ငြိမ်ရင် စီးပွားရေးအပေါ် ရိုက်ခတ်နိုင် လို့ပါ။ တည်ငြိမ်အောင် တာဝန်ရှိသူတွေ အဖြေရှာဖို့ လိုတယ်လို့ လုပ်ငန်းရှင်တချို့နဲ့ စီးပွားရေး ပညာရှင်တချို့က သုံးသပ်ပါတယ်။

သည်နေ့မှာ ဒေါ်လာဈေးက ၁၂၇၅ ကျပ် ဖြစ်နေပါတယ်။ မြန်မာငွေတန်ဖိုး ကျဆင်းနေတာက နယ်စပ် ကုန်သွယ်မှုတွေကို ရိုက်ခတ်စေတယ်လို့ သိရတယ်။ အတတ်ကြမ်းခဲ့တဲ့ ဒေါ်လာဂယက်ကြောင့် ရွှေဈေးနှုန်း လည်း ကျပ် ၈၉၅,၀၀၀ အထိ ဈေးတတ်ခဲ့ပါတယ်။ ရွှေဈေးအတတ်ကြောင့် ရောင်းချသူတွေ များလားတယ်။ ဆိုင်တချို့ပိတ်တာမျိုးတွေ ရှိလာတယ်လို့ ဈေးကွက်အတွင်းက သိရတယ်။

ပြင်ပပေါက်ဈေးမှာ တစ်ဒေါ်လာကို သည်နေ့ ၁၂၇၅ ကျပ် ရှိပြီး ပုဂ္ဂလိက ဘဏ် တချို့မှာတော့ ၁၂၆၅ ကျပ် ရှိပါတယ်။ မြန်မာနိုင်ငံ ဗဟိုဘဏ်သတ်မှတ်ဈေးက ကျပ် ၁၂၅၀ ပါ။ ဈေးကွက်ရဲ့ လိုအပ်ချက်ကို ဖြည့်နိုင်တဲ့ အတိုင်းအတာမရှိဘဲ ကန့်သတ်ထားတာက ပြင်ပဈေးကွက်ကို အားပေးသလို ဖြစ်နေတယ်လို့ ဆိုပါတယ်။

ဒေါ်လာဈေးက ဝယ်လိုအား ရောင်းလိုအား ကြောင့်လား၊ နိုင်ငံရဲ့ လိုအပ်ချက်ကြောင့်လား ပြည်တွင်း ရင်း နှီးမြှုပ်နှံမှုတွေရဲ့ အခြေအနေကြောင့်လားဆိုတာ မေးစရာဖြစ်နေပါတယ်။ စီးပွားရေးလုပ်ငန်းရှင် တစ်ဦး ဖြစ်တဲ့ ဦးဇော်မင်းက “ကြိုတင်မှာရတဲ့ ဈေးကွက်တွေမှာလည်း ဒေါ်လာဈေးမငြိမ်လို့ ပစ္စည်းတန်ဖိုးတွေကို ပေါက်ဈေး နဲ့တွက်ပြီး ရောင်းတာတချို့ Prepaid တွေမှာ စရန်ငွေ ကြိုယူထားတာတွေကို ဈေးအပြောင်းအလဲရှိတယ်ဆိုပြီး ပိုက်ဆံ ထပ်တိုးတောင်းတာတွေလဲ ရှိကြတယ်” လို့ ပြောပါတယ်။

Credit: Kumudra