အိမ်ခြံမြေစံနှုန်းသစ် အခွန်ထမ်းဆောင်နိုင်တဲ့ နှုန်းထားဖြစ်ဖို့လို

အိမ်ခြံမြေ စံနှုန်းသစ်ကို ဈေးကွက်မှာ ပြောနေကြတဲ့ အတိုင်းစံနှုန်းမြင့်မယ်ဆို အိမ်ခြံမြေဈေးကွက် ပိုအေးနိုင်ပြီး အခွန်ထမ်းတွေ ဆောင်နိုင်တဲ့ နှုန်းထားဖြစ်လာဖို့ စဉ်းစားပေးသင့်တယ်လို့ သိရပါတယ်။

စံနှုန်းသတ်မှတ်ချက်တွေကို သက်ဆိုင်ရာမြို့နယ်အခွန်ရုံးက လက်ရှိဈေးနှုန်းတွေကို အခြေခံထားပြီး ရန်ကုန်တိုင်းဒေသကြီးအစိုးရအဖွဲ့ကို တင်ပြထားတယ်လို့ သိရပါတယ်။အိမ်ခြံမြေစံနှုန်းတွေကို တစ်နှစ်တစ်ကြိမ် ပြင်ဆင်ရေးဆွဲပြီး အိမ်ခြံမြေ အရောင်းအ၀ယ်ပြုလုပ်တဲ့အခါ သတ်မှတ်ထားတဲ့ စံနှုန်းတွေအတိုင်း အခွန်ပေးဆောင်ရတာဖြစ်ပါတယ်။အိမ်ခြံမြေတစ်ပေပတ်လည်စံနှုန်းတွေကို လမ်းနဲ့မြို့နယ်အလိုက် နေရာပေါ်မူတည်ပြီး ဈေးနှုန်းသတ်မှတ်ပေးထားတာပါ။

ဝါရင့်အကျိုးဆောင်ဦးမောင်မောင်က စံနှုန်းကလည်းမြင့်တယ်၊၀င်ငွေခွန်ကလည်းမြှင့်ထားတာဆိုတော့ အခွန်ဆောင်မဲ့ လူတွေထက် ရှောင်မှာတွေက ပိုများလာနိုင်တယ်၊တချို့စံနှုန်းတွေဆို နည်းနေတာများနေတာတွေရှိတယ်။ဒါတွေကိုချိန်ညှိပေးလိုက်ရုံနဲ့ ပဲ အဆင်ပြေပါတယ်၊အခုတော့ထပ်တိုးမယ်ဆိုတော့ အခြေခံလူတွေဘယ်တက်နိုင်မလဲလို့ ပြောပါတယ်။

စံနှုန်းတွေမှာ တချို့စံနှုန်းတွေက ပြင်ပပေါက်ဈေးရှိခဲ့ပါတယ်။အသစ်ထွက်ရှိမယ့် စံနှုန်းအသစ်မှာလည်း အဟောင်းကိုလျော့ထားတာရှိသလို တစ်ချို့နှုန်းထားတွေကို တိုးမြှင့်ထားတယ်လို့ အိမ်ခြံမြေအသိုင်းအ၀ိုင်းကသိရပါတယ်။နှစ်စဉ် အောက်တိုဘာလမှာ နှုန်းထားတွေထွက် တာကြောင့် အပြင်မှာပြောနေကြတဲ့ သတင်းကတော့ စံနှုန်းအတိအကျထွက်မှပဲ သိရနိုင်မှာ ဖြစ်ပါတယ်။

အရင်နှစ်တွေကလည်း စံသတ်မှတ်နှုန်းထားအသစ်တွေကြောင့် အေးနေတဲ့ ဈေးကွက်က အမေးမရှိသလောက်ဖြစ်သွားခဲ့တယ်။လက်ရှိကာလမှာအ၀ယ်မရှိဘဲ အေးစက်နေပြီးသားဈေးကွက်က စံနှုန်းအသစ်သာထွက်ရှိခဲ့ရင် ပိုဆိုးသွားမလားမေးစရာဖြစ်နေတာပါ။ဝင်ငွေခွန်နှုန်းထားတွေလည်း မြှင့်ထားတာကြောင့် စံနှုန်းတွေတိုးတာကလည်း အခွန်ရှောင်ဖို့ဖြစ်သွားနိုင်တယ်လို့ ပြောကြားတာမျိုး ရှိပါတယ်။

ဝယ်ရောင်းအကျိုးဆောင်ဦးကျော်စွာက ဒီလိုအချိန်မှာ စံနှုန်းပါထပ်မြှင့်မယ်ဆို ပိုပြီးအေးသွားနိုင်တယ်၊မ၀ယ်မဖြစ် ၀ယ်ကြတဲ့အခါ ကျသင့်တဲ့ အခွန်နှုန်းထားက မြင့်သွားတော့ လယပေးချင်ကြတော့မလဲ၊ပေးရမယ်ဆိုရင်တောင် သင့်တင့်တဲ့ နှုန်းထားလေးတွေ ဖြစ်စေချင်ကြတာပေါ့လို့ ပြောပါတယ်။

စံနှုန်းထားက ၀င်ငွေခွန်ပေးဆောင်တဲ့ အခါ ဆောင်ရမယ့်နှုန်းထားတွေဖြစ်ပါတယ်။ဝင်ငွေခွန်နှုန်းထားကလည်း ၂၀၁၆ ပြည်ထောင်စုအခွန်အကောက်ဥပဒေအရ တစ်ကျပ်မှ ကျပ်သိန်း ၃၀၀ အထိ ၁၅ရာခိုင်နှုန်း၊ ကျပ်သိန်း ၃၀၀ ကျော်မှ ကျပ်သိန်း ၁၀၀၀ အထိကို ၂၀ ရာခိုင်နှုန်း ၊ ကျပ်သိန်း ၁၀၀၀နဲ့ အထက်ကို ၃၀ ရာခိုင်နှုန်းအဖြစ်ပေးဆောင်ရတာပါ။

အခွန်နဲ့ အိမ်ခြံမြေဈေးကွက်ကို ထိန်းတဲ့ သဘောမျိုးဆိုပေမဲ့ အခွန်ဆောင်ဖို့ ကတကယ်နေဖို့ဝယ်တဲ့သူတွေအတွက်တော့ များနေတာကြောင့် အခွန်ကိုကန့်သက်ချက်တွေနဲ့ ခွဲခြားပေးမယ်ဆိုပိုပြီး အခွန်ဆောင်သူတွေအတွက် ထိရောက်မှုရှိစေမယ်လို့ အကျိုးဆောင်တချို့ကပြောပါတယ်။

Credit: The Kumudra