ထိုင်းဘုရင်မင်းမြတ် ဘူမိဘော အဗ္ဗဒူယာဒက်၏ ထီးနန်းအရိုက်အရာဆက်ခံမှု နှစ် ၇၀ ပြည့် အထိမ်းအမှတ်အဖြစ် ထိုင်းဗဟိုဘဏ်က ဘတ်ငွေ ၇၀ တန် ငွေစက္ကူပေါင်း သန်း ၂၀ ဖိုး ရိုက်နှိပ်ထုတ်ဝေသွားမည်ဖြစ်သည်ဟု ဘန်ကောက်အခြေစိုက်စီးပွားရေး သတင်းဝက်ဘ်ဆိုက်တစ်ခုတွင် ဖော်ပြသည်။
အဆိုပါ နေ့ထူးနေ့မြတ်အတွက် ထိုင်းအစိုးရကလည်း အခမ်းအနားများ ကျင်းပမည်ဖြစ်ရာ ထိုင်းဝန်ကြီးချုပ်ရုံး၊ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာန၊ နိုင်ငံခြားရေးဝန်ကြီးဌာန၊ လူမှုဖွံ့ဖြိုးရေးနှင့် လူသားလုံခြုံရေးဝန်ကြီးဌာန၊ အမျိုးသားဗုဒ္ဓဘာသာရုံးချုပ်၊ တော်ဝင်ထိုင်းရဲတပ်ဖွဲ့တို့က ဘာသာရေးအခမ်းအနားများ ကျင်းပသွားမည်ဖြစ်သည့်အပြင် သံဃာတော် အပါး ၇၇၀ တို့ကလည်း ပရိတ်တရားများ ရွတ်ဖတ်ကြမည် ဖြစ်သည်ဟု ထိုင်းအစိုးရ၏ ၀က်ဘ်ဆိုက်တွင် ဖော်ပြ http://goo.gl/RRxOJX သည်။
ထိုင်းဘုရင်မင်းမြတ်သည် ၁၉၄၆ ခုနှစ်၊ ဇွန်လ ၉ ရက်တွင် ချက်ကရီမင်းဆက်၏ န၀မမြောက်ဘုရင်အရိုက်အရာကို ဆက်ခံခဲ့ရာ လာမည့် ဇွန်လ ၉ ရက်တွင် နှစ် ၇၀ ပြည့်မည်ဖြစ်ပြီး ဇွန်လ ၉ ရက် ည ၇ နာရီတွင် အထိမ်းအမှတ်အခမ်းအနားများ ကျင်းပမည်ဖြစ်ပြီး ၀တ်ဆင်ရမည့် ၀တ်စုံမှာ အ၀ါရောင် (သို့မဟုတ်) ပန်းရောင်ဝတ်ဆင်ကြရမည်ဟု သတ်မှတ်ထားသည်။
၇၀ တန်ငွေစက္ကူ၏ ရှေ့မျက်နှာစာတွင် ထိုင်းလက်နက်ကိုင်တပ်ဖွဲ့များ၏ အကြီးအကဲဝတ်စုံဝတ်ဆင်ထားသည့် ဘုရင်မင်းမြတ်၏ ရုပ်ပုံကို ရိုက်နှိပ်ဖော်ပြထားမည်ဖြစ်ပြီး အခြားတစ်ဖက်တွင် သမိုင်းဝင် ပိုင်စန်တက်ခ်စင်ခန်းမကို ရိုက်နှိပ်ဖော်ပြမည်ဖြစ်သည်။
ယင်းငွေစက္ကူ၏ အရွယ်အစားမှာ အလျား ၁၆၂ မီလီမီတာ (၆ ဒသမ ၃ လက်မ) ၊ အနံ ၈၉ မီလီမီတာ (၃ ဒသမ ၅လက်မ) ရှိမည် ဖြစ်သည်။
မျက်နှာစာ နှစ်ဘက်စလုံးတွင် ထိုင်းအက္ခရာ ๗๐ ကို လင်းလက်သော မင်ရောင်ဖြင့် ရိုက်နှိပ်မည်ဖြစ်ပြီး ယင်းအက္ခရာမှာ ထိုင်းဘာသာအရ ၇၀ ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
