ရှန်ဟိုင်းအိမ်ခြံမြေဈေးကွက်တည်ငြိမ်စေရန် ရည်ရွယ်သော ပိုမိုတင်းကျပ်သည့် မူဝါဒများအား
ရှန်ဟိုင်းမြို့အစိုးရက မတ် ၂၅ ရက်တွင် မချမှတ်ခဲ့မီ အိမ်ခြံမြေ၀ယ်ယူမှုများ အလျင်အမြန်
ပြုလုပ်ခဲ့ကြရာ ၂၀၁၆ ခုနှစ် မတ်တွင် ရောင်းချခဲ့ရသည့် အိမ်သစ်ဧရိယာ ၂.၂၁ သန်း စတုရန်း
မီတာ ရှိခဲ့သည်။ ယင်းမှာ ၂၀၁၅ ခုနှစ် မတ်လကထက် ၁၈၄ ရာခိုင်နှုန်း မြင့်တက်ခဲ့သည့်
အပြင် ၂၀၁၅ ခုနှစ် ဧပြီကတည်းက အိမ်သစ်ရောင်းချရမှုဧရိယာအမြင့်မားဆုံးလဖြစ်ကြောင်း
Shanghai Homelink အိမ်ခြံမြေအေဂျင်စီက ဧပြီ ၁ ရက်တွင် ထုတ်ပြန်ခဲ့သည်။
"ဆန်းစစ်လေ့လာသူအများစုခန့်မှန်းခဲ့တာထက်ကို ပိုမိုပြင်းထန်းတင်းကျပ်ခဲ့တဲ့ မူဝါဒတွေက
ဝယ်လက်တွေအကြား စောင့်ကြည့်အဆင့်ကို ဖြစ်ပေါ်စေခဲ့တာဖြစ်မှာပါ။ ဒါ့ကြောင့် လာမယ့်
လတွေမှာ အိမ်ဈေးတွေ ငြိမ်သွားနိုင်ပါတယ်" ဟု Shanghai Homelink ၏ သုတေသနဒါရိုက်
တာ Lu Qilin က ပြောကြားခဲ့သည်။
အိမ်သစ်များ၏ ပျမ်းမျှဈေးနှုန်းသည် ပြီးခဲ့သည့် ဖေဖော်ဝါရီအောက် မတ်လတွင် ၉.၁ ရာခိုင်
နှုန်းကျဆင်းခဲ့ပြီး ၁ စတုရန်းမီတာကို ၃၃,၀၆၅ ယွမ် (အမေရိကန်ဒေါ်လာ ၅,၁၀၆)ရှိခဲ့သည်။
ရှန်ဟိုင်းအစိုးရသည် ၀ယ်လိုအားများတိုးမြင့်လာ မှုကြောင့် ဈေးနှုန်းများမြင့်တက်မှုအား မထိန်း
ချုပ်နိုင်မည်ကို စိုးရိမ်သဖြင့် မြို့၏ အဖွံ့ဖြိုးလွန်နေသော အိမ်ခြံမြေဈေးကွက် အနည်းငယ် တည်ငြိမ်စေ ရန်ကြိုးပမ်းမှုအဖြစ် တင်းကျပ်သော မူဝါဒအမြောက်အမြားကို မတ် ၂၅ ရက်တွင်
ကြေညာခဲ့သည်။
ဒုတိယအကြိမ်အိမ်ဝယ်ယူသူများအတွက် ယင်းအိမ်သည် သာမန်အဆင့်မဟုတ်ပါက အနိမ့်ဆုံး လက်ငင်းပေးချေ ရသည့် ပထမအရစ်ကို အိမ်တန်ဖိုး၏ရာခိုင်နှုန်း ၇၀ သို့မဟုတ် ယင်းအိမ် သည် သာမန်အဆင့် သာရှိပါက ရာခိုင်နှုန်း ၅၀ သို့ တိုးမြှင့်သတ်မှတ်ခဲ့သည်။
ယခင်က ရှန်ဟိုင်းတွင် ဒုတိယအကြိမ်အိမ်ဝယ်ယူ သူများသည် ယင်းအိမ်က သာမန်အဆင့်
ဖြစ်စေ၊ သာမန်ထက်အဆင့်မြင့်သည်ဖြစ်စေ အနိမ့်ဆုံး ၄၀ ရာခိုင်နှုန်းသာ ပေးချေရသည်။
ရှန်ဟိုင်းတွင် အကျယ်အ၀န်း စတုရန်းမီတာ ၁၄၀ အောက်၊ ဈေးနှုန်း အမေရိကန်ဒေါ်လာ
၆၉၁,၀၀၀ အောက် အိမ်များကို သာမန်အိမ်အဖြစ် သတ်မှတ်သည်။
ရှန်ဟိုင်းအစိုးရသည် အိမ်ဝယ်ယူမှုတိုင်းကို ပထမအကြိမ်ဝယ်ယူမှုဟုတ်မဟုတ် တင်းတင်း
ကျပ်ကျပ်စစ်ဆေးမည်ဖြစ်သည်။
စီးပွားရေးဖွံ့ဖြိုးမှုနှေးကွေးသော်လည်း ရှန်ဟိုင်း၌ အိမ်ဈေးများသည် ၂၀၁၅ ခုနှစ်ဖေဖော်ဝါရီ
ကထက် ၂၀၁၆ ခုနှစ်ဖေဖော်ဝါရီတွင် ၂၀.၆ ရာခိုင်နှုန်း မြင့်တက်ခဲ့ပြီး တရုတ်နိုင်ငံတွင်း၌
စန်းကျန်း (Shenzhen) ပြီးလျှင် ဒုတိယအမြင့်မားဆုံးဖြစ်ခဲ့သည်။ စန်းကျန်းတွင် ၅၆.၉
ရာခိုင်နှုန်းမြင့်တက်ခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
