သိုင်းလောကရဲ့ စိန်ခေါ်သံတွင် လင့်ဟူးချုန်းအဖြစ် သရုပ်ဆောင်ကာ နာမည်ကြီးခဲ့သူ ရုပ်ရှင်မင်းသား လီယဖန်က အကြွေးပိကာ စီးပွားရေးကျပ်တည်း နေသော်လည်း သူ၏ မူကြိုကျောင်းကို တစ်ပြားတစ်ချပ်မှ မယူဘဲ အခမဲ့ လှူဒါန်းပစ်ရန် စီစဉ်

တရုတ်နာမည်ကြီး ရုပ်ရှင်မင်းသား လီယဖန်သည် ၎င်းတည်ထောင်ဖွင့်လှစ်ထားသော မူကြိုကျောင်းကို အခြားသူအား တစ်ပြားတစ်ချပ်မှ မယူဘဲ ပေးကမ်းပစ်ရန် စီစဉ်ခဲ့ကြောင်း ဗီယက်နမ် သတင်းဝက်ဘ်ဆိုက် တစ်ခုဖြစ်သော VnExpress က ဖော်ပြသည်။

၎င်း၏ မိသားစုမှာမူ လုံးချင်းစံအိမ်ကြီးမှ တိုက်ခန်းကျဉ်းလေးသို့ ပြောင်းရွှေ့လိုက်ရသည်။

(အဆိုပါအကြောင်းရပ်ကို iMyanmarHouse.com ဝက်ဘ်ဆိုက်ကြီးတွင် ရေးသားဖော်ပြခဲ့ပြီး ဖြစ်ပါသည်)

(▲ ဓာတ်ပုံ-Weibo/Li Yapeng)

လီယဖန်က သူ၏မူကြိုကျောင်းတွင် ကျင်းပခဲ့သော ကလေးများနေ့တွင် မူကြိုကျောင်းကို အခမဲ့ လွှဲပြောင်းပေးကမ်းမည် ဖြစ်ကြောင်း အံ့အားသင့်ဖွယ် ပြောကြားလိုက်ခြင်း ဖြစ်သည်။

မလေးရှားအခြေစိုက် Sinchew သတင်းဌာန၏ ဖော်ပြချက်အရ မူကြိုကျောင်း၏ ပိုင်ဆိုင်မှုကို အခြားသူထံ တစ်ပြားတစ်ချပ်မှ မယူဘဲ လွှဲပြောင်းပေးတော့မည်ဖြစ်ကြောင်း ကြေညာခဲ့ခြင်းဖြစ်သည်။

သို့သော် မည်သူ့ထံ လွှဲပြောင်းပေးလိုက်သည်ကိုမူ မသိရချေ။

လီယဖန်က လူတိုင်းတွင် လူ့အဖွဲ့အစည်းကို ပြန်လည်ပေးဆပ်ရမည့် တာဝန်ရှိသည်ဟု ယူဆသည်။

“ဒါက ချမ်းသာလို့ မဟုတ်ပါဘူး။ လူတစ်ယောက်အနေနဲ့ ဘာက အရေးကြီးလဲဆိုတာကို ပြောချင်တာပါ” ဟု လီယဖန်က ပြောသည်။

လီယဖန်သည် သိုင်းလောကရဲ့ စိန်ခေါ်သံ (၂၀၀၁) တွင် ခေါင်းဆောင်မင်းသား လင့်ဟူးချုန်းအဖြစ် ပါဝင်သရုပ်ဆောင်ကာ နာမည်ကြီးခဲ့သူ ဖြစ်သည်။

လီယဖန်သည် ၂၀၁၁ ခုနှစ်တွင် ကိုယ်ပိုင်ငွေ ယွမ် သန်း ၁၀၀ (စင်္ကာပူဒေါ်လာ ၁၇ သန်း) ဖြင့် မူကြိုကျောင်းကို တည်ထောင်ခဲ့ခြင်း ဖြစ်သည်။

တည်ထောင်ပြီး ၁၄ နှစ်တာကာလအတွင်း လီယဖန်၏ မူကြိုမှာ တရုတ်ပြည်၏ ပုဂ္ဂလိက မူကြိုများတွင် ရပ်တည်မှုအဆင့်အရ ထိပ်တန်းနေရာအထိ ရောက်လာခဲ့သည်။

မူကြိုကျောင်းကို အခမဲ့လှူပစ်မည့် ဆုံးဖြတ်ချက်နှင့် စပ်လျဉ်းပြီး လူမှုကွန်ရက်တွင် ဝေဖန်မှုများ များပြားနေသည်။

လူမှုကွန်ရက်သုံးစွဲသူတို့က လီယဖန်အနေဖြင့် ကြွေးမြီများစွာ တင်နေရာ မူကြိုကျောင်းကို ရောင်းချပြီး အကြွေးဆပ်သင့်ကြောင်း ဝေဖန်ကြသည်။

လီယဖန်၏ ဇနီးဖြစ်သူ မော်ဒယ် ဟိုင်းဟာ ဂျင်းရှီက ပြီးခဲ့သောလအတွင်း live လွှင့်စဉ် ပြောကြားခဲ့သည်မှာ မိမိတို့ မိသားစု ငွေကြေးခက်ခဲနေကြောင်း၊ အိမ်ခြံမြေရင်းနှီးမြှုပ်နှံမှုလုပ်ငန်း မအောင်မြင်သောကြောင့် ယွမ် သန်း ၄၀ ခန့် အကြွေးတင်နေကြောင်း ပြောခဲ့ဖူးသည်။

ကြီးမားသော လုံးချင်းစံအိမ်ကြီးမှ တိုက်ခန်းကျဉ်းလေးသို့ မိမိဘာသာတစ်ယောက်တည်း ပြောင်းရွှေ့ခဲ့ရပုံကိုလည်း ဂျင်းရှီက ဗွီဒီယိုဖိုင်တင်ခဲ့သေးသည်။

ထိုသို့အိမ်ပြောင်းချိန်တွင် လီယဖန်မှာ အလုပ်ကိစ္စဖြင့် အဝေးသို့ ရောက်နေသောကြောင့် ဂျင်းရှီတစ်ဦးတည်း အိမ်ပြောင်းရခြင်း ဖြစ်သည်။

ထိုသို့ ခက်ခဲနေသော်လည်း မိမိအနေဖြင့် ခင်ပွန်း၏နောက်တွင် အခိုင်အမာ ရပ်တည်ပေးနေကြောင်း ဂျင်းရှီက ပြောသည်။

လီယဖန်သည် မက်မွန်မြေမှ ချစ်တေးတစ်ပုဒ် (The Legend of the Condor Heroes) ၂၀၀၃ ဗားရှင်း တွင်လည်း ကောကျင့်အဖြစ် ခေါင်းဆောင်နေရာမှ ပါဝင်သရုပ်ဆောင်ထားသည်။

သို့သော် ထိုဗားရှင်းမှာ ၂၀၀၈ ဗားရှင်းလောက် လူကြိုက်မများခဲ့။ သိုင်းလောက၏ စိန်ခေါ်သံသည်သာ သူ၏ masterpiece ဖြစ်ခဲ့သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Li Yapeng gives up his kindergarten while his wife and daughter move out of their villa to cut costs