ကမ္ဘာကျော်အမေရိကန်သရုပ်ဆောင် ချက်စ်နောရစ်၏ နေအိမ်ရောင်းချမည်ဖြစ်ကြောင်း thechive.com တွင် ဖော်ပြသည်။
ချက်စ်နောရစ်သည် အမေရိကန်ပြည်ထောင်စု၊ အိုကလာဟိုးမားပြည်နယ်တွင် မွေးဖွားသူတစ်ဦးဖြစ်ပြီး ငယ်စဉ်က အလွန်ရှက်တတ်သူ တစ်ဦး ဖြစ်သည်။
အမေရိကန်လေတပ်သို့ ၁၉၅၈ ခုနှစ်တွင် ၀င်ရောက်ခဲ့ပြီး တောင်ကိုရီးယားရှိ အိုဆန်လေတပ်အခြေစိုက်စခန်းတွင် တာဝန်ထမ်းဆောင်ခဲ့ ရသည်။
တောင်ကိုရီးယားတွင် စစ်မှုထမ်းဘ၀ဖြင့်ရှိနေစဉ်အတွင်း တန်ဆုဒိုကိုယ်ခံပညာရပ်ကို စတင်လေ့ကျင့်ခဲ့ပြီး ခါးပတ်နက်အဆင့်အထိ ရရှိလာခဲ့သည်။
အမေရိကန်ပြည်ထောင်စုသို့ ပြန်လည်ရောက်ရှိသောအခါတွင် ချုံကွတ်ဒိုအမည်ရှိ ကိုယ်ခံပညာသင်တန်းဖွင့်လှစ်ခဲ့သည်။
၁၉၆၉ ခုနှစ်တွင်The Wrecking Crew ဇာတ်ကားတွင် စတင်သရုပ်ဆောင်ကာ ရုပ်ရှင်လောကသို့ ၀င်ရောက်လာခဲ့သည်။
လောင်းဘိခ်ျတွင် ကျင်းပသော ကိုယ်ခံပညာစွမ်းရည်ပြပွဲတွင် ချက်စ်နောရစ်သည် နာမည်ကျော်ကိုယ်ခံပညာရှင် သရုပ်ဆောင် ဘရုစ်လီနှင့် တွေ့ဆုံခဲ့သည်။
၁၉၇၂ ခုနှစ်တွင် Way of the Dragon ဇာတ်ကား၌ ဘရုစ်လီနှင့် တွဲဖက်သရုပ်ဆောင်ခဲ့ကြသည်။
ချက်စ်နောရစ်၏ ရောင်းချမည့်နေအိမ်မှာ တက္ကဆပ်ပြည်နယ်၊ ဒါးလက်စ်မြို့ တွင်တည်ရှိသည်။
လက်ရှိပိုင်ဆိုင်သူမှာ ချက်စ်နောရစ်၏ ညီဖြစ်သူ အာရွန်နောရစ် ဖြစ်သည်။
တစ်ထပ်အဆောက်အဦဖြစ်ပြီး ၁၉၇၅ ခုနှစ်တွင် ဆောက်လုပ်ခဲ့သည်။
အကျယ်အ၀န်း ၇၃၆၂ စတုရန်းပေရှိပြီး အိပ်ခန်း ၄ခန်း ရေချိုးခန်း ၇ ခန်းပါဝင်သည်။
ရေကူးကန်၊ ကား ၃ စင်းဝင်ဆန့်သည့် ကားဂိုဒေါင်၊ အားကစားခန်းမ၊ ရုပ်ရှင်ရုံတစ်ခုတို့ပါဝင်သည်။
ခေါ်ဈေးမှာ ကန်ဒေါ်လာ ၁ ဒသမ ၂ သန်းဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
