သန့်စင်ခန်းသုံး ပစ္စည်းများ ထုတ်လုပ်သော နာမည်ကျော် ဂျပန်ကုမ္ပဏီ TOTO သည် နိုင်ငံ အနောက်တောင်ပိုင်းရှိ ကုမ္ပဏီရုံးစိုက်ရာ ကီတာကျူရှူး မြို့တွင် TOTO အိပ်သာ သမိုင်းပြတိုက်ကြီးကို သောကြာနေ့က စတင် ဖွင့်လှစ်လိုက်ပြီ ဖြစ်သည်။ TOTO သည် နည်းပညာမြင့် အိမ်သာကမုတ်များ ထုတ်လုပ်ရာတွင် ကမ္ဘာကပါ အသိအမှတ်ပြုရမည့် ကုမ္ပဏီလည်း ဖြစ်သည်။
TOTO သည် ၁၉၁၄ ခုနှစ်တွင် ကုမ္ပဏီ၏ ပထမဆုံးသော ရေဆွဲအိမ်သာ ကမုတ်ကို ထုတ်လုပ်ခဲ့သည်။ TOTO သမိုင်းတစ်လျှောက် အိမ်သာကမုတ်များကို ပြသထားရုံ သာမက တိုကျိုမြို့လယ်ရှိ ဂျပန်နိုင်ငံတော် ဧည့်ဂေဟာတွင် TOTO က တာဝန်ယူ လုပ်ပေးထားသည့် သန့်စင်ခန်း ပုံစံတူကိုလည်း ပြတိုက်တွင် ပြသထားသည်။ ၁၉၆၄ ခုနှစ်က တိုကျို အိုလံပစ်ကာလတွင် နိုင်ငံခြားသားများ တည်းခိုမည့် ဂျပန်ဟိုတယ်ကြီးများ အတွက် TOTO က ဒီဇိုင်း ထုတ်ပေးခဲ့သော သန့်စင်ခန်း ပုံစံတူ များကိုလည်း ပြသထားသည်။
ပြတိုက်ဝင်ခွင့် အခမဲ့ ဖြစ်သည်။ ဂျပန်နိုင်ငံရှိ အိမ်သာကမုတ် အများစုကြီးသည် လျှပ်စစ်ဓာတ်အားနှင့် အလုပ်လုပ်သည်။ အခြေခံအဆင့် အိမ်ကမုတ်သည်ပင် ဆောင်းရာသီ ချမ်းအေးချိန်များတွင် လျှပ်စစ်ဓာတ်အားဖြင့် ခပ်နွေးနွေး ဖြစ်နေအောင် စီစဉ်ထားသလို၊ ရေနွေးနွေးများ ဖျန်းပေးနိုင်အောင်လည်း စီစဉ်ထားသည်။ နည်းပညာမြင့် အိမ်သာ ကမုတ်များကား အထိုင်အထ လှုပ်ရှားမှု အာရုံခံ ကိရိယာများ၊ အနံ့ဖျောက် ကိရိယာများ၊ အလိုအလျောက် ရေဆေး ပေးမည့် ရေပန်းများပါ ပါဝင်သည်။ စွမ်းဆောင်ရည် မြင့်သလို၊ စွမ်းအင်နှင့်ရေ ကုန်ကျမှု အနည်းဆုံး ဖြစ်အောင်လည်း စီစဉ်ထားသဖြင့် သုံးဖူးသူများ၏ ချီးကျူးခြင်း ခံရသည်။
နည်းပညာမြင့် အိမ်သာ ကမုတ်များသည် ထမင်းပေါင်းအိုး၊ အလှကုန် ပစ္စည်း များနှင့်တန်းတူ ဈေးကွက်ရနေသော ဂျပန်ပို့ကုန် အဖြစ်လည်း စံချိန်တင်နေသည်။
Credit: messenger
