အဆင့်မြင့်ဟိုတယ်များ၊ အပန်းဖြေစခန်းနှင့် ရွက်လှေများ ဆိုက်ကပ်နိုင်မည့်ဆိပ်ကမ်းအပြင်လောင်း
ကစားရုံ(ကာစီနို)များပါဝင် မည့် အမေရိကန်ဒေါ်လာ ၁ ဒသမ ၂ ဘီလျံတန် Lux Dream Island
စီမံကိန်းကိုမြိတ်ကျွန်းစုဒေသ၌ မကြာမီ စတင်အကောင်အထည်ဖော်ရန်ပြင်ဆင်နေသည်။
အဆိုပါစီမံကိန်းအား တည်ဆောက်၊ လုပ်ကိုင်၊ လွှဲပြောင်း (ဘီအိုတီ)စနစ်ဖြင့် လုပ်ကိုင်ရန်
စင်ကာပူနိုင်ငံက Zochwell Group သည် တနင်္သာရီတိုင်းဒေသကြီးအစိုးရနှင့် ယခုလ ထဲတွင်
သဘောတူစာချုပ် လက်မှတ်ရေးထိုး ရန် ပြင်ဆင်နေသည်။ မြန်မာနိုင်ငံတောင်ပိုင်းဒေသတွင်
တည်ရှိ သည့် မြိတ်ကျွန်းစုဒေသသည် ကျွန်းပေါင်း ၈၀၀ ကျော်ဖြင့် ဖွဲ့စည်းထားပြီး ဆလုံလူမျိုးများ
နေထိုင်ကြသည့် ဒေသတစ်ခုဖြစ်ကာ ကမ္ဘာ လှည့်ခရီးသွားအများစု မရောက်ဖူးကြသေး သည့်
ဒေသတစ်ခုဖြစ်သည်။
၂၀၁၄ ခုနှစ်အကုန် အထိ အဆိုပါဒေသတွင် ဟိုတယ်ငါးခုဖွင့်လှစ် ထားကာ ဟိုတယ်ခန်း ၁၉၆ ခန်း
သာရှိကြောင်း ဟိုတယ်နှင့် ခရီးသွားလာရေးလုပ်ငန်းဝန်ကြီး ဌာန၏ စာရင်းများအရ သိရသည်။
ယခုစီမံကိန်းလုပ်ဆောင်မည့် ဆလုံကျွန်း သည် ၆၇၉ ဧက ရှိကာ ကော့သောင်းမြို့မှ မော်တော်ဘုတ်ဖြင့်
သွားရောက်ပါက မိနစ် ၂၀ ခန့်အကွာအဝေးတွင် တည်ရှိသည်။ "ကျွန်းပေါ်မှာ အုန်း၊ ကွမ်းသီး၊
ရော်ဘာနဲ့ ပြောင်းစိုက်ခင်းတွေ စိုက်ပျိုးထားတာတွေရှိပါတယ်။ ဒါကြောင့် ကျွန်တော်တို့ဟာ
ပြီးခဲ့တဲ့နှစ်နှစ်အတွင်းမှာ လျော်ကြေးကိစ္စတွေကို ညှိနှိုင်းဆောင်ရွက်ခဲ့ပါတယ်" ဟုZochwell Group ၏
Chief commercial officerMrGarethChinက ပြောသည်။ တောင်သူများအားလုံးနီးပါးအား
လျော်ကြေးများပေးအပ်ခဲ့ပြီးဖြစ်ကာ လျော်ကြေး မယူလိုသည့် တောင်သူများမှာ ၎င်းတို့၏
မြေများတွင် ဆက်လက်လုပ်ကိုင်နိုင်ကြမည်ဖြစ်ပြီး စီမံကိန်းကိုမူ ၎င်းမြေများကို ရှောင်ကွင်းပြီး
လုပ်ဆောင်မည်ဖြစ်သည်။ "ရှေ့နေချုပ်က အတည်ပြုချက်ရရှိတာနဲ့ မြေငှားဖို့နဲ့ ဘီအိုတီစာချုပ်ကို
တိုင်းဒေသကြီး အစိုးရ ၀န်ကြီးချုပ်နဲ့ လက်မှတ်ရေးထိုးသွား မှာဖြစ်ပါတယ်။ ဒါပြီးတာနဲ့ မြန်မာနိုင်ငံ
ရင်းနှီး မြှုပ်နှံမှုကော်မရှင်ရဲ့ အတည်ပြုချက်ကို ရယူ သွားမှာဖြစ်ပါတယ်" ဟု Mr.Chin ကဆိုသည်။
အဆိုပါကျွန်းကို ဘီအိုတီစနစ်ဖြင့် နှစ် ၅၀ ငှားရမ်းသွားမည်ဖြစ်ကာ နောက်ထပ် ၁၀ နှစ် သက်တမ်းနှစ်ကြိမ်
တိုးနိုင်မည်ဖြစ်သည်။ သို့သော် မြိတ်မြို့ ဟိုတယ်နှင့် ခရီးသွား လုပ်ငန်း လက်ထောက်ညွှန်ကြားရေးမှူး
ဦးလွှမ်းမိုးကမူ အဆိုပါစီမံကိန်းနှင့် ပတ်သက် ပြီး ၎င်းတို့ တစ်စုံတစ်ရာသိရှိထားခြင်းမရှိသေးကြောင်း
ပြောသည်။
"မြိတ်ကျွန်းစုက ကျွန်းတွေအားလုံးကို ကျွန်တော်တို့က ကွပ်ကဲရပါတယ်။ သူတို့ အနေနဲ့ ကျွန်တော်တို့
ဌာနကနေ အတည်ပြု ချက်ရယူဖို့လိုအပ်ပါတယ်။ ဒါပေမဲ့ အခုချိန် အထိတော့ ကျွန်တော်တို့
ဘာသတင်းအချက် အလက်မှ ရရှိမထားသေးပါဘူး" ဟု ၎င်းက ပြောသည်။ စီမံကိန်းတစ်ခုလုံး
အတွက် ဒေါ်လာ ၁ ဒသမ ၄ ဘီလျံကုန်ကျမည်ဟု အကြမ်းဖျင်း ခန့်မှန်းထားသည်။ ပထမအဆင့်တွင်
ရွက်လှေ များ ဆိုက်ကပ်နိုင်မည့် လှေဆိပ်နှင့် ဂေါက်ကွင်းတို့ကို တည်ဆောက်မည် ဖြစ်သည်။
ကျွန်းပေါ်တွင် ကာစီနိုလည်း ဖွင့်လှစ်သွား ရန် မူအားဖြင့် သဘောတူညီမှုရရှိထားပြီးဖြစ်သော်လည်း
ရင်းနှီးမြှုပ်နှံမှု ကော်မရှင်ထံက ခွင့်ပြုချက်ရယူရဦးမည်ဟု Mr.Chin က ပြော သည်။
ရင်းနှီးမြှုပ်နှံမှုကော်မရှင်ထံက ခွင့်ပြု ချက်ရရှိပါက စီမံကိန်း၏ လုပ်ငန်းများ ယခု နှစ်ကုန်တွင်
စတင်နိုင်မည်ဖြစ်သည်။ ၎င်းတို့တည်ဆောက်ရန် စီစဉ်ထားသည့် ရွက်လှေဆိပ်သည် ကမ္ဘာပတ်
ရွက်လှေလမ်းကြောင်းတွင် အဓိက နေရာတစ်ခုဖြစ်လာလိမ့် မည်ဟု Mr.Chin က မျှော်လင့်ထားသည်။
"ရွက်လှေပိုင်ဆိုင်တဲ့သူတွေ အတော်များ များက ကမ္ဘာပတ်ချင်ကြပါတယ်။ ဒီဒေသမှာဆိုရင်
စင်ကာပူ၊ မလေးရှားနဲ့ ဖူးခက်ကို သူတို့ ဖြတ်သွားကြတယ်။ ဒါပေမဲ့ ဖူးခက်က လှေဆိပ်
လေးခုစလုံးက ပြည့်နေပါပြီ။ လက်ခံနိုင်မှုက ပြည့်နေပြီဖြစ်လို့ အစိုးရကလည်း လှေဆိပ်အသစ်အတွက်
လိုင်စင်အသစ်တွေ ထုတ်မ ပေးတော့ပါဘူး။ နောက်ထပ် ရပ်နားစရာနေရာ တစ်ခုက
အိန္ဒိယသမုဒ္ဒရာအရှေ့ပိုင်းက နီကိုးဘားကျွန်းဖြစ်ပါတယ်။ အခုလက်ရှိမှာတော့ ဖူးခက်ကနေ
အဲဒီကို ကြီးတဲ့လှေတွေပဲ သွားနိုင်ပါသေးတယ်။ မြန်မာမှာ လှေဆိပ် ရှိမယ်ဆိုရင် ရွက်လှေ
အသေးတွေလည်း ဒီမှာ နားပြီး ဆက်သွားနိုင်ပါလိမ့်မယ်" ဟု ၎င်းက ပြောသည်။
တာဝန်ယူမှုရှိသော ခရီးသွားလုပ်ငန်းဆိုင် ရာလမ်းညွှန်ချက်များအတိုင်း စီမံကိန်းကိုတည်ဆောက်သွားမည်ဟု
၎င်းက ပြောသည်။ ဒေသတွင်းရှိ ထူးခြားသည့် ဇီဝမျိုးစိတ်များ အား ခြိမ်းခြောက်ခံနေရသော
မြိတ်ကျွန်းစု ဒေသကို Marine Protected Area အဖြစ် သတ်မှတ်ရန် ခြိမ်းခြောက်ခံနေရသော
မျိုးစိတ်များနှင့် ဂေဟစနစ် ထိန်းသိမ်းရေး အဖွဲ့ (Flora & Fauna International ) က
အဆိုပါပြုထားသည်။
ထို့ပြင်ယူနက်စကို၏ ကမ္ဘာ့အမွေအနှစ်ဒေသအဖြစ် သတ်မှတ်ရန် ရွေးချယ်မည့်စာရင်းတွင်လည်း
ထည့်သွင်း ထားသည်။ "ရင်းနှီးမြှုပ်နှံမှုကော်မရှင်ထံကို လျှောက်လွှာမတင်မီမှာ ပတ်ဝန်းကျင်
ထိခိုက်နစ်နာနိုင် မှုစစ်တမ်း (အီးအိုင်အေ)ကို ကျွန်တော်တို့ ပြင်ဆင်ရမှာဖြစ်ပါတယ်။ ပြီးတော့
အစိုးရက အဆိုပြုတဲ့အချက်တွေ အားလုံးကိုလည်း လိုက်နာလုပ်ဆောင်ရမှာ ဖြစ်ပါတယ်" ဟု
Mr.Chin က ပြောသည်။
Credit: mmtimes
